ஜனவரி 28 அன்று அரசாங்கம் வாகன இறக்குமதிக்கு அனுமதி வழங்கியது.

வாகன இறக்குமதிக்கான அனுமதி வழங்கப்பட்ட முதல் மூன்று முதல் நான்கு மாதங்களில் நாள் ஒன்றுக்கு சுமார் பத்து வாகனங்கள் விற்பனை செய்யப்பட்ட போதிலும், தற்போது வாரத்திற்கு பத்து வாகனங்கள் அல்லது அதற்கும் குறைவாக விற்பனையாவதாக தெரிவிக்கப்பட்டுள்ளது.

புதிய வாகனம் வாங்க எதிர்பார்த்த பலர் முதல் சில மாதங்களில் வாகனங்களை வாங்கியதாகவும், இது வாகனத் தேவை குறைவதற்கு பங்களித்ததாகவும் வாகன இறக்குமதியாளர்கள் கூறுகின்றனர்.

வாகன விற்பனை குறைந்துள்ளதால், வாகன விலையிலும் குறைவு ஏற்பட்டுள்ளதாக வாகன இறக்குமதியாளர்கள் கூறுகின்றனர். ஜப்பானில் வாகன ஏலங்களில் வாகன விலைகள் குறைந்திருப்பது தாக்கத்தை ஏற்படுத்தியுள்ளதாகவும் அவர்கள் கூறுகின்றனர்.

சந்தையில் 100 லட்சம் ரூபா மதிப்புள்ள வாகனத்தின் விலை சுமார் ஐந்து லட்சம் குறைந்துள்ளதாகவும், 200 லட்சம் ரூபா மதிப்புள்ள வாகனத்தின் விலை 10 லட்சம் முதல் 15 லட்சம் ரூபா வரை குறைந்துள்ளதாகவும் தெரிவிக்கப்பட்டுள்ளது.

ஓகஸ்ட் மாதத்தில் 249 மில்லியன் அமெரிக்க டொலர் மதிப்புள்ள வாகனங்கள் இறக்குமதி செய்யப்பட்டதாகவும், ஜனவரி முதல் ஒகஸ்ட் வரை 918 மில்லியன் அமெரிக்க டொலர் மதிப்புள்ள வாகனங்கள் இறக்குமதி செய்யப்பட்டதாகவும் இலங்கை மத்திய வங்கி தெரிவித்துள்ளது.

புதிய வாகனங்கள் சந்தையில் வருவதால் பயன்படுத்தப