சீரற்ற வானிலை – 1800 பேர் பாதிப்பு

10 மாவட்டங்களில் 504 குடும்பங்களைச் சேர்ந்த மொத்தம் 1,790 பேர் தொடர்ச்சியான மோசமான வானிலையால் பாதிக்கப்பட்டுள்ளதாக அனர்த்த முகாமைத்துவ மத்திய நிலையம் (DMC) தெரிவித்துள்ளது.

சமீபத்திய நாட்களில் சீரற்ற வானிலை காரணமாக 10 பேர் உயிரிழந்துள்ளதாகவும், நான்கு பேர் காயமடைந்துள்ளதாக பதிவாகியுள்ளது. பலத்த மழை மற்றும் பலத்த காற்று காரணமாக இரண்டு வீடுகள் இடிந்து விழுந்துள்ளன, 193 வீடுகள் சேதமடைந்துள்ளன.

இந்நிலையில், ஏதேனும் அவசரநிலைகளுக்கு 117 என்ற அவசர எண்ணைத் தொடர்பு கொள்ளுமாறு பொதுமக்களை அனர்த்த முகாமைத்துவ மத்திய நிலையம் வலியுறுத்தியுள்ளது.

வளிமண்டலவியல் திணைக்களத்தின் கூற்றுப்படி, குறிப்பாக வடக்கு, வட-மத்திய மற்றும் கிழக்கு மாகாணங்களில் இடியுடன் கூடிய மழை பெய்யும் என்றும், சில பகுதிகளில் 100 மி.மீ.க்கு மேல் கனமழை பெய்யும் என்றும் எதிர்பார்க்கப்படுகிறது.

இடியுடன் கூடிய மழை பெய்யும் போது பலத்த காற்று மற்றும் மின்னல் ஏற்படாமல் இருக்க முன்னெச்சரிக்கை நடவடிக்கைகளை எடுக்குமாறு அதிகாரிகள் பொதுமக்களை அறிவுறுத்தியுள்ளனர்.