கச்சா எண்ணெய் விலை சரிவு

ஈரானுக்கும் இஸ்ரேலுக்கும் இடையில் போர் நிறுத்தம் ஏற்பட்டதாக அமெரிக்க அதிபர் டொனால்ட் டிரம்ப் அறிவித்ததைத் தொடர்ந்து, உலகளாவிய எரிபொருள் விலைகளும் குறைந்துள்ளன.

அதன்படி, பிரெண்ட் கச்சா எண்ணெய் ஒரு பீப்பாய்க்கு 2.69 டொலர் அல்லது 3.76 சதவீதம் குறைந்து 68.79 டொலராக இருந்தது.

ஜூன் 11 ஆம் திகதிக்கு பின்னர் ஒரு பீப்பாய் கச்சா எண்ணெய் அதன் மிகக் குறைந்த அளவை எட்டுவது இதுவே முதல் முறை என்று வெளிநாட்டு ஊடகங்கள் தெரிவிக்கின்றன.

இதற்கிடையில், ஈரானின் ஹார்முஸ் நீரிணையை மூடும் முயற்சிகளுக்கு மத்தியில் மத்திய கிழக்கில் ஏற்பட்ட ஸ்திரமின்மைக்கு மத்தியில், உலகளவில் எரிபொருள் விலைகள் நேற்று (23) உயர்ந்தன.

அதன்படி, மூன்று சதவீத விலை அதிகரிப்புடன், பிரெண்ட் கச்சா எண்ணெய் பீப்பாய் ஒன்றின் விலை சுமார் 79 டொலராக
பதிவாகியிருந்தது.

இதற்கிடையில், தற்போதைய போர் சூழ்நிலை காரணமாக எதிர்காலத்தில் எண்ணெய் தொடர்பாக நெருக்கடி நிலை ஏற்பட்டால் தேவையான நடவடிக்கைகளை எடுக்க திட்டமிட்டுள்ளதாக இலங்கை பெட்ரோலியக் கூட்டுத்தாபனம் நேற்று தெரிவித்திருந்தது.

இருப்பினும், தற்போதைய நெருக்கடி நிலை ஏற்பட்டால், நிலைமையைக் கட்டுப்படுத்த தேவையான நடவடிக்கைகளை எடுக்கத் திட்டமிட்டுள்ளதாகக் கூட்டுத்தாபனம் கூறுகிறது.

வளர்ந்து வரும் உலகளாவிய எண்ணெய் நெருக்கடியின் தாக்கம் ஓகஸ்ட் மற்றும் செப்டம்பர் வரை நீடிக்கும் என்று கணிக்கப்பட்டுள்ளது.

அதன்படி, பாரம்பரிய விநியோகச் சங்கிலியில் இடையூறுகள் ஏற்பட்டால், ஒரு தீர்வாக, நைஜீரியா உட்பட பல நாடுகளில் எண்ணெய் மாதிரிகளை பரிசோதிக்கவும் நிறுவனம் திட்டமிட்டுள்ளது.