தெற்கு கியோங்சாங் மாகாணத்தில் உள்ள கோசியோங் கவுண்டியில் இந்த துயர சம்பவம் பதிவாகியுள்ளது.

மீன் பண்ணை ஒன்றின் நீர் தொட்டிக்குள் இருந்து சடலங்கள் கண்டெடுக்கப்பட்டுள்ளதாக தெற்கு கியோங்சாங் பொலிஸ் நிலைய அதிகாரிகள் தெரிவித்துள்ளனர்.

20 மற்றும் 30 வயதுடைய இலங்கையர்களும் 50 வயதான கொரிய மேற்பார்வையாளர் ஒருவர் என மூவர் சடலமாக மீட்கப்பட்டுள்ளனர்.

ஞாயிற்றுக்கிழமை இரவு 8:30 மணியளவில் இளம் மீன் இனப்பெருக்க பிரிவுகளுக்கு தண்ணீர் வழங்கப் பயன்படுத்தப்படும் பெரிய நீர்த்தேக்க தொட்டியில் இருந்து சடலங்கள் கண்டுபிடிக்கப்பட்டதாக உறுதிப்படுத்தியது.

நான்கு மீட்டர் அகலம், மூன்று மீட்டர் நீளம் மற்றும் இரண்டு மீட்டர் ஆழம் கொண்ட தொட்டி தண்ணீரில் நிரப்பப்பட்டிருந்தது . குறுகிய திறப்பு மற்றும் ஏணி வழியாக மட்டுமே இந்த நீர் தொட்டியை அணுகக்கூடியதாக இருந்தது.

மேற்பார்வையாளரின் குடும்பத்தினர் இரவு 7:38 மணிக்கு அவர் காணாமல் போனதாக முறைப்பாடு செய்ததை தொடர்ந்து பொலிஸாருக்கு தகவல் தெரிவிக்கப்பட்டது. இதனையடுத்து அதிகாரிகள் அந்த இடத்தில் ஆய்வு செய்தனர்.

இலங்கைத் தொழிலாளர்களில் ஒருவர் பணி சீருடையில் இருந்ததாகவும், மற்ற இருவரும் வழக்கமான உடையில் இருந்ததாகவும் தெரிவிக்கப்பட்டுள்ளது.

இந்நிலையில், சம்பவம் குறித்து அதிகாரிகள் விசாரணைகளை முன்னெடுத்துள்ளனர்.

தொழில்துறை விபத்துக்கான சாத்தியத்தை அதிகாரிகள் நிராகரிக்கவில்லை, மேலும் மரணத்திற்கான சரியான காரணத்தைக் கண்டறிய பிரேத பரிசோதனை திட்டமிடப்பட்டுள்ளது.

சம்பவம் நடந்தபோது பாதிக்கப்பட்டவர்கள் தொட்டியை சுத்தம் செய்ய முயன்றார்களா அல்லது வேறு பணியில் ஈடுபட்டிருந்தார்களா என்பதை புலனாய்வாளர்கள் ஆராய்ந்து வருகின்றனர்.

The post தென் கொரியாவில் இலங்கை தொழிலாரள்கள் இருவர் நீர் தொட்டியில் இருந்து சடலமாக மீட்பு appeared first on Oruvan.com.

இவர்களில் 2,197 பேர் உற்பத்தித் துறையிலும், 680 பேர் மீன்வளத் துறையிலும், 23 பேர் கட்டுமானத் துறையிலும், இரண்டு பேர் விவசாயத் துறையிலும் வேலைகளைப் பெற்றுள்ளனர்.

இதற்கிடையில், தென் கொரியாவில் ஏற்கனவே வேலை வாய்ப்பு பெற்றுள்ள சுமார் 200 இலங்கையர்களை இந்த மாத இறுதிக்குள் அனுப்புவதற்கான ஏற்பாடுகள் நடைபெற்று வருவதாக வெளிநாட்டு வேலைவாய்ப்பு பணியகம்  தெரிவித்துள்ளது.

