நீதிமன்றத்தின் இந்த உத்தரவுக்கு ட்ரம்ப் கடும் எதிர்ப்பு தெரிவித்துள்ளார்.

அமெரிக்கப் பொருட்களுக்கு அதிக வரி விதிக்கும் நாடுகளுக்கு எதிராக பரஸ்பர வரி விதிப்புக் கொள்கையை அமெரிக்கா கடைப்பிடிக்கும் என அறிவித்த டொனால்ட் ட்ரம்ப், கனடா, மெக்ஸிகோ உட்பட பல்வேறு நாடுகளுக்கு எதிராக கடுமையான வரிகளை விதித்தார்.

தனது இந்த முடிவுக்கு எதிர்ப்பு தெரிவித்ததால் சீனா மீதான வரியை ட்ரம்ப் பல மடங்கு உயர்த்தினார். பின்னர், சீனாவுடன் பேச்சுவார்த்தை நடத்தி வரி வீதத்தைக் குறைத்தார்.

இந்திய பொருட்களுக்கு ஏற்கெனவே 25 சதவீத வரி விதித்த ட்ரம்ப், ரஷ்யாவிடம் இருந்து எண்ணெய் கொள்வனவு செய்வதை காரணம் காட்டி கூடுதலாக 25 சதவீதம் வரியை விதித்து அதனை 50 சதவீதமாக உயர்த்தினார்.

ட்ரம்ப்பின் இத்தகைய நடவடிக்கைகளால் அமெரிக்காவுக்கான இறக்குமதி பாதிக்கப்படும், உள்நாட்டில் பொருட்களின் விலை உயரும், நாட்டின் பொருளாதாரம் பாதிக்கப்படும் என்று அமெரிக்க மக்கள் பலர் எதிர்ப்பு தெரிவித்து வருகின்றனர்.

ட்ரம்ப்பின் வரி விதிப்பு முடிவுகளுக்கு எதிராக கடந்த மே மாதம் நியூயார்க் வர்த்தக நீதிமன்றம் உத்தரவுகளை பிறப்பித்திருந்தது. இந்நிலையில், அமெரிக்க கூட்டாட்சி மேன்முறையீட்டு நீதிமன்றம் நேற்று வெள்ளிக்கிழமை அளித்த தீர்ப்பில்,

“உலகில் உள்ள ஒவ்வொரு நாட்டுக்கு எதிராகவும் ட்ரம்ப் அதிக வரிகளை விதித்துள்ளார்.

இதனை நியாயப்படுத்தவே, தேசிய அவசரநிலை அறிவிக்கப்பட்டுள்ளது. ட்ரம்ப்பின் பெரும்பாலான வரிவிதிப்பு சட்டவிரோதமானது. கூடுதல் வரி விதிப்பை நீக்க வேண்டும்.

வரிகள் விதிப்பு, அடிப்படையில் காங்கிரஸின் அதிகாரத்துக்கு உட்பட்டது. அது வரி விதிப்பில் ஜனாதிபதிக்கு சில அதிகாரங்களை வழங்கி உள்ளது. எனினும், வரம்பற்ற அதிகாரத்தை ஜனாதிபதிக்கு காங்கிரஸ் வழங்கவில்லை. அத்தகைய நோக்கத்தை காங்கிரஸ் கொண்டிருக்கவில்லை.” என்றும் நீதிமன்றம் தனது தீர்ப்பில் தெரிவித்துள்ளது.

நியூயோர்க் வர்த்தக நீதிமன்றத்தின் தீர்ப்பை, உறுதி செய்துள்ள கூட்டாட்சி மேன்முறையீட்டு நீதிமன்றம், அதேநேரத்தில், மேன்முறையீட்டுக்கு ஒக்டோபர் 14 ஆம் திகதி வரை கால அவகாசமும் அளித்துள்ளது.

