முட்டை மற்றும் இறைச்சி தட்டுப்பாடின்றி பெறலாம்

எதிர்வரும் பண்டிகைக் காலத்தில் முட்டை மற்றும் இறைச்சியை தட்டுப்பாடின்றி மக்களுக்கு வழங்க முடியும் என இலங்கை கால்நடை உற்பத்தியாளர்கள் சங்கத்தின் தலைவர் அஜித் குணசேகர தெரிவித்துள்ளார்.

ஜனவரி மாதம் வரை முட்டை மற்றும் கோழி இறைச்சியின் விலையில் மாற்றம் மேற்கொள்ளப்படாது என்றும் அவர் தெரிவித்துள்ளார்.

பண்டிகைக் காலங்களில் கோழி இறைச்சியின் விலையை 1000 ரூபாவிற்கும் குறைவாகவே பேண முடியும் என்றும் அவர் கூறியுள்ளார்.

எதிர்காலத்தில் முட்டை மற்றும் இறைச்சியை இறக்குமதி செய்ய வேண்டிய அவசியம் ஏற்படாது என்றும் அவர் நம்பிக்கை வெளியிட்டுள்ளார்.

மேலும், மரக்கறிகளின் விலை அதிகரிப்பால் முட்டை மற்றும் கோழி இறைச்சிக்கு பாரிய கேள்வி ஏற்பட்டுள்ளதாக அஜித் குணசேகர மேலும் தெரிவித்துள்ளார்.