சீமெந்து களவை ஏற்றிச் சென்ற கனரக வாகனம் விபத்து

திருகோணமலை -அக்போபுர பொலிஸ் பிரிவிலுள்ள 85 ஆம் கட்டைப்பகுதியில் சீமெந்து களவை ஏற்றிச் சென்ற கனரக வாகனமொன்று பிரண்டு விபத்துக்குள்ளாகியுள்ளது.

இச்சம்பவம் இன்று திங்கட்கிழமை (06) காலை இடம்பெற்றுள்ளது.

சீமெந்து களவையை ஏற்றிக் கொண்டு பயணித்த இவ் வாகனம் பிரண்டு விபத்துக்குள்ளானதில் வாகனத்தில் பயணித்த சாரதியும்,உதவியாளரும் சிறு காயங்களுடன் தெய்வாதீனமாக உயிர்தப்பியுள்ளனர்.

விபத்து தொடர்பான மேலதிக விசாரணைகளை அக்போபுர பொலிஸார் முன்னெடுத்து வருகின்றனர்.