இந்த தீர்ப்பு, ட்ரம்ப்புக்கு பெரும் பின்னடைவாகப் பார்க்கப்படுகிறது. இந்த தீர்ப்பை அமெரிக்க உச்ச நீதிமன்றம் உறுதிப்படுத்துமானால், கூடுதல் வரி விதிப்பின் மூலம் பெறப்பட்ட பணத்தை திருப்பி தர வேண்டிய நிலை ஏற்படும் என கூறப்படுகிறது.

இதனிடையே, நீதிமன்றத்தின் தீர்ப்புக்கு டொனால்ட் ட்ரம்ப் அதிருப்தி தெரிவித்துள்ளார். இது தொடர்பாக அவர் வெளியிட்டுள்ள அறிவிப்பில், “அனைத்து வரி விதிப்புகளும் தொடர்ந்து நடைமுறையில் உள்ளன.

இந்த வரிகள் நீக்கப்பட்டால் அது நாட்டுக்கு ஒரு பேரழிவாக இருக்கும். இந்த தீர்ப்பு உறுதிப்படுத்தப்படுமானால் அது அமெரிக்காவை அழித்துவிடும்.” என்று கடுமையாக விமர்சித்துள்ளார்.

The post ட்ரம்ப்பின் வரிகளை ரத்து செய்த அமெரிக்க மேன்முறையீட்டு நீதிமன்றம் – ட்ரம்ப் அதிருப்தி appeared first on Oruvan.com.

ஆடைகள், ரத்தினங்கள் மற்றும் நகைகள் உள்ளிட்ட தொழிலாளர் சார்ந்த இந்திய நிறுவனங்கள் கடுமையான பாதிப்பைச் சந்திக்க வாய்ப்புள்ளதாக இந்திய செய்திகள் தெரிவிக்கின்றன.

குறிப்பாக, அமெரிக்கச் சந்தைகளில் இருந்து இந்திய பொருட்கள் வெளியேற்றப்பட்டு, அமெரிக்காவின் குறைந்த வரி விதிப்பு சலுகையைப் பெற்ற இந்தியாவின் போட்டியாளர்களான பங்களாதேஷ், வியட்நாம், இலங்கை, கம்போடியா, இந்தோனேஷியா நாடுகளின் பொருட்களுக்கு வரவேற்பளிக்கப்படும் என எதிர்பார்க்கப்படுகிறது.

இந்தியாவின் பின்னலாடை ஏற்றுமதியில் 68 சதவீதம் தமிழ்நாட்டின் திருப்பூர் மாநகரில் இடம்பெறுகிறது

1980 ஆம் அண்டு முதல்1990 ஆம் ஆண்டுகளில் இங்கு வளர்ச்சியடைந்த பின்னலாடை ஏற்றுமதி தொழில் கடந்த 10 ஆண்டுகளில் அமெரிக்கா, ஐரோப்பா உள்ளிட்ட மேற்கத்திய நாடுகளில் உள்ள சந்தைகளுக்கு ஆண்டுக்கு46 ஆயிரம் கோடி ரூபா என்ற அளவில் ஏற்றுமதி நடைபெறுவதாக இந்திய செய்திகள் தெரிவிக்கின்றன.

இந்த ஏற்றுமதியில் சுமார் 30 சதவீத அளவுக்கான பின்னலாடைகள் திருப்பூரில் இருந்து அமெரி க்காவுக்கு ஏற்றுமதி செய்யப்பட்டு வருகின்றன.

அமெரிக்க ஏற்றுமதியை நம்பி பல பின்னலாடை நிறுவனங்கள் உள்ள நிலையில் லட்சக்கணக்கான தொழிலாளர்களும் இங்கு பணி புரிகின்றனர்.

இந்தநிலையில் அமெரிக்க ஜனாதிபதி டொனால்ட் ட்ரம்ப் விதித்த 50 சதவீத வரியா திருப்பூர் பின்னலாடை தொழிலை ஸ்தம்பிக்க காரணம் எனவும்
தெரிவிக்கப்பட்டுள்ளது.

The post அமெரிக்க வரி விதிப்பால் இந்தியாவின் ஏற்றுமதி துறை பெரும் பாதிப்பு appeared first on Oruvan.com.

