ட்ரம்பின் குடியேற்றக் கொள்கைகளுக்கு எதிரான போராட்டங்கள் மூன்றாவது நாளாகவும் தொடர்கிறது.

லாஸ் ஏஞ்சல்ஸ் நகரிற்கு பாதுகாப்பு படையைச் சேர்ந்த 2000 பேரை அனுப்புமாறு ட்ரம்ப் நேற்று உத்தரவிட்டார்.

மேலும் ஆவணமற்ற குடியேற்றவாசிகள் உட்பட பலர் சுற்றிவளைக்கப்பட்டதாக சர்வதேச ஊடகங்கள் செய்தி வெளியிட்டுள்ளன.

பாதுகாப்பு படையினரை அனுப்புவது அவசியம் என ட்ரம்ப் தெரிவித்துள்ள போதிலும் கலிபோர்னியாவின் ஆளுநர் கவின் நியூசன் உட்பட அவரது எதிர்ப்பாளர்கள்
இந்த நடவடிக்கை பதற்றங்களை மேலும் அதிகரிக்க கூடும் என தெரிவிக்கின்றனர்.

பாதுகாப்பு படையினரை அனுப்பும் உத்தரவை ரத்து செய்யுமாறு நியூசன் விடுத்த கோரிக்கையையும் வெள்ளை மாளிகை நிராகரித்துள்ளது.

அமெரிக்காவில் முறையான ஆவணங்கள் இல்லாமலும், சட்டவிரோதமாகவும் குடியேறியவர்களை கண்டறிந்து அவர்களை மீண்டும் தங்களுடைய நாட்டிற்கே அனுப்பும் நடவடிக்கையை ட்ரம்ப் நிர்வாகம் மேற்கொண்டு வருவதால் போராட்டம் வெடித்தது.

The post கலிபோர்னியாவில் தொடரும் பதற்றம் – லாஸ் ஏஞ்சல்ஸ் நகரில் கண்ணீர் புகை பிரயோகம் appeared first on Oruvan.com.

2028 லொஸ் ஏஞ்சல்ஸ் ஒலிம்பிக்கில் ஆண்கள் மற்றும் பெண்கள் தலா ஆறு அணிகள் ஒலிம்பிக் கிரிக்கெட்டில் போட்டியிடும் என்று சர்வதேச ஒலிம்பிக் குழு (IOC) அறிவித்துள்ளது.

இந்தப் போட்டிகள் டி20 வடிவத்தில் நடத்தப்படும் எனவும் தெரிவிக்கப்பட்டுள்ளது. ஒரு அணியிலும் அதிகபட்சம் 15 வீரர்கள் இடம்பெற வேண்டும் எனவும் தெரிவிக்கப்பட்டுள்ளதுஃ

எவ்வாறாயினும், தகுதி அளவுகோல்கள் இறுதி செய்யப்படவில்லை. போட்டியை நடத்தும் அமெரிக்கா நேரடியாக தகுதி பெறலாம் என தெரிவிக்கப்பட்டுள்ளது.

கிரிக்கெட்டுடன் கூடுதலாக, ஸ்குவாஷ், ஃபிளாக் கால்பந்து, பேஸ்பால்/சாப்ட்பால் மற்றும் லாக்ரோஸ் ஆகியவையும் 2028 ஒலிம்பிக்கில் புதிய விளையாட்டுகளாக இணைக்கப்படவுள்ளதாக தெரிவிக்கப்பட்டுள்ளது.

இறுதியாக 1900 பாரிஸ் ஒலிம்பிக்கில் கிரிக்கெட் இடம் பெற்றது.

இதன் பின்னர், 1998 ஆம் ஆண்டு (ஆண்களுக்கு மட்டும்) மற்றும் 2022ஆம் ஆண்டு (பெண்களுக்கு மட்டும்) காமன்வெல்த் விளையாட்டுப் போட்டிகளில் கிரிக்கெட் சேர்க்கப்பட்டது.

2010, 2014 மற்றும் 2023 ஆம் ஆண்டுகளில் நடந்த ஆசிய விளையாட்டுப் போட்டிகளில் ஆண்கள் மற்றும் பெண்கள் இருவருக்கும் டி20 வடிவத்தில் கிரிக்கெட் போட்டி நடத்தப்பட்டது..

உலகளவில் கிரிக்கெட்டின் புகழ் அதிகரித்துள்ளதால், ஒலிம்பிக்கில் கிரிக்கெட்டைச் சேர்க்கும் முடிவு எடுக்கப்பட்டுள்ளதாக தெரிவிக்கப்பட்டுள்ளது.

நான்கு ஆண்டுகளுக்கு முன்பு சர்சதேச கிரிக்கெட் பேரவை எடுத்த முயற்சிகளுக்கு புதன்கிழமை சர்வதேச ஒலிம்பிக் குழு ஒப்புதல் அளித்துள்ளது.

2023 ஆசிய விளையாட்டு கிரிக்கெட்டில் பதினான்கு ஆண்கள் அணிகளும், ஒன்பது பெண்கள் அணிகளும் போட்டியிட்டன. இரண்டு பிரிவுகளிலும் இந்தியா தங்கம் வென்றிருந்தது.

இதற்கிடையில், 2028 லொஸ் ஏஞ்சல்ஸ் ஒலிம்பிக்கில் 321 போட்டிகள் இடம்பெறும் எனவும் கடந்த ஆண்டு பாரிஸ் ஒலிம்பிக்கை விட 22 போட்டிகள் கூடுதலாக நடைபெறவுள்ளதாகவும் தெரிவிக்கப்பட்டுள்ளது.

