விசாரணைகளில் தொக்கி நிற்கும் 29,000 கோப்புகள்

29,000 கோப்புகள் விசாரணைகளில் சிக்கியுள்ளதாக  பொலிஸ் திணைக்களம் அறிவித்துள்ளதாக ஜனாதிபதி அநுரகுமார திஸாநாயக்க ஹோமகமவில் தெரிவித்தார்.

இவை அனைத்தையும் ஒரே இடத்தில் இருந்து நிர்வகிப்பது சாத்தியமில்லை என்று பொலிஸார் தெரிவித்ததாகவும், இது குறித்து பொிஸ் ஆணையத்திடம் தெரிவித்து, பொலிஸாருக்கு புதிய கட்டமைப்பை உருவாக்கியதாகவும் ஜனாதிபதி கூறினார்.

குற்றப் புலனாய்வுத் துறையின் கீழ் மேலும் பல பிரிவுகள் உருவாக்கப்படும் என்றும் அவர் சுட்டிக்காட்டினார்.

இதற்காக புதிய துணைப் பொலிஸ் மா அதிபர்கள் தேவை என்றும் ஜனாதிபதி தெரிவித்தார்.

நிதி குற்றங்கள், கொலைகள், போதைப்பொருள் குற்றங்கள் போன்றவை தனித்தனியாகப் பிரிக்கப்பட்டுள்ளதாகவும், அந்த நிறுவனங்கள் மற்றும் அதிகாரிகள் மீது அரசாங்கம் முழு நம்பிக்கை கொண்டுள்ளது என்றும் ஜனாதிபதி கூறினார்.