இயற்கை அனர்த்தங்களால் பாதிக்கப்பட்டோரின் எண்ணிக்கை 193 ஆக அதிகரிப்பு

நிலவும் சீரற்ற வானிலை காரணமாக உயிரிழந்தவர்களின் எண்ணிக்கை 193 ஆக அதிகரித்துள்ளது.

மேலும் சுமார் 228 பேர் காணாமல் போயுள்ளதையும் அனர்த்த முகாமைத்துவ மத்திய நிலையம் உறுதிப்படுத்தியுள்ளது.

இந்நிலையில் வெள்ளம் மற்றும் மண்சரிவு போன்ற அனர்த்தங்களால் பாதிக்கப்பட்ட பல மாவட்டங்களில் மீட்பு மற்றும் தேடுதல் நடவடிக்கைகள்
தொடர்ந்தும் முன்னெடுக்கப்பட்டு வருகின்றன.

அதிகபட்ச இறப்பு எண்ணிக்கை பதுளையில் பதிவாகியுள்ளது. இதற்கமைய அங்கு 71 பேர் உயிரிழந்துள்ளதுடன் 53 பேர் காணாமற் போயுள்ளனர்,

கண்டி மாவட்டத்தில் 52 பேர் உயிரிழந்துள்ளதுடன் 105 பேர் காணாமல் போயுள்ளனர்.

மாத்தளை, அம்பாறை மற்றும் இரத்தினபுரியிலும் அதிகளவான இறப்புகள் பதிவாகியுள்ளன.

இதேவேளை நாடு முழுவதும் 266,114 குடும்பங்களைச் சேர்ந்த 968,000 க்கும் மேற்பட்டோர் பாதிக்கப்பட்டுள்ளனர்.

கம்பஹா, கொழும்பு, மன்னார், புத்தளம் மற்றும் குருநாகல் மாவட்டங்களில் அதிகளவானோர் பாதிக்கப்பட்டுள்ளனர்.

தற்போது 1,094 பாதுகாப்பு மையங்கள் செயற்பாட்டில் உள்ளன, பேரிடரால் இடம்பெயர்ந்த 147,000 க்கும் மேற்பட்ட மக்களுக்கு தங்குமிடங்கள்
வழங்கப்பட்டுள்ளன.