டெல்லியில் கடுமையான பனிமூட்டம் – சென்னையில் விமான சேவைகள் தாமதம்
இந்தியாவின் டெல்லியில் கடுமையான பனிமூட்டம் நிலவுவதால், சென்னை விமான நிலையத்தில் விமான சேவைகளில் தாமதம் ஏற்பட்டதாக தகவல்கள் வெளியாகியுள்ளன.
சில விமானங்கள், சென்னையில் இருந்து ஹைதராபாத், பெங்களூர் உள்ளிட்ட விமான நிலையங்களுக்கும் செல்ல இருப்பதால், அந்த சேவையிலும் தாமதம் ஏற்பட்டுள்ளதாக கூறப்படுகின்றது.
நேற்று அதிகாலை முதல் மதியம் வரை, டெல்லியில் இருந்து சென்னை வரவேண்டிய ஏர் இந்தியா மற்றும் இண்டிகோ ஏர்லைன்ஸ் 4 விமானங்கள், சுமார் ஒன்றரை மணி நேரத்தில் இருந்து 3 மணி நேரம் வரை தாமதமாக சென்றடைந்ததாகவும் கூறப்படுகின்றது.
சென்னையில் இருந்து டெல்லி, பெங்களூர், ஹைதராபாத் புறப்பட்டு செல்ல வேண்டிய இண்டிகோ, ஏர் இந்தியா விமானங்கள், சுமார் ஒரு மணி நேரத்தில் இருந்து 4 மணி நேரம் வரை தாமதமாக புறப்பட்டு சென்றதாகவும் இந்திய செய்திகள் தெரிவிக்கின்றன.
விமானங்கள் தாமதம் குறித்து பயணிகளுக்கு முறையான அறிவிப்பு கொடுக்காததால், பயணிகள் சிரமத்தை எதிர்கொண்டதாகவும் கூறப்படுகிறது.
