பண்டிகைக் காலம் : சிறப்புப் பேருந்து சேவைகள் இன்று முதல் தொடக்கம்

நத்தார் மற்றும் புத்தாண்டுப் பண்டிகைகளை முன்னிட்டு, பொதுமக்கள் தங்கள் சொந்த ஊர்களுக்குச் செல்வதற்கு வசதியாக இன்று முதல் சிறப்புப் போக்குவரத்துச் சேவைகள் ஆரம்பிக்கப்பட்டுள்ளன.

இலங்கை போக்குவரத்துச் சபையின் (SLTB) தலைமைச் செயல்பாட்டு அதிகாரி சன்க வீரசூரிய இது குறித்துத் தெரிவிக்கையில், தொலைதூரப் பயணங்களுக்காக இன்று முதல் மேலதிகமாக 80 பேருந்துகள் சேவையில் ஈடுபடுத்தப்பட்டுள்ளதாகத் உறுதிப்படுத்தியுள்ளார்.

தேசிய போக்குவரத்து ஆணைக்குழு (NTC) வெளியிட்டுள்ள தகவலின்படி, விடுமுறை காலத்தில் பயணிகளின் நெரிசலைக் குறைக்கவும், சிரமமற்ற பயணத்தை உறுதி செய்யவும் பின்வரும் ஏற்பாடுகள் செய்யப்பட்டுள்ளன:

பயணிகளின் வருகை மற்றும் தேவைக்கு ஏற்ப கூடுதல் பேருந்துகள் அவ்வப்போது சேவையில் இணைக்கப்படும்.

பிரதான பேருந்து நிலையங்களில் நெரிசலைக் கட்டுப்படுத்த சிறப்பு அதிகாரிகள் நியமிக்கப்பட்டுள்ளனர்.

​தடையற்ற போக்குவரத்து சேவையை வழங்க தனியார் பேருந்து உரிமையாளர்களுடனும் ஒருங்கிணைப்பு செய்யப்பட்டுள்ளது.

​கொழும்பிலிருந்து வெளிமாவட்டங்களுக்குச் செல்லும் மக்கள் இந்தச் சேவைகளைப் பயன்படுத்தி பாதுகாப்பாகத் தங்கள் பயணங்களை மேற்கொள்ளுமாறு அறிவுறுத்தப்பட்டுள்ளனர்.