இதற்கான ஒப்பந்தத்தில் அமெரிக்க ஜனாதிபதி டொனால்ட் ட்ரம்ப் நேற்று கையெழுத்திட்டுள்ளதாக சர்வதேச ஊடகங்கள் செய்தி வெளியிட்டுள்ளன.

இதன்படி, அமெரிக்காவும் சீனாவும் நவம்பர் 10 ஆம் திகதி வரை வரிவிதிப்பு காலவகாசத்தை நீட்டித்துள்ளன.

தற்போது அமெரிக்கா சீனாவிலிருந்து இறக்குமதி செய்யும் பொருட்களுக்கு 30 வீத வரியும், சீனா அமெரிக்கப் பொருட்களுக்கு 10 வீத வரியும் விதிப்பதாக பெய்ஜிங் மற்றும் வொஷிங்டன் வெளியிட்ட  அறிக்கையில் தெரிவிக்கப்பட்டுள்ளது.

முன்பு அமெரிக்கா 145 வீத வரி விதிக்கப் போவதாகவும், சீனா 125 வீத வரி விதிப்பதாகவும் தெரிவித்திருந்த நிலையில், கடந்த மாதம் இடம்பெற்ற உயர் மட்ட பேச்சுவார்த்தைகள் சில முக்கிய புரிந்துணர்வுகளுக்கு வழிவகுத்ததாக தெரிவிக்கப்படுகிறது.

இந்த காலவகாச நீட்டிப்பு வர்த்தக ஏற்றத் தாழ்வுகளை சமன் செய்யவும், நியாயமற்ற நடைமுறைகளை தீர்க்கவும் உதவும் என வெள்ளை மாளிகை தெரிவித்துள்ளது.

The post சீனா – அமெரிக்க இடையேயான பரஸ்பர வரிவிதிப்பு காலவகாசம் மேலும் 90 நாட்களுக்கு நீட்டிப்பு appeared first on Oruvan.com.

அரசாங்க தகவல் திணைக்களத்தில் நடைபெற்ற ஊடகவியலாளர் சந்திப்பில் அவர் இதனை குறிப்பிட்டுள்ளார்.

அமெரிக்காவுடனான பேச்சுவார்த்தைகள் மூலம் இலங்கை எதிர்பார்த்த வகையிலான வரி நிவாரணத்தைப் பெற முடிந்தது என்று அவர் சுட்டிக்காட்டியுள்ளார்.

இதன் மூலம் பிராந்தியத்தில் உள்ள மற்ற போட்டியாளர்களுடன் ஒப்பிடக்கூடிய வரி விகிதத்தை அடைய முடிந்தது என்றும், இது இலங்கையில் தங்கள் சந்தைப் பங்கைத் தக்க வைத்துக் கொள்ள உதவும் என்றும் அவர் கூறினார்.

இதனிடையே, மேலும் கட்டணக் குறைப்புகளைப் பெறும் நம்பிக்கையில், அரசாங்கம் அமெரிக்காவுடன் தொடர்ந்து பேச்சுவார்த்தையில் ஈடுபடும் என்று அவர் மேலும் தெரிவித்துள்ளார்.

The post அமெரிக்காவுடன் மேலும் பேச்சுவார்த்தை நடத்தப்படும் – நிதி அமைச்சின் செயலாளர் appeared first on Oruvan.com.

முன்னதாக இன்று (1) முதல் நடைமுறைக்கு வரும் வகையில் இலங்கையிலிருந்து இறக்குமதி செய்யப்படும் பொருட்களுக்கு 30 வீத பரஸ்பர வரி விகிதத்தை அமெரிக்கா அறிவித்திருந்தது.

இந்நிலையில், வெள்ளை மாளிகை வெளியிட்ட அறிவிப்பின்படி, இலங்கை உட்பட பல நாடுகளில் கட்டண விகிதங்கள் மேலும் குறைக்கப்பட்டுள்ளன.

