“நான் உயிருடன் இருக்கின்றேன்” – வதந்திகளுக்கு முற்றுப்புள்ளி வைத்தார் வாசுதேவ நாணயக்கார

முன்னாள் அமைச்சரும் ஜனநாயக இடதுசாரி முன்னணியின் தலைவருமான வாசுதேவ நாணயக்கார, தான் இறந்துவிட்டதாக பரவும் வதந்தி குறித்து கருத்துகளுக்கு முற்றுப்புள்ளி வைத்துள்ளார்.

இதன்படி, தான் நலமுடன் இருப்பதாகவும், தான் இறந்துவிட்டதாக தொலைபேசி அழைப்புகள் மூலம் தகவல் கிடைத்ததாக வாசுதேவ நாணயக்கார தெரிவித்துள்ளார்.

இந்தச் செய்தியைக் கேட்டதும் ஒருவித நகைச்சுவை உணர்வு தனக்குள் எழுந்ததாக அவர் குறிப்பிட்டுள்ளார். இதுபோன்ற வதந்திகளைப் பரப்புவது தங்கள் ஆயுளை நீட்டிக்கும் என்று சிலர் நம்புகிறார்கள் என்பதையும் அவர் சுட்டிக்காட்டுகிறார்.

இருப்பினும், இந்த செய்தியை யார் வெளியிட்டார்கள் என்பதைக் கண்டுபிடிப்பதில் தனக்கு ஆர்வம் இல்லை என்று அவர் மேலும் கூறுகிறார்.

இருப்பினும், அவர் இறக்கும் வரை அரசியலில் ஈடுபடுவேன் எனவும் அவர் வலியுறுத்தியுள்ளார்.

ஆனால் நாடாளுமன்றத்தில் ஒரு இடத்திற்கு போட்டியிடும் வலிமை தனக்கு இல்லை எனவும், எனவே, மீண்டும் போட்டியிடப் போவதில்லை என்றும், கடந்த தேர்தலிலும் போட்டியிடவில்லை என்றும் அவர் விளக்கினார்.