தென்மேற்கு வங்கக் கடல் பகுதியில் குறைந்த காற்றழுத்த தாழ்வு நிலை தொடர்ந்தும் நீடிப்பு

தென்மேற்கு வங்கக் கடல் பகுதியில் குறைந்த காற்றழுத்த தாழ்வு நிலை தொடர்ந்து நீடிப்பதாகவும், அது எதிர்வரும் 24 மணித்தியாலங்களில் வடமேற்கு திசையில் மேற்கு நோக்கி நகர்ந்து தமிழக கடற்கரையை நெருங்கும் என்றும் வளிமண்டலவியல் திணைக்களம் அறிவித்துள்ளது.

புத்தளத்திலிருந்து மன்னார் மற்றும் காங்கசந்துறை ஊடாக முல்லைத்தீவு வரையான கடற்கரையை அண்மித்த ஆழமான மற்றும் ஆழமற்ற கடற்பரப்புகளில் மீன்பிடித்தல் மற்றும் கடற்பயணத்தில் ஈடுபடுவதை தவிர்க்குமாறும் அறிவுறுத்தப்பட்டுள்ளது.

திருகோணமலை காங்கேசன்துறை மற்றும் மன்னார் முதல் புத்தளம் வரையான கடற்பரப்புகளில் அவ்வப்போது மழை பெய்யக்கூடும் என எதிர்வு கூறப்பட்டுள்ளது.

திருகோணமலை காங்கேசன்துறை மற்றும் மன்னார் முதல் புத்தளம் வரையான கடற்பரப்புகளில் அவ்வப்போது மழை பெய்யக்கூடும்.

திருகோணமலையிலிருந்து காங்கேசன்துறை மற்றும் கொழும்பு ஊடாக காலி வரையான கடற்பரப்புகளில் காற்றின் வேகமானது வடகிழக்கிலிருந்து மேற்கு-மேற்கு திசையில் மணிக்கு 30-40 கிலோமீற்றர் வேகத்தில் வீசுவதுடன் திருகோணமலை முதல் காங்கசந்துறை வரையான புத்தளம் வரையான கடற்பரப்புகளில் காற்றின் வேகமானது 50-60 ஆக அதிகரிக்கும் என எதிர்பார்க்கப்படுகிறது.

எனவே புத்தளத்திலிருந்து மன்னார் மற்றும் காங்கசந்துறை ஊடாக முல்லைத்தீவு வரையான கடற்பரப்புகள் அவ்வப்போது கொந்தளிப்பாகவோ காணப்படுவதுடன் இடியுடன் கூடிய மழை வீழ்ச்சி பதிவாகும் சந்தர்ப்பங்களில் இந்தக் கடற்பரப்புகளில் பலத்த காற்று வீசக்கூடும் என தெரிவிக்கப்பட்டுள்ளது.

மேலும் வடக்கு, வடமத்திய, கிழக்கு மற்றும் வடமேல் மாகாணங்களில் அவ்வப்போது மழை அல்லது இடியுடன் கூடிய மழை வீழ்ச்சி பதிவாவதுடன் சில இடங்களில் 100 மில்லி மீற்றரிலும் அதிகரித்த மழை வீழ்ச்சி பதிவாக கூடும் என தெரிவிக்கப்பட்டுள்ளது.

இடியுடன் கூடிய மழை பலத்த காற்று மற்றும் மின்னல் தாக்கங்களினால் ஏற்படக்கூடிய ஆபத்துக்கள் தொடர்பில் பொது மக்கள் அவதானத்துடன் செயற்படுமாறு கேட்டுக்கொள்ளப்பட்டுள்ளனர்.

பொது மக்கள் 117 என்ற எண்ணிற்கு அழைப்பை ஏற்படுத்துவதனூடாக அனர்த்த நிலைமைகள் தொடர்பில் அறிவிக்க முடியும்.