கிருலப்பனையில் போதைப் பொருளுடன் ஒருவர் கைது

கொழும்பு – கிருலப்பனை பகுதியில் ஐந்து கிலோகிராம் ஹஷிஷ் போதைப் பொருளுடன் சந்தேக நபர் ஒருவர் கைது செய்யப்பட்டுள்ளார்.

மேலும் அவரிடம் இருந்து மோட்டார் சைக்கிள் ஒன்றும் பறிமுதல் செய்யப்பட்டுள்ளது.

இது இராணுவப் புலனாய்வுப் பிரிவுக்குக் கிடைத்த தகவலின் அடிப்படையில் முன்னெடுக்கப்பட்ட கூட்டு நடவடிக்கையின் போது சந்தேகநபர் கைது செய்யப்பட்டுள்ளார்.

மீட்கப்பட்ட போதைப் பொருளின் பெறுமதி 30 மில்லியன் ரூபாய் என மதிப்பிடப்பட்டுள்ளது. சம்பவம் தொடர்பான மேலதிக விசாரணைகளை பொலிஸ் போதைப்பொருள் தடுப்புப் பிரிவு மேற்கொண்டு வருகிறது.

இதேவேளை, பூக்கடை நடத்துவதாகக் கூறி ஹெரோயின் கடத்தலில் ஈடுபட்ட இருவரை பாணந்துறை வடக்கு பொலிஸார் கைது செய்துள்ளனர்.

பூக்கடை உரிமையாளரின் மகனும் அவரது தாயாரும் 21 கிராம் ஹெராயினுடன் கைது செய்யப்பட்டனர்.

கைது செய்யப்பட்ட மகனுக்கு 39 வயது என்றும், தாய்க்கு 69 வயது என்றும் போலீசார் தெரிவிக்கின்றனர்.

இந்நிலையில், சந்தேகநபர்களை நீதிமன்றில் முன்னிலைப்படுத்த நடவடிக்கை எடுக்கப்பட்டுள்ளதாக பொலிஸார் மேலும் தெரிவித்துள்ளனர்.