The post 128 ஆண்டுகளுக்குப் பின்னர் ஒலிம்பிக்கில் கிரிக்கெட் போட்டி appeared first on Oruvan.com.

தி சன் செய்தித்தாளின்படி, லொஸ் ஏஞ்சல்ஸில் ஏற்பட்ட பேரழிவு தரும் காட்டுத்தீ காரணமாக 2025ஆம் ஆண்டுக்கான அகாடமி விருதுகள் இரத்து செய்யப்படலாம் என தெரிவிக்கப்பட்டுள்ளது.

டாம் ஹாங்க்ஸ், எம்மா ஸ்டோன், மெரில் ஸ்ட்ரீப் மற்றும் ஸ்டீவன் ஸ்பீல்பெர்க் உள்ளிட்ட நட்சத்திரங்கள் தலைமையிலான குழு அகாடமி விருது வழங்கும் விழா, இறுதி முடிவை எடுக்க நிலைமையைக் கண்காணித்து வருவதாகக் கூறப்படுகிறது.

“இந்த நேரத்தில் லொஸ் ஏஞ்சல்ஸ் மக்கள் மனவேதனை மற்றும் கற்பனை செய்ய முடியாத இழப்பைச் சந்தித்துள்ள நிலையில், இது போன்ற கொண்டாட்டங்களில் ஈடுபட கூடாது என்பதே விழா ஏற்பாட்டு குழுவின் நோக்கமாகவுள்ளது.

தீ கட்டுக்குள் கொண்டுவரப்பட்டாலும், அதனால் ஏற்பட்ட சேதங்களும் வலிகளும் உடனடியாக நீங்காது என்பதே உண்மை. எனினும், தற்போதைய நிலையில், மார்ச் இரண்டாம் திகதி விழாவை நடத்த திட்டமிடப்பட்டுள்ளது.

இந்த மாத தொடக்கத்தில், காட்டுத்தீ காரணமாக ஓஸ்கார் பரிந்துரைகளும் தாமதமாகின. 97வது அகாடமி விருதுகளுக்கான பரிந்துரைகள் அறிவிப்பு முதலில் ஜனவரி 17 ஆம் திகதி திட்டமிடப்பட்டிருந்தது.

இப்போது இது ஜனவரி 19 ஆம் திகதி நடைபெறும் என்பதுடன், கூடுதலாக, பரிந்துரைகளுக்கான வாக்களிப்பும் ஜனவரி 14 ஆம் திகதி வரை இரண்டு நாட்கள் நீட்டிக்கப்பட்டுள்ளதாக தெரிவிக்கப்பட்டுள்ளது.

The post ஓஸ்கார் விழா இரத்து செய்யப்படலாம் என தகவல் appeared first on Oruvan.com.

இந்த காட்டுத்தீ காரணமாக குறைந்தது ஐந்து பேர் உயிரிழந்துள்ளதுடன், சுமார 180,000 பேர் சொந்த இடங்களில் இருந்து வெளியேற்ற உத்தரவிடப்பட்டுள்ளனர்.

பசிபிக் பாலிசேட்ஸில் பரவிய காட்டுத் தீ – ஆயிரக்கணக்கான கட்டிடங்களை சேதப்படுத்தியதுடன், முழு கட்டிடங்களும் எரிந்து சாம்பலாகியுள்ளன.

ட்ரோன் காட்சிகளில், அழிக்கப்பட்ட சுற்றுப்புறத்தில் குப்பைகளால் சிதறடிக்கப்பட்ட வீடுகள் மற்றும் முற்றங்களின் வெற்று பிரேம்கள் காணப்பட்டன.

ஐந்து தீ விபத்துகளில், மூன்று முற்றிலும் கட்டுப்படுத்த முடியவில்லை. ஏற்கனவே லாஸ் ஏஞ்சல்ஸில் கிட்டத்தட்ட 30,000 ஏக்கர் எரிந்துவிட்டதாக தெரிவிக்கப்பட்டுள்ளது.

லாஸ் ஏஞ்சல்ஸ் நகரம் கண்ட மிகவும் அழிவுகரமான இயற்கை பேரழிவுகளில் ஒன்றான பாலிசேட்ஸ் தீ, குறைந்தது 19,059 ஏக்கர்களை எரித்துள்ளதாக தெரிவிக்கப்பட்டுள்ளது.

அதே நேரத்தில் அல்டடேனா மற்றும் பசடேனாவை தளமாகக் கொண்ட ஈட்டன் தீ சுமார் 13,690 ஏக்கர்களை எரித்துள்ளது. இந்த தீவிபத்து காரணமாக மின்சாரம் துண்டிக்கப்பட்டுள்ளதாகவும் தெரிவிக்கப்பட்டுள்ளது.

லாஸ் ஏஞ்சல்ஸ் கவுண்டியில் சுமார் 863,000 பேரும் அண்டை நகரமான சான் பெர்னாடினோ கவுண்டியில் மேலும் 857,000 அல்லது அதற்கு மேற்பட்டவர்கள் மின்சாரம் இன்றி இருப்பதாக PowerOutage.us தெரிவித்துள்ளது.

The post போர் மண்டலம் போல் காட்சியளிக்கும் லாஸ் ஏஞ்சல்ஸ் appeared first on Oruvan.com.