ஐபிஎல் 2026 – ஏலம் நடைபெறும் இடம் மற்றும் திகதி அறிவிப்பு

ஐபிஎல் 2026 தொடருக்கான மினி ஏலம் விரைவில் நடைபெறவுள்ள நிலையில், ஏலம் நடைபெறும் இடம் மற்றம் திகதி பற்றிய அறிவிப்புகள் வெளியாகியுள்ளன.

இதன்படி மினி ஏலம் டிசம்பர் 16ஆம் திகதி அபுதாபியில் இடம்பெறவுள்ளதாக தெரிவிக்கப்பட்டுள்ளது.

ஐபிஎல் தொடரின் 19ஆம் பதிப்பு அடுத்த ஆண்டு இடம்பெறவுள்ளது. இந்த தொடருக்கு முன்னதாக வீரர்களுக்கான மினி ஏலம் நடைபெற உள்ளது.

இந்நிலையில், தக்கவைக்கப்படும் மற்றும் விடுவிக்கப்படும் வீரர்களின் பட்டியலை நாளைக்குள் 10 அணிகளும், ஐபிஎல் நிர்வாகத்திடம் கையளிக்க வேண்டும்.

இதற்கு முன்னதாக பரஸ்பர பேச்சுவார்த்தையின் மூலம் வீரர்கள் வர்த்தக பரிமாற்றம் நடந்து வருகிறது.

இதில் சென்னை அணியின் வீரர் ரவீந்திர ஜடேஜா மற்றும் ராஜஸ்தான் அணியின் தலைவர் சஞ்சு சாம்சன் ஆகியோரை இரு அணிகளும் பரிமாற்றிக்கொள்ளும் விடயம் மிகவும் பேசுபொருளாகியுள்ளது.

இரு அணிகளும் குறித்த இரு வீரர்களையும் பரிமாற்றிக்கொள்ள இணக்கம் கண்டுள்ளதாகவும் செய்திகள் வெளியாகியுள்ளன.

இந்நிலையிலேயே மினி ஏலம் நடைபெறும் திகதி மற்றும் இடம் குறித்த அறிவிப்பு வெளியாகி உள்ளது. இதன்படி மினி ஏலம் டிசம்பர் 16ஆம் திகதி அபுதாபியில் நடைபெறுகிறது.