சீரற்ற வானிலையால் விமான நிலையத்தில் சிக்கியிருந்த இந்தியர்கள் நாடு திரும்பினர்

சீரற்ற வானிலை காரணமாக இந்தியாவுக்குப் பயணிக்க முடியாமல் கட்டுநாயக்க விமான நிலையத்தில் இருந்த 400 இந்தியர்கள், வெள்ள நிவாரண உதவிகளை ஏற்றி வந்த 02 விமானங்கள் மூலம் பாதுகாப்பாக இந்தியாவுக்கு அழைத்துச் செல்லப்பட்டனர்.

சுமார் 150 இந்தியப் பயணிகள் இன்று பிற்பகல் 02:30க்கு I.C.-130 விமானம் மூலம் இந்தியாவின் புதுடெல்லிக்கு அழைத்துச் செல்லப்பட்டுள்ளதாகத் தெரிவிக்கப்பட்டுள்ளது.

மேலும் 250 இந்தியப் பயணிகள் இன்று (30) மாலை 04 மணிக்கு I.L.-76 விமானம் மூலம் இந்தியாவின் திருவனந்தபுரத்திற்கு
அழைத்துச் செல்லப்பட்டுள்ளனர்.

இலங்கையில் நிலவும் சீரற்ற வானிலை காரணமாக விமானப் போக்குவரத்துகளுக்கு இடையூறு ஏற்பட்டது.