60 பேரை நாடு கடத்த தயாராகும் பிரித்தானியா அரசு

குடியேற்ற நடவடிக்கைகளுக்குப் பிறகு சட்டவிரோதமாக வேலை செய்ததாகக் கண்டறியப்பட்ட 60 டெலிவரி ஓட்டுநர்களை இங்கிலாந்து நாடு கடத்தவுள்ளதாக தெரிவிக்கப்பட்டுள்ளது.

உள்துறை அலுவலகம் இதனை தெரிவித்துள்ளது.

கிக் பொருளாதாரம் என்று அழைக்கப்படும் தொழிலாளர்களுக்கு எதிரான இலக்கு நடவடிக்கை ஊடாக கடந்த மாதம் நாடு முழுவதும் 171 பேர் கைது செய்யப்பட்டிருந்தனர்.

கைது செய்யப்பட்டவர்களில் சீன நாட்டினர், பங்களாதேஷ் மற்றும் இந்திய டெலிவரி ஓட்டுநர்கள் அடங்குவதாக தெரிவிக்கப்பட்டுள்ளது.

சட்டவிரோதமாக நாட்டிற்கு வருபவர்களைத் தடுக்கும் முயற்சிகளின் ஒரு பகுதியாக, இங்கிலாந்தில் சட்டவிரோதமாக வேலை செய்வதைத் கட்டுப்படுத்த இந்த நடவடிக்கை எடுக்கப்பட்டுள்ளது .

உள்துறை அலுவலக புள்ளிவிவரங்களின்படி, செப்டம்பர் வரையிலான இந்த ஆண்டில் 8,232 சட்டவிரோத தொழிலாளர்கள் கைது செய்யப்பட்டுள்ளனர்.

இது முந்தைய 12 மாதங்களுடன் ஒப்பிடும்போது 63 வீதம் அதிகமாகும் என தெரிவிக்கப்பட்டுள்ளது.

நாடு கடத்துவதை எளிதாக்குவதை நோக்கமாகக் கொண்ட புகலிட அமைப்பில் உள்துறைச் செயலாளர் ஷபானா மஹ்மூத் கடந்த மாதம் சீர்திருத்தங்களை அறிவித்திருந்தார்.

இந்நிலையில், அரசாங்கம் டெலிவரி துறையில் சட்டவிரோதமாக வேலை செய்வதை குற்றமாகக் கருதுவதாக எல்லைப் பாதுகாப்பு அமைச்சர் அலெக்ஸ் நோரிஸ் தெரிவித்துள்ளார்.

“இந்த முடிவுகள் ஒரு தெளிவான செய்தியை அறிவிப்பதாகவும், இந்த நாட்டில் சட்டவிரோதமாக வேலை செய்தால், கைது செய்யப்பட்டு நாடு கடத்தப்படுவார்கள் என அமைச்சர் மேலும் தெரிவித்துள்ளார்.