ஈராக்கில் வணிக வளாகம் ஒன்றில் தீ விபத்து – ஐம்பது பேர் உயிரிழப்பு

ஈராக்கில் வணிக வளாகம் ஒன்றில் ஏற்பட்ட தீ விபத்தில் குறைந்தது 50 பேர் கொல்லப்பட்டதாக AFP செய்தி நிறுவனம் தெரிவித்துள்ளது.

தீயை கட்டுக்குள் கொண்டுவர தீயணைப்பு வீரர்கள் போராடி வரும் நிலையில், ஐந்து மாடி கட்டிடம் இரவு முழுவதும் தீப்பிடித்து எரிவதை சமூக ஊடக தளங்களில் பகிரப்பட்ட வீடியோக்கள் காட்டுகின்றன.

“ஒரு பெரிய வணிக வளாகத்தில் ஏற்பட்ட துயர தீ விபத்தில் பலியானவர்களின் எண்ணிக்கை சுமார் 50 பேரை எட்டியுள்ளது,” என்று வாசித் மாகாண ஆளுநர் முகமது அல்-மியாஹி அதிகாரப்பூர்வ ஐஎன்ஏ செய்தி நிறுவனத்திடம் தெரிவித்தார்.

தீ விபத்துக்கான சரியான காரணம் தெளிவாகத் தெரியவில்லை, ஆனால் ஐஎன்ஏவின் கூற்றுப்படி, விசாரணையின் முதற்கட்ட கண்டுபிடிப்புகள் 48 மணி நேரத்திற்குள் வெளியிடப்படும் என்று ஆளுநர் தெரிவித்துள்ளார்.