முன்னாள் ஜனாதிபதிகளுக்கு சலுகை காலம்

முன்னாள் ஜனாதிபதிகளின் பயன்பாட்டிற்காக வழங்கப்பட்டுள்ள இரண்டு வாகனங்களுக்கு மேலதிகமாக, வழங்கப்பட்டுள்ள அரசாங்க வாகனங்களை திருப்பித் தருவதற்கு ஜனாதிபதி செயலகம் சலுகை காலத்தை வழங்கியுள்ளது.

முன்னாள் ஜனாதிபதிகளுக்கு முன்னர் ஜனாதிபதி செயலகத்தால் தலா மூன்று வாகனங்கள் வழங்கப்பட்டன.

எனினும், முன்னாள் ஜனாதிபதி ஒருவர் இரண்டு அரசாங்க வாகனங்களை மட்டுமே பயன்படுத்த முடியும் என்ற அரசாங்கத்தின் முடிவைத் தொடர்ந்து, மீதமுள்ள வாகனத்தை திருப்பித் தருமாறு ஜனாதிபதி செயலகம் மூலம் எழுத்துப்பூர்வ கோரிக்கை விடுத்திருந்தது.

அதன்படி, ஜனாதிபதி செயலகத்தில் வாகனங்களை இதுவரை ஒப்படைக்காதவர்களுக்கு சலுகைக் காலம் வழங்க ஜனாதிபதி செயலகம் நடவடிக்கை எடுத்துள்ளதாக ஜனாதிபதி செயலக வட்டாரங்கள் உறுதிப்படுத்துகின்றன.

ஒரு அமைச்சரவை அமைச்சருக்கு வழங்கப்படும் சலுகைகள் முன்னாள் ஜனாதிபதிகளுக்கும் வழங்கப்படுகின்றன.

அதன்படி, ஒரு அமைச்சரவை அமைச்சர் வழக்கமாக இரண்டு அரசு வாகனங்களைப் பயன்படுத்துகிறார், மேலும் முன்னாள் ஜனாதிபதிகளுக்கும் அதே முறையில் இரண்டு வாகனங்கள் ஒதுக்கப்பட்டுள்ளன.