இஸ்ரேலில் நான்காயிரம் இலங்கையர்களுக்கு விரைவில் வேலைவாய்ப்பு
சுமார் ஐந்தாயிரம் இலங்கையர்கள் இஸ்ரேலில் விசா இன்றி தங்கியிருப்பதாக இஸ்ரேலுக்கான இலங்கைத் தூதர் நிமல் பண்டார தெரிவித்துள்ளார்.
இஸ்ரேலில் உள்ள இலங்கை பத்திரிகையாளர்கள் குழுவைச் சந்தித்த தூதர், முந்தைய அரசாங்கத்தின் சில அமைச்சர்களின் நடவடிக்கைகள் காரணமாக இவர்களுக்கு விசா வழங்குவதற்கான முயற்சிகள் தடைப்பட்டதாக தெரிவித்துள்ளார்.
இஸ்ரேலில் இரண்டு லட்சத்திற்கும் அதிகமான தொழிலாளர் பற்றாக்குறை இருப்பதாகவும், குறிப்பாக கட்டுமானம் மற்றும் ஹோட்டல் துறைகளில் வேலைகளுக்கு தொழிலாளர்கள் தேவைப்படுவதாகவும் அவர் சுட்டிக்காட்டினார்.
தற்போது, இருபத்தைந்தாயிரம் இலங்கையர்கள் இஸ்ரேலில் பணிபுரிகின்றனர். அடுத்த டிசம்பர் மாதத்திற்குள் சுமார் நான்காயிரம் பேர் வேலை வாய்ப்புகளைப் பெறுவார்கள் என்று அவர் நம்பிக்கை தெரிவித்தார்.
எவ்வாறாயினும், தற்போது, மனித கடத்தல்காரர்கள் சட்டவிரோதமாக வேலைகளை வழங்குகிறார்கள் என்றும் அவர் சுட்டிக்காட்டியுள்ளார்.
மேலும், மது மற்றும் போதைப்பொருள் பாவனை காரணமாக சில இலங்கை வேலை தேடுபவர்கள் பல்வேறு பிரச்சினைகளை எதிர்கொள்கிறார்கள் எனவும் அவர் சுட்டிக்காட்டியுள்ளார்.
