அரச வரி வருவாய் அதிகரிப்பு
2025 ஆம் ஆண்டின் முதல் நான்கு மாதங்களில் அரச வரி வருவாயில் குறிப்பிடத்தக்க அதிகரிப்பு பதிவாகியுள்ளது.
இலங்கை மத்திய வங்கி (CBSL) வெளியிட்டுள்ள தரவுகளுக்கமைய, 2024 ஆம் ஆண்டின் இதே காலகட்டத்தில் 1,218.07 பில்லியன் ரூபாவாக காணப்பட்ட அரசாங்க வரி வருவாய் மற்றும் மானியங்கள், 2025 ஆம் ஆண்டின் முதல் நான்கு மாதங்களில் 236.60 பில்லியன் ரூபாவாக அதிகரித்து 1,454.67 பில்லியன் ரூபாவை எட்டியுள்ளது.
இதன்படி, 19.42 வீத வளர்ச்சி பதிவாகியள்ளது.
2025 ஏப்ரலில் மாத்திரம் மாத்திரம் 463.19 பில்லியன் ரூபா வரி வருமானம் பதிவாகியுள்ளது.
இந்த வருமான அதிகரிப்புக்கு வாகனங்கள் மீண்டும் இறக்குமதி செய்யப்பட்டமையே காரணம் என தெரிவிக்கப்பட்டுள்ளது.