நீர்கொழும்பு வைத்தியர் மீது பாலியல் துன்புறுத்தல் குற்றச்சாட்டு – பொலிஸாரின் புதுப்பித்த தகவல்

நீர்கொழும்பு பொது வைத்தியசாலையில் வைத்தியர் ஒருவர், வைத்திய பரிசோனையின் போது 19 வயது யுவதியை பாலியல் ரீதியாக துன்புறுத்தியதாக எழுந்த குற்றச்சாட்டு தொடர்பான விசாரணை குறித்து பொலிஸார் தகவல் வெளியிட்டுள்ளனர்.

கடந்த 31ஆம் திகதி இந்தச் சம்பவம் பதிவாகியிருந்ததாக தெரிவிக்கப்பட்டுள்ளது.

சீதுவையைச் சேர்ந்த அந்தப் யுவதி, பல் மற்றும் தோல் பிரச்சினைகள் தொடர்பான சிகிச்சைக்காக தனது தாயுடன் வைத்தியசாலைக்கு வந்துள்ளதாக கூறப்படுகின்றது.

எவ்வாறாயினும், வைத்தியருடனான ஆலோசனையின் போது இந்த சம்பவம் நடந்ததாகக் கூறப்படுகிறது. இதனையடுத்து வைத்தியசாலையில் இயக்குநரால் நீர்கொழும்பு பொலிஸாரிடம் முறைப்பாடு செய்யப்பட்டது.

இந்த அறிக்கையைத் ஏப்ரல் 2 ஆம் திகதி நீதித்துறை வைத்திய அதிகாரி அந்தப் யுவதியை பரிசோதித்தார். பரிசோதனையில் பிறப்புறுப்பு ஊடுருவல் அல்லது உடல் காயங்கள் எதுவும் கண்டறியப்படவில்லை என்று பொலிஸார் தெரிவித்தனர்.

எவ்வாறாயினும், வைத்திய பரிசோதனை அறிக்கையில் முறைப்பாட்டாளர் அதிருப்தி அடைந்துள்ளதாகவும், நீதிமன்ற உத்தரவின் பேரில் சிறப்பு மருத்து வாரியத்தால் பரிசோதனை செய்யப்பட்டதாகவும் பொலிஸார் குறிப்பிட்டனர்.

இந்நிலையில், சம்பவம் தொடர்பில் மேலதிக விசாரணகளை முன்னெடுக்கப்பட்டுள்ளதாக பொலிஸார் தெரிவித்துள்ளனர்.