கல்லடி பாலத்தை அண்மித்த வாவியில் முதலை

மட்டக்களப்பு கல்லடி பாலத்தை அண்மித்த வாவியில் பசு மாடொன்று இராட்ச முதலையால் இழுத்துச் செல்லப்பட்ட சம்பவம் பிரதேச மக்கள் இடையே பெரும் அச்சத்தை ஏற்படுத்தியிருந்தது.

அண்மைய நாட்களாக மட்டக்களப்பு வாவியில் இராட்சத முதலைகளின் நடமாட்டம் அதிகரித்து வருவதுடன் கால்நடைகளை வேட்டையாடி வருவதாக வாவியை அண்மித்த பகுதிகளில் வசித்து வரும் கால் நடை வளர்ப்பாளர்களும் பொது மக்களும் தெரிவித்து வருகின்றனர்.

அந்த வகையில் இன்று (17) திகதி பி.ப 2.00 மணியளவில் மட்டக்களப்பு பாலத்திற்கு அண்மித்த பகுதியாகிய வெள்ளைப்பாலத்திற்கு அருகாமையில் உள்ள வாவியில் சஞ்சரித்து செல்லும் காட்சி அப்பகுதி மீனவர்கள் உள்ளிட்ட பொதுமக்களிடையே பெரும் அச்சத்தை ஏற்படுத்தியுள்ளது.