அதன்படி, தெற்காசிய நாடுகளான பங்களாதேஷூக்கு 20 வீதமாகவும், பாகிஸ்தானுக்கு 19 வீதமாகவும் வரி விகிதம் குறைக்கப்பட்டுள்ளது.

இருப்பினும், இந்தியாவிலிருந்து இறக்குமதி செய்யப்படும் பொருட்களுக்கு விதிக்கப்பட்ட கட்டண விகிதத்தை அமெரிக்கா மாற்றவில்லை, இதன்படி, இந்தியாவிற்கு 25 வீத வரி அறிவிக்கப்பட்டுள்ளது.

மேலும், அமெரிக்காவின் முக்கிய நட்பு நாடுகளில் ஒன்றான இஸ்ரேலுக்கு விதிக்கப்பட்ட வரி விகிதம் 15 வீதமாக குறைக்கப்பட்டுள்ளது.

எவ்வாறாயினும், சிரியா மீது 41 வீத வரி விதிப்பை அமெரிக்கா அறிவித்துள்ளது. லாவோஸ் மற்றும் மியான்மர் மீது தலா 40 வீத வரி விதிக்கப்படும் என்று வெள்ளை மாளிகை அறிக்கை மேலும் கூறுகிறது.

The post இலங்கைக்கான வரியை 20 வீதமாக குறைத்தது அமெரிக்கா appeared first on Oruvan.com.

இதில் எந்தவொரு மாற்றத்துக்கும் இடமில்லை என்றும் அவர் தனது ட்ரூத் சமூகவலைதள பக்கத்தில் பதிவிட்டுள்ளார்.

எனினும், எவ்வாறான நடவடிக்கைகள் அமெரிக்க விரோதக் கொள்கைகள் என்பது பற்றி ட்ரம்ப் எதுவும் விரிவாக பதிவிடவில்லை.

ட்ரம்ப் அமெரிக்க ஜனாதிபதியாக பதவியேற்றத்திலிருந்தே பல்வேறு நாடுகள் மீதும் வரி விதித்து வருகிறார். ட்ரம்பின் இந்த நடவடிக்கைகளால் சர்வதேச அளவில் பொருளாதார ரீதியாக நெருக்கடி ஏற்படும் சூழல் ஏற்பட்டுள்ளது.

பிரிக்ஸ் அமைப்பின் 17 ஆவது உச்சி மாநாடு பிரேசிலின் ரியோ டி ஜெனிரோ நகரில் நேற்று ஞாயிற்றுக்கிழமை ஆரம்பமான நிலையில் ட்ரம்ப் எச்சரிக்கை விடுத்துள்ளார்.

The post அமெரிக்க விரோத கொள்கைகளை ஆதரித்தால் கூடுதல் வரி விதிக்கப்படும் என ட்ரம்ப் எச்சரிக்கை appeared first on Oruvan.com.

சுவிட்சர்லாந்தின் ஜெனீவாவில் வார இறுதியில் இடம்பெற்ற வர்த்தகப் பேச்சுவார்த்தைகளுக்குப் பின்னர் இந்த அறிவிப்பு வெளியாகியுள்ளது.

இந்த திருப்புமுனை உலகளாவிய சந்தைகளை உற்சாகப்படுத்தியுள்ளது.

இதற்கமைய நாளை மறுதினத்திற்குள் அமெரிக்கா சீனப் பொருட்களின் மீதான வரிகளை தற்காலிகமாக 145% இலிருந்து 30% ஆகக் குறைக்கும் என்பதுடன் சீனா அமெரிக்க இறக்குமதிகள் மீதான வரிகளை 125% இலிருந்து 10% ஆகக் குறைக்கும் என கூட்டு அறிக்கையில் தெரிவிக்கப்பட்டுள்ளது.

