நெல் கொள்வனவுக்காக கடன் வாங்கிய நெல் ஆலை உரிமையாளர்கள்

பாரிய அளவிலான நெல் ஆலை உரிமையாளர்கள் பலர் நெல் கொள்வனவுக்காக 15 பில்லியன் ரூபாய்க்கு அதிகமாக வங்கிக் கடன்களைப் பெற்றுள்ளதாக தகவல்கள் வெளியாகியுள்ளன.

இதன் காரணமாக, நெல் கொள்வனவுக்காக பெற்ற கடன்களை ஆலை உரிமையாளர்கள் வேறு நோக்கங்களுக்காகப் பயன்படுத்துகிறார்களா என்பதை விசாரிக்க அதிகாரிகளுக்கு அறிவுறுத்தப்பட்டுள்ளது.

நெல் கொள்முதல் செய்வதற்காக ஆலை உரிமையாளர்களுக்கு வழங்கப்படும் கடன் வசதிகளின் கீழ் வாங்கப்பட்ட நெல்லின் அளவு குறித்து பின்தொடர்தல் நடத்தவும் அரசாங்கம் தயாராகி வருகிறது.

சில நெல் ஆலை உரிமையாளர்கள் நெல் வாங்குவதற்காக பெற்ற கடன்களை வேறு நோக்கங்களுக்காகப் பயன்படுத்துவதாக தகவல் கிடைத்துள்ளதால் இது குறித்து விசாரிக்க அதிகாரிகளுக்கு அறிவுறுத்தப்பட்டுள்ளது.

இதேவேளை, அரிசி பற்றாக்குறை ஏற்படாமல் பார்த்துக் கொள்ளுமாறு அதிகாரிகளுக்கு அறிவுறுத்தப்பட்டுள்ளது.