‘கூலி’ திரைப்பட ரிலீஸ் திகதி இதுதானா?

லோகேஷ் கனகராஜ் இயக்கத்தில் ரஜினிகாந்த் நடிக்கும் அவரது 171 ஆவது திரைப்படம் கூலி. இத் திரைப்படத்தில் நாகர்ஜூனா, சத்யராஜ், ஸ்ருதிஹாசன் உள்ளிட்டோர் முக்கிய கதாபாத்திரங்களில் நடிக்கின்றனர்.

படத்தின் படப்பிடிப்பு 70 சதவீதம் முடிவடைந்துள்ள நிலையில், மார்ச் மாதத்துக்குள் படப்பிடிப்பு முழுவதும் முடிவடையவுள்ளதாக கூறப்படுகிறது.

இந்நிலையில் தற்போது படத்தின் வெளியீட்டு திகதி குறித்து தகவல் வெளியாகியுள்ளது.

அதன்படி எதிர்வரும ஒகஸ்ட் மாதம் 10 ஆம் திகதி உலகளாவிய ரீதியில் இப் படத்தை வெளியிட படக்குழு தீர்மானித்துள்ளது.

இது தொடர்பில் அதிகாரப்பூர்வ வெளியீட்டை படக்குழு விரைவில் வெளியிடும் என எதிர்பார்க்கப்படுகிறது.