இஸ்ரேலில் கட்டுமானத் துறையில் 3,575 இலங்கையர்களுக்கு வேலைவாயப்பு
இலங்கைக்கும் இஸ்ரேலுக்கும் இடையிலான புரிந்துணர்வு ஒப்பந்தத்தின் கீழ், 2025ஆம் ஆண்டில் இஸ்ரேலின் கட்டுமானத் துறையில் 3,575 இலங்கையர்கள் வேலைவாய்ப்பு பெற்றுள்ளனர்.
சமீபத்தில், 77 பேர் இஸ்ரேலுக்கு அதிகாரப்பூர்வமாக அனுப்பி வைக்கப்பட்டனர்.
அவர்களுக்கு விமான டிக்கெட்டுகள் வழங்கும் விழா நவம்பர் 18 அன்று இலங்கை வெளிநாட்டு வேலைவாய்ப்பு பணியக கேட்போர் கூடத்தில் பணியகத் தலைவர் கோசல விக்ரமசிங்கவின் தலைமையில் நடைபெற்றது.
இதன்போது இந்த விடயம் தெரிவிக்கப்பட்டுள்ளது.
இதன்படி, இந்த மாத இறுதியில் இஸ்ரேலில் கட்டுமான வேலைகளுக்காக 152 தொழிலாளர்கள் புறப்படத் தயாராகி வருகின்றனர், அதே நேரத்தில் டிசம்பர் முதல் வாரத்தில் மேலும் 464 பேர் இஸ்ரேலுக்கு அனுப்ப திட்டமிடப்பட்டுள்ளது.
இந்த ஆண்டு, கட்டுமானத்தின் உள்கட்டமைப்பு துணைத் துறையில் வேலைவாய்ப்புக்காக 252 இலங்கையர்கள் ஏற்கனவே அனுப்பப்பட்டுள்ளனர், மேலும் 34 பேர் பணிக்குச் செல்ல தயாராகி வருகின்றனர்.
அதிக ஊதியம் தரும் தொழில்முறை பணிகளுக்கு திறமையான தொழிலாளர்களை வெளிநாடுகளுக்கு அனுப்புவதற்கான அதன் தொடர்ச்சியான முயற்சிகளை பணியகம் முன்னெடுத்துள்ளமை குறிப்பிடத்தக்கது.