இந்தப் பணியமர்த்தலுடன், இந்த ஆண்டின் தொடக்கத்தில் இருந்து தென் கொரியாவில் வேலைவாய்ப்புக்காகச் சென்ற இலங்கையர்களின் மொத்த எண்ணிக்கை 3,000 ஐத் தாண்டும் என்று எதிர்பார்க்கப்படுகிறது.

கூடுதலாக, ஒக்டோபர் 23ஆம் திகதி தொடங்கவுள்ள 2025 கொரிய மொழித் திறன் பரீட்சைக்கு 36,475 பேர் பதிவு செய்துள்ளதாக பணியகம் அறிவித்துள்ளது.

The post தென் கொரியாவில் இலங்கையர்களுக்கு வேலைவாய்ப்பு appeared first on Oruvan.com.

தென் கொரிய ஜனாதிபதி லீ ஜே-மியுங் இந்த சம்பவத்தை கண்டித்து, “எந்தவொரு மனித உரிமை மீறலுக்கும் கடுமையாக பதிலடி கொடுக்கப்படும்” என்று எச்சரித்துள்ளார்.

இந்த சம்பவம் கடந்த பெப்ரவரி 26 அன்று தெற்கு ஜியோல்லா மாகாணத்தின் நஜுவில் உள்ள செங்கல் தொழிற்சாலை ஒன்றில் நடந்துள்ளது. குறித்த தொழிற்சாலையில் இலங்கையர் பணிபுரிந்தார்.

தொழிற்சாலையில் இருந்த சக தொழிலாளர்கள் இலங்கை தொழிலாளியை செங்கல் குவியலில் கட்டி வைத்து, ஃபோர்க்லிஃப்ட் மூலம் தூக்கி, துன்புறுத்தி கேலி செய்ததாக தெரிவிக்கப்படுகிறது.

குறித்த தொழிலாளி டிசம்பர் 2024 இல் வேலை அனுமதி முறையின் கீழ் E-9 விசாவில் கொரியாவிற்கு சென்றதாகவும் சம்பவத்திற்கு முன்னர் சுமார் மூன்று மாதங்கள் தொழிற்சாலையில் பணிபுரிந்ததாகக் கூறப்படுகிறது.

இந்நிலையில், ஜியோனம் புலம்பெயர்ந்த தொழிலாளர் மனித உரிமைகள் வலையமைப்பு, தொழிலாளி வேலையில் தவறு இருந்ததாக தெரிவித்து சக தொழிலாளர்களால் துஷ்பிரயோகம் செய்யப்பட்டதாக தெரிவித்துள்ளது.

சம்பவம் நடந்த சில மாதங்களுக்குப் பின்னர், சம்பவத்தின் காணொளி சமூக ஊடகங்களில் பரப்பப்பட்டதுடன், கொரிய அரசாங்கம் இந்த விடயத்தில் உடனடி விசாரணையைத் தொடங்கியுள்ளது.

இந்த சம்பவத்தால் தான் கடுமையான மன உளைச்சலுக்கு ஆளாகியுள்ளதாக இலங்கை தொழிலாளி உள்ளூர் ஊடகங்களுக்கு கருத்து வெளியிட்ட போது தெரிவித்துள்ளார்.

இந்நிலையில், குறித்து சம்பவம் தொடர்பில் தென் கொரிய ஜனாதிபதி கருத்து வெளியிடுகையில்,

“என் கண்களை என்னால் நம்ப முடியவில்லை. ஒரு ஜனநாயக நாட்டிலும், ஒரு கலாச்சார அதிகார மையத்திலும் இதுபோன்ற துஷ்பிரயோகம் நடக்கும் என்று நான் ஒருபோதும் நினைத்ததில்லை. இது மன்னிக்க முடியாத வன்முறைச் செயல்.

சிறுபான்மையினர் மற்றும் பாதிக்கப்படக்கூடிய நபருக்கு எதிரான மனித உரிமைகளை தெளிவாக மீறுவதாகும். புலம்பெயர்ந்த தொழிலாளியின் பாதிக்கப்படக்கூடிய சூழ்நிலையை யாரும் சுரண்டவோ அல்லது துஷ்பிரயோகம் செய்யவோ கூடாது என்பதை நாங்கள் உறுதிசெய்கிறோம்.

வெளிநாட்டில் பணிபுரியும் கொரிய குடிமக்களை நாங்கள் மதிக்கிறோம் மற்றும் புலம்பெயர்ந்த தொழிலாளர்களின் அடிப்படை உரிமைகளைப் பாதுகாக்கிறோம்.” என தெரிவித்துள்ளார்.

The post தென் கொரியாவில் துன்புறுத்தப்பட்ட இலங்கையர் – அந்நாட்டு ஜனாதிபதி கடும் கண்டனம் appeared first on Oruvan.com.

மீட்புப் பணிகள் தொடர்ந்து நடைபெற்று வருவதால், பலி எண்ணிக்கை அதிகரிக்கக்கூடும் என்று அதிகாரிகள் தெரிவித்துள்ளனர். பேரிடர் காரணமாக தற்போது 12 பேர் காணாமல் போயுள்ளதாக தெரிவிக்கப்பட்டுள்ளது.

கடந்த புதன்கிழமை தொடங்கிய மழை காரணமாக நாட்டில் சுமார் 10,000 பேர் தங்கள் வீடுகளை விட்டு வெளியேறி பாதுகாப்பான இடங்களுக்குச் சென்றுள்ளனர்.

நாட்டின் தெற்கு மற்றும் மத்திய பகுதிகள் பேரிடரால் மோசமாகப் பாதிக்கப்பட்டுள்ளன, மேலும் ஆயிரக்கணக்கான சாலைகள் மற்றும் கட்டிடங்கள் வெள்ளத்தில் மூழ்கியுள்ளன.

இதற்கிடையில், தற்போதைய நிலைமை காரணமாக நாட்டின் பல பகுதிகளுக்கு கடுமையான நிலச்சரிவு எச்சரிக்கைகளை வெளியிட அந்நாட்டு பேரிடர் மேலாண்மை அலுவலகம் நடவடிக்கை எடுத்துள்ளது.

The post தென் கொரியாவில் மோசமான வானிலை – இதுவரை 14 பேர் பலி appeared first on Oruvan.com.

பாதிக்கப்பட்ட பகுதிகளில் வசிக்கும் இலங்கையர்களுக்கு ஏதேனும் பாதிப்பு ஏற்படுமா என்பது குறித்து நிலைமையை உன்னிப்பாகக் கண்காணித்து வருவதாகவும் தூதரகம் உறுதியளித்தது.

தென் கொரியாவில் சுமார் 35,000 இலங்கைத் தொழிலாளர்கள் வசிக்கின்றனர். தீ விபத்தில் நான்கு பேர் உயிரிழந்துள்ளனர், மேலும் தீயை அணைக்கும் முயற்சிகள் தொடர்ந்து நடைபெற்று வருகின்றன.

இதேவேளை, தென் கொரியாவின் தெற்குப் பகுதியில் ஏற்பட்ட காட்டுத் தீயில் குறைந்தது நான்கு பேர் கொல்லப்பட்டு நூற்றுக்கணக்கான மக்கள் தங்கள் வீடுகளை விட்டு வெளியேறியதை அடுத்து, அந்நாட்டு அரசு பேரிடர் நிலையை அறிவித்துள்ளது.

வெள்ளிக்கிழமை தெற்கு சான்சியோங் மாவட்டத்திலும், தெற்கு தென் கொரியாவின் குறைந்தது மூன்று வெவ்வேறு பகுதிகளிலும் ஏற்பட்ட தீயை அணைக்க தீயணைப்பு வீரர்கள் போராடி வருகின்றனர்.

நான்கு பேர் கொல்லப்பட்டும் ஆறு பேர் காயமடைந்தும் இருந்த சான்சியோங் தீ சனிக்கிழமை இரவு நிலவரப்படி 25 வீதம் கட்டுப்படுத்தப்பட்டுள்ளதாக கொரிய வனத்துறை தெரிவித்துள்ளது.

சுமார் 847 ஹெக்டேர் காட்டை எரித்த தீயை அணைக்க டஜன் கணக்கான வாகனங்களையும் நூற்றுக்கணக்கான அதிகாரிகளையும் அதிகாரிகள் குவித்துள்ளனர். மேலும், சான்சியோங்கில் சுமார் 260 குடியிருப்பாளர்கள் வெளியேற்றப்பட்டதாக தெரிவிக்கப்பட்டுள்ளது.

தீயை கட்டுப்படுத்த வளங்களை திரட்டுவதற்கு வசதியாக தென் கொரியா தெற்கு பிராந்தியங்களில் பேரிடர் நிலையை அறிவித்தது, மேலும் சான்சியோங்கை ஒரு சிறப்பு பேரிடர் மண்டலமாக அறிவித்துள்ளதாக அமைச்சகம் தெரிவித்துள்ளது.

The post தென் கொரியாவில் காட்டு தீ – இலங்கையர்களுக்கு பாதிப்பில்லை appeared first on Oruvan.com.

கடந்த ஜனவரி 15 அன்று இராணுவச் சட்டத்தை அறிவித்ததற்காக யுன் கைது செய்யப்பட்டார்.

எவ்வாறாயினும், சியோல் மத்திய மாவட்ட நீதிமன்றம் நேற்று யூனை இனி தடுப்பு காவலில் வைக்க முடியாது என்றும் அவரை விடுவிக்க வேண்டும் என்றும் தீர்ப்பளித்தது.

தீர்ப்பை எதிர்த்து மேல்முறையீடு செய்ய நீதிமன்றம் முடிவு செய்ததை அடுத்து, யூனின் விடுதலை சாத்தியமானது.

சிறையில் இருந்து விடுதலையான யுன், விசாரணை அதிகாரிகளின் சட்டவிரோத நடவடிக்கைகளைக் கேள்விக்குட்படுத்திய நீதிமன்றத்தின் துணிச்சலையும் உறுதியையும் பாராட்டினார்.

The post தென் கொரிய முன்னாள் ஜனாதிபதி சிறையில் இருந்து விடுதலை appeared first on Oruvan.com.

இது நாட்டின் மக்கள்தொகை நெருக்கடி ஒரு திருப்புமுனையாக மாறியுள்ளது என்பதற்கான அறிகுறியாகும்.

கொரியாவின் புள்ளிவிவரங்களின்படி, நாட்டின் கருவுறுதல் விகிதம், ஒரு பெண் தனது இனப்பெருக்க வாழ்க்கையில் எதிர்பார்க்கப்படும் குழந்தைகளின் சராசரி எண்ணிக்கை, 2024 இல் 0.75 ஆக இருந்தது.

2023ஆம் ஆண்டில், பிறப்பு விகிதம் தொடர்ந்து எட்டாவது ஆண்டாக 0.72 ஆகக் குறைந்தது, இது உலகின் மிகக் குறைந்த வீதமாக அமைந்திருந்தது.
எவ்வாறாயினும், இந்த எண்ணிக்கை கடந்த 2015 இல் 1.24 ஆக இருந்தது.

2018 முதல், தென் கொரியா பொருளாதார ஒத்துழைப்பு மற்றும் மேம்பாட்டு அமைப்பின் (OECD) உறுப்பினராக உள்ளது, இது 1 சதவீதத்திற்கும் குறைவான விகிதத்தைக் கொண்டுள்ளது.

அண்மையில் பதவி நீக்கம் செய்யப்பட்ட ஜனாதிபதி யூன் சுக் இயோல் “தேசிய மக்கள்தொகை நெருக்கடி” மற்றும் குறைந்த பிறப்பு விகிதங்களைச் சமாளிக்க அர்ப்பணிக்கப்பட்ட ஒரு புதிய அமைச்சகத்தை உருவாக்கும் திட்டத்தை அறிவித்த பிறகு, இளைஞர்கள் திருமணம் செய்து கொள்ளவும் குழந்தைகளைப் பெறவும் தென் கொரியா பல்வேறு நடவடிக்கைகளை எடுத்துள்ளது.

“திருமணம் மற்றும் பிரசவம் குறித்து அதிக நேர்மறையான கருத்துக்களுடன் சமூக மதிப்பில் மாற்றம் ஏற்பட்டது,” என்று கொரியாவின் புள்ளியியல் அதிகாரியான பார்க் ஹியூன்-ஜங் ஒரு மாநாட்டில் கூறினார்.

“புதிய பிறப்புகளின் அதிகரிப்புக்கு ஒவ்வொரு காரணியும் எவ்வளவு பங்களித்தன என்பதை அளவிடுவது கடினம், ஆனால் அவை ஒருவருக்கொருவர் தாக்கத்தை ஏற்படுத்தியதாக,” பார்க் தெரிவித்துள்ளார்.

சமீபத்திய தரவுகளின்படி, புதிதாகப் பிறந்தவர்களை விட கடந்த ஆண்டு 120,000 பேர் அதிகமாக இறந்தனர், இது மக்கள்தொகையில் தொடர்ந்து ஐந்தாவது ஆண்டாக இயற்கையாகவே குறைந்து வருவதைக் குறிக்கிறது.

2020ஆம் ஆண்டில் 51.83 மில்லியனாக உச்சத்தை எட்டிய தென் கொரியாவின் மக்கள் தொகை, 2072 ஆம் ஆண்டில் 36.22 மில்லியனாகக் குறையும் என்று புள்ளிவிவர நிறுவனத்தின் சமீபத்திய கணிப்பு தெரிவிக்கிறது.

The post தென் கொரியாவில் ஒன்பது ஆண்டுகளில் முதல் முறையாக பிறப்பு விகிதம் உயர்வு appeared first on Oruvan.com.

இலங்கை வெளிநாட்டு வேலைவாய்ப்பு பணியகம் (SLEB) மட்டுமே இந்த வேலைவாய்ப்புகளை வழங்கும் என்று பணியகத்தின் தலைவர் கோசல விக்ரமசிங்க தெரிவித்தார்.

தொடர்ந்தும் பேசிய அவர், E-8 விசா பிரிவின் கீழ் வேறு எந்த நபரோ அல்லது வெளிநாட்டு வேலைவாய்ப்பு நிறுவனமோ வேலை வாய்ப்புகளை வழங்க அனுமதிக்கப்படவில்லை என்றார்.

எனவே அவர்களுக்கு பணம் செலுத்துவதை தவிர்க்குமாறும் அவர் வலியுறுத்தினார்.

தென் கொரியாவில் E-9 விசா பிரிவின் கீழ் வேலை வாய்ப்புகளைப் பெற்ற இளைஞர்கள் குழுவிற்கு விமான டிக்கெட்டுகளை வழங்கும் நிகழ்வில் பங்கேற்று உரையாற்றும் போதே தலைவர் இவ்வாறு தெரிவித்தார்.

The post E-8 விசா பிரிவின் கீழ் தென் கொரியாவில் இலங்கையர்களுக்கு வேலைவாய்ப்பு appeared first on Oruvan.com.

தனிப்பட்ட பாதுகாப்பு படையினரின் பாதுகாப்புடன் வீட்டில் இருந்த அவர் இன்று அதிகாலை கைது செய்யப்பட்டுள்ளதாக பொலிஸார் குறிப்பிட்டுள்ளன.

புதன்கிழமை அதிகாலையில் இருந்து 3,000க்கும் மேற்பட்ட பொலிஸ் அதிகாரிகள் யூனைக் கைது செய்ய அவரது இல்லத்தில் அணிவகுத்துச் சென்றதாக தெரிவிக்கப்பட்டுள்ளது.

இந்நிலையில், எந்தவொரு வன்முறையையும் தவிர்க்க விசாரணைக்கு ஒத்துழைத்துள்ளதாக யூன் அறிக்கை ஒன்றில் தெரிவித்துள்ளார்.

யூனைத் தடுத்து வைக்கும் முயற்சிகள் சட்டவிரோதமானவை என்றும், அவரைப் பகிரங்கமாக அவமானப்படுத்த வடிவமைக்கப்பட்டவை என்றும் யூனின் சட்டத்தரணிகள் வாதிட்டனர்.

அவரது கைதுக்காகப் பெறப்பட்ட பிடியாணை, பதவியில் இருக்கும் தென் கொரிய ஜனாதிபதிக்கு எதிராக பிறப்பிக்கப்பட்ட முதல் பிடியாணையாகும்.

யூன் கைது செய்யப்படலாம் என்று தெரிவித்த நிலையில், யூன் ஆதரவு ஆர்ப்பாட்டக்காரர்களுக்கும், பொலிஸாருக்கும் இடையே சிறிய மோதல்கள் ஏற்பட்டதாக தெரிவிக்கப்பட்டுள்ளது.

யூனின் இராணுவச் சட்டம் பற்றிய அறிவிப்பு தென் கொரியர்களை அதிர்ச்சிக்குள்ளாக்கியதுடன், ஆசியாவின் மிகவும் துடிப்பான ஜனநாயக நாடுகளில் ஒன்றை முன்னோடியில்லாத அரசியல் கொந்தளிப்பில் ஆழ்த்தியது.

இதனால் டிசம்பர் 14ஆம் திகதி பதவி நீக்கம் செய்து, கடமைகளில் இருந்து நீக்க நாடாளுமன்ற உறுப்பினர்கள் வாக்களித்தனர்.

இந்நிலையில், அரசியலமைப்பு நீதிமன்றம் அந்தக் குற்றச்சாட்டை நிலைநிறுத்தி, அவரை நிரந்தரமாக பதவியில் இருந்து நீக்குவது குறித்து ஆலோசித்து வருவதாக தெரிவிக்கப்பட்டுள்ளது.

The post பதவி நீக்கம் செய்யப்பட்ட தென் கொரிய ஜனாதிபதி யூன் கைது appeared first on Oruvan.com.

தாய்லாந்தின் பேங்காக்கில் இருந்து தென் கொரியாவின் முவான் நோக்கி 181 பேருடன் பயணித்த விமானம் விபத்துக்குள்ளானதில் இருவரை தவிர ஏனைய அனைவரும் உயிரிழந்துள்ளதாக அறிவிக்கப்பட்டுள்ளது.

இந்நிலையில், இந்த துயரச் சம்பவத்தால் ஏற்பட்ட உயிரிப்புகள் மற்றும் காயமடைந்தவர்களுக்கு இலங்கை வெளியுறவு அமைச்சகம் தனது ஆழ்ந்த வருத்தத்தைத் தெரிவித்துள்ளது.

அறிக்கை ஒன்றை வெளியிட்டுள்ள வெளியுறவு அமைச்சகம் இதனை தெரிவித்துள்ளது

“இந்த துயர சம்பவத்தில் உயிரிழந்தவர்களின் குடும்பங்களுக்கு இலங்கை அரசு இரங்கலைத் தெரிவித்துக் கொள்கிறது. இந்த இழப்பைச் சமாளிக்க அவர்கள் மன உறுதியைப் பெறவேண்டும்” என்று அதன் அறிக்கையில் கூறப்பட்டுள்ளது.

மேலும், விபத்தில் காயமடைந்தவர்கள் விரைவாக குணமடைய வேண்டும் எனவும், “காயமடைந்தவர்கள் முழுமையாகவும் விரைவாக குணமடைய எங்கள் எண்ணங்களும் பிரார்த்தனைகளும் அவர்களுடன் இருக்கும்” என்று அந்த அறிக்கையில் மேலும் தெரிவிக்கப்பட்டுள்ளது.

The post தென் கொரிய விமான விபத்தில் அனைவரும் உயிரிழப்பு – இலங்கை அரசாங்கம் இரங்கல் appeared first on Oruvan.com.