நயன்தாராவை விடாது துரத்தும் சர்ச்சை…ஆவணப்படத்துக்கு எதிராக மற்றொரு நோட்டீஸ்

நடிகை நயன்தாரா அவரது வாழ்க்கை வரலாற்றை ஆவணப்படமாக வெளியிட்டிருந்தார். வெளியிட்ட நாளிலிருந்து அது தொடர்பிலான சர்ச்சைகளுக்கும் குறைவில்லை.

விக்னேஷ் சிவன் இயக்கத்தில் தனுஷ் தயாரிப்பில் வெளிவந்த திரைப்படம் நானும் ரௌடி தான்.

இத் திரைப்படத்தில் உள்ள பாடல் காட்சியை அனுமதி பெறாமல் நயன்தாரா பயன்படுத்தியதாகக் கூறி நடிகர் தனுஷ் 10 கோடி இழப்பீடு கோரியிருந்தார்.

இந்நிலையில் அதற்கு எதிர்ப்பு தெரிவிக்கும் வகையில் சுமார் மூன்று பக்கத்துக்கு அறிக்கையொன்றை வெளியிட்டிருந்தார் நயன்தாரா.

இப் பிரச்சினைக்கே இன்னும் தீர்வு காணப்படாத நிலையில், தற்போது சந்திரமுகி திரைப்படத்தின் சில காட்சிகளை பயன்படுத்தியதற்காக மற்றொரு நிறுவனம் நயன்தாராவுக்கு கடிதம் ஒன்றை அனுப்பியுள்ளது.

சந்திரமுகி திரைப்படத்தை சிவாஜி புரடக்ஷ்ன்ஸ் நிறுவனம் தயாரித்திருந்தது.

ஆனால், சந்திரமுகி திரைப்படத்தின் ஒன்லைன் தொடர்புடைய உரிமை வேறு ஒரு நிறுவனத்திடம் உள்ளதாக தகவல் வெளியாகியுள்ளது.

முன்னதாக, திருமண ஆவணப் படத்தில் சிவாஜி புரொடக்ஷன்ஸ் நிறுவனத்துக்க நன்றி தெரிவித்து பதிவொன்றை நயன்தாரா வெளியிட்டிருந்தமை குறிப்பிடத்தக்கது.