இங்கிலாந்து கிரிக்கெட் அணி ஜனவரியில் இலங்கை வருகிறது

இங்கிலாந்து கிரிக்கெட் அணி வருகிற ஜனவரி மாதம் இலங்கைக்கு சுற்றுப்பயணம் செய்யும் என அந்நாட்டு கிரிக்கெட் சபை இன்று (20) அதிகாரப்பூர்வமாக அறிவித்துள்ளது.

2026 ஜனவரி மாதத்தில் ஆரம்பமாகும் T20 உலகக் கோப்பைக்கு முன்னோட்டமாகவே இச்சுற்றுப்பயணம் நடத்தப்படவுள்ளது. சுற்றுப்பயணத்தின் போது 3 ஒருநாள் போட்டிகளும், 3 T20 போட்டிகளும் இடம்பெறும்.

ஒருநாள் போட்டிகள்:
– ஜனவரி 22
– ஜனவரி 24
– ஜனவரி 27

T20 போட்டிகள்:
– ஜனவரி 30
– பெப்ரவரி 01
– பெப்ரவரி 03

இங்கிலாந்து அணியினர் இலங்கைக்கு கடைசியாக வந்தது 2018 ஆம் ஆண்டிலேயே ஆகும். அப்போது 5 போட்டிகள் கொண்ட ஒருநாள் தொடரில் 3–1 என வெற்றிபெற்றதுடன், T20 போட்டியிலும் வெற்றி பெற்றனர்.

இரு அணிகள் கடைசியாக சந்தித்த T20 போட்டி 2022 உலகக் கோப்பை தொடரின் போது இடம்பெற்றது.

இறுதி T20 உலகக்கோப்பை (2022) உள்ளிட்ட இரண்டு தடவைகள்—2009 மற்றும் 2022 ஆம் ஆண்டுகளில்—இங்கிலாந்து T20 உலக சாம்பியன் பட்டத்தை வென்றுள்ளது.

மீண்டும் வரவிருக்கும் 2026 T20 உலகக்கோப்பை இலங்கையும் இந்தியாவும் இணைந்து நடத்தவுள்ளமை குறிப்பிடத்தக்கது.