அலோசியஸ்ஸின் மெண்டிஸ் நிறுவனத்திற்கு வரி சலுகையா? கோபமடைந்த புபுது ஜயகொட

அரசுக்கு செலுத்த வேண்டிய வருமான வரி நிலுவைத் தொகையை ஆறு மாதங்களுக்குள் மெண்டிஸின் நிறுவனத்திற்கு செலுத்தினால் வட்டி மற்றும் அபராதங்களிலிருந்து விலக்கு அளிக்க அரசு முடிவு செய்துள்ளதாக முன்னிலை சோசலிஸக்கட்சியின் கல்விச்செயலாளர் புபுது ஜயகொட தெரிவித்துள்ளார்.

”இந்த ஆண்டு வரவுசெலவுத் திட்டத்தின் தொழில்நுட்பப் பிரிவின் பிரிவு 19 இல் கூறப்பட்டுள்ளதன்படி, 2022-2023 காலகட்டத்திற்கான செலுத்தப்படாத வரிகள் ஆறு மாதங்களுக்குள் செலுத்தப்பட்டால், 2017 ஆம் ஆண்டின் 24 ஆம் இலக்க உள்நாட்டு வருவாய் சட்டம் மற்றும் 2022 ஆம் ஆண்டின் 14 ஆம் இலக்க வரிவிதிப்புச் சட்டம் ஆகியவற்றில் குறிப்பிடப்பட்டுள்ள வரி நிலுவைத் தொகைக்கான விதிகள் பொருந்தாது என அரசு கூறியுள்ளது.

அதனால் அரசாங்கத்திற்கு செலுத்த வேண்டிய வருமான வரி நிலுவைத் தொகையில் சுமார் ரூ.500 பில்லியன் வட்டியை அரசாங்கம் இழக்க நேரிடும்.

எமது நாட்டின் சட்டத்தின்படி, அரசாங்கத்திற்கு செலுத்த வேண்டிய வரிகளை செலுத்தாமல் மோசடி செய்தால், ஒரு குறிப்பிட்ட அபராதத்தையும் வட்டியையும் செலுத்த வேண்டியிருக்கும்.

பிரிவு 159 இல் கூறப்பட்டுள்ளபடி, மாதத்திற்கு ஒன்று மற்றும் ஐந்து சதவீதம் வட்டி வசூலிக்கப்பட வேண்டும். அது வருடத்திற்கு 18 சதவீதம். கூடுதலாக, 25 சதவீத அபராதம் செலுத்த வேண்டியிருக்கும்.

,மெண்டிஸ் நிறுவனம் கலால் வரியைத் தவிர்த்து வருமான வரியைச் செலுத்தாமல் 1.5 பில்லியன் ரூபாய் மோசடி செய்துள்ளது.  அதாவது 150 கோடி ரூபாய். பின்னர், இதை வருடத்திற்கு 18% வட்டி விகிதத்தில் கணக்கிட்டால், ஐந்து ஆண்டுகளில் அரசாங்கத்திற்கு சுமார் 90% வட்டி கிடைக்கும். அதாவது அரசாங்கத்துக்கு செலுத்தப்படாத வரிகளுக்கு மேலும் 100 மில்லியன் ரூபாய் வட்டியை செலுத்த வேண்டியிருக்கும். ஆனால் இப்போது அரசாங்கம் அந்த 100 மில்லியன் ரூபாய்க்கு வட்டி செலுத்த வேண்டியதில்லை என்றும், செலுத்தப்படாத 150 மில்லியன் ரூபாய் வரிகளை மட்டுமே செலுத்த வேண்டும் என்றும் கூறுகிறது. மக்களுக்கு துரோகம் இழைக்கும் இந்த செயலால் அரசாங்கம் பில்லியன் கணக்கான வருவாயை இழக்க நேரிடும்.” என்றும் அவர் கூறியுள்ளார்.