சீன துணைப் பிரதமர் ஹீ லைஃபெங் மற்றும் அமெரிக்க கருவூலச் செயலாளர் ஸ்காட் பெசென்ட் மற்றும் அமெரிக்க வர்த்தகப் பிரதிநிதி ஜேமிசன் கிரீர் ஆகியோர் தலைமையில் பொருளாதார மற்றும் வர்த்தக உறவுகள் குறித்த விவாதங்களைத் தொடர ஒரு வழிமுறையை நிறுவவும் இரு தரப்பினரும் ஒப்புக்கொண்டதாக அறிக்கையில் தெரிவிக்கப்பட்டுள்ளது.

இந்த விவாதங்கள் சீனாவிலும் அமெரிக்காவிலும் அல்லது கட்சிகளின் உடன்படிக்கைக்கமைய மூன்றாவது நாட்டிலும் நடத்தப்படலாம். தேவைக்கேற்ப, இரு தரப்பினரும் தொடர்புடைய பொருளாதார மற்றும் வர்த்தக பிரச்சினைகள் குறித்து ஆலோசனைகளை நடத்தலாம் என்றும் அறிக்கையில் குறிப்பிடப்பட்டுள்ளது.

The post பரஸ்பர வரிகளை பாரியளவில் குறைக்க அமெரிக்கா மற்றும் சீனா இணக்கம் appeared first on Oruvan.com.

நாடாளுமன்றில் இன்று பேசிய தொழிலாளர் அமைச்சர் அனில் ஜயந்த பெர்னாண்டோ இதனை குறிப்பிட்டுள்ளார். இதன்படி, ஷவெள்ளை மாளிகை கடிதம் பெறப்பட்டதை ஒப்புக்கொண்டதாக அவர் குறிப்பிட்டுள்ளார்.

ஜனாதிபதி தனது கடிதத்தில், தாக்கத்தைக் குறைப்பதற்கான சாத்தியமான வழிகள் மற்றும் இலங்கை எடுக்கக்கூடிய நடவடிக்கைகள் குறித்து எடுத்துரைத்ததாக அமைச்சர் சுட்டிக்காட்டியுள்ளார்.

மேலும், வரிகளைக் குறைக்க ஒத்துழைக்குமாறும் அந்த கடிதத்தில் கோரியுள்ளதாகவும் அமைச்சர் குறிப்பிட்டுள்ளார்.

இதேவேளை, அண்மையில் பரஸ்பர விதிகளை அறிமுகப்படுத்திய அமெரிக்க ஜனாதிபதி, இலங்கையில் இருந்து அமெரிக்காவிற்கு ஏற்றுமதி செய்யப்படும் பொருட்களுக்கு 44 வீத வரி விதித்திருந்தமை குறிப்பிடத்தக்கது.

The post இலங்கைக்கு வரி விதித்த அமெரிக்கா – ட்ரம்ப்க்கு ஜனாதிபதி அநுர கடிதம் appeared first on Oruvan.com.

இந்நிலையில் புதிய வரி விதிப்பால் நூறு நாடுகள் வரை பாதிக்கப்பட்டுள்ளதாக தெரிவிக்கப்பட்டுள்ளது. அதிகபட்ச வரியாக கம்போடியாவிற்கு 49 சதவீதம் விதிக்கப்பட்டுள்ளது.

இலங்கைக்கும் 44 சதவீத வரி விதிக்கப்பட்டுள்ளது. அதிக வரி விகிதங்களைக் கொண்ட நாடுகளில் இலங்கையும் ஒன்று.

சீனா மீது 34 சதவீதம், இந்தியா மீது 26 சதவீதம், ஜப்பான் மீது 24 சதவீதம், பாகிஸ்தான் மீது 29 சதவீதம் என பெரும்பாலான ஆசிய நாடுகள் மீது அதிக வரிகள் விதிக்கப்பட்டுள்ளன என்பது குறிப்பிடத்தக்கது.

சிங்கப்பூர் மீது 10 சதவீத வரி விதிக்கப்பட்டுள்ளது. ஆசிய நாடுகளை குறிவைத்து 10 சதவீதம் முதல் 49 சதவீதம் வரை அதிக வரிகள் விதிக்கப்பட்டுள்ளன என்பதும் குறிப்பிடத்தக்கது.

ஐரோப்பிய ஒன்றியம் மீது 20 சதவீத வரி விதிக்கப்பட்டுள்ளது, அதே நேரத்தில் சுவிட்சர்லாந்து மீது 37 சதவீத வரி விதிக்கப்பட்டுள்ளது. ஐரோப்பிய ஒன்றியத்தின் மீது விதிக்கப்பட்டுள்ள வரியானது 27 நாடுகளைப் பாதிக்கும்.

புதிய வரிகளை விதிக்கும் 100 நாடுகளின் பட்டியலை ஜனாதிபதி டொனால்ட் டிரம்ப் வெளியிட்டுள்ளார்.

இந்த புதிய வரிகள் ஏப்ரல் ஐந்தாம் திகதி முதல் அமலுக்கு வருகின்றன. கனடா மற்றும் மெக்சிகோ மீது முன்னர் விதிக்கப்பட்ட வரிகளைத் தவிர, வேறு எந்த புதிய வரிகளும் விதிக்கப்படவில்லை.

முன்னதாக, அந்த நாடுகள் மீது 25 சதவீத வரி விதிக்கப்பட்டது. அமெரிக்காவிற்கு இறக்குமதி செய்யப்படும் ஆட்டோமொபைல்களுக்கு 25 சதவீத புதிய வரிகளும் விதிக்கப்பட்டுள்ளன.

புதிய வரிகளை அறிவித்த அமெரிக்க ஜனாதிபதி, வரிகள் விதிக்கப்பட்ட நாள் அமெரிக்காவில் “விடுதலை நாள்” என்று அழைக்கப்படும் என்று கூறினார்.

இது அமெரிக்காவிற்கு ஒரு “பொற்காலத்தை” ஏற்படுத்தும் என்று அவர் கூறுகிறார்.

இருப்பினும், சில உலகத் தலைவர்கள் வரிகள் விதிக்கப்பட்டதற்கு விரக்தியுடன் பதிலளித்துள்ளதாகவும், அதிகரித்து வரும் வர்த்தகப் போர் குறித்து கவலை தெரிவித்துள்ளதாகவும் வெளிநாட்டு ஊடகங்கள் செய்தி வெளியிட்டுள்ளன.

The post உலகமே எதிர்பார்த்த டிரம்பின் வரிப் பட்டியல் வெளியானது – இலங்கைக்கு 44 வீதம் வரி விதிப்பு appeared first on Oruvan.com.

எதிர்காலத்தைப் பார்க்கும்போது, புதிய கட்டணத்தின் கீழ் இலங்கை மின்சார சபை எதிர்கொள்ளும் இழப்புகளைத் தடுக்க முடியாது என்பது தெளிவாகிறது என்றும் அவர் கூறினார்.

இதன் விளைவாக, இலங்கை மின்சார சபையின் கடன்கள் மீண்டும் குவியும் அபாயம் இருப்பதாகவும், அதனால் இலங்கை மின்சார சபை மீண்டும் அரசாங்கத்திற்கு சுமையாக மாறும் என்றும் அவர் கூறினார்.

இலங்கை மின்சார சபை அரசாங்கத்திற்கு எவ்வளவு சுமையாக இருக்கும் என்பது அனைவருக்கும் அனுபவம் உள்ளதால், வரவிருக்கும் மின்சார கட்டண திருத்தத்தில் செலவு ஈடுகட்டும் மின்சார விலையை மீண்டும் நிர்ணயிப்பது அவசியம் என்று அவர் சுட்டிக்காட்டினார்.

இழப்புகளை ஏற்படுத்தாத வகையில் விலைகளை நிர்ணயிப்பதற்கான தானியங்கி வழிமுறைகள் ஏற்கனவே உள்ளதாகவும், அவை செயல்பட அனுமதிக்கப்பட வேண்டும் என்றும் அவர் கூறினார்.

The post மின்சாரக் கட்டணம் அதிகரிக்கப்பட வேண்டும் – வலியுறுத்தும் IMF appeared first on Oruvan.com.