சீனிகமவில் கைது செய்யப்பட்ட சந்தேக நபர்களை தடுத்து வைத்து விசாரிக்க அனுமதி

சீனிகம பகுதியில் 5 கிலோகிராம் ஹெராயினுடன் கைது செய்யப்பட்ட 06 சந்தேக நபர்களை 07 நாட்களுக்கு தடுத்து வைத்து விசாரிக்க பொலிஸ் போதைப்பொருள் தடுப்புப் பிரிவு நடவடிக்கை எடுத்துள்ளது.

நேற்று முன்தினம் பொலிஸ் சிறப்புப் படை அதிகாரிகள் நடத்திய சோதனையில் சந்தேக நபர்கள் கைது செய்யப்பட்டு, மேலதிக விசாரணைக்காக பொலிஸ் போதைப்பொருள் தடுப்புப் பிரிவிடம் ஒப்படைக்கப்பட்டனர்.

கைது செய்யப்பட்ட சந்தேக நபர்கள் காலி, அஹங்கம, தெல்வத்த, வதுகெதர மற்றும் சீனிகம பகுதிகளைச் சேர்ந்தவர்கள் என்பதுடன், அவர்கள் போதைப்பொருள் கடத்தலில் ஈடுபட்டிருப்பது முதற்கட்ட விசாரணைகளில் தெரியவந்துள்ளது.

இதற்கிடையில், பொலிஸ் மா அதிபரின் அறிவுறுத்தலின் பேரில் நடத்தப்பட்ட குற்றம் மற்றும் போதைப்பொருள் தடுப்பு நடவடிக்கைகளின் கீழ் 30,954 நபர்கள் பரிசோதிக்கப்பட்டுள்ளனர், மேலும் 693 நபர்கள் சந்தேகத்தின் பேரில் கைது செய்யப்பட்டுள்ளனர்.

குற்றங்களுடன் தொடர்புடையதாக நேரடியாக அடையாளம் காணப்பட்ட 26 பேர், 263 பேர் பிடியாணை வைத்திருப்பவர்கள், 118 பேர் திறந்த பிடியாணை வைத்திருப்பவர்கள் மற்றும் 15 பேர் குடிபோதையில் வாகனம் ஓட்டியதாக பொலிஸார் தெரிவித்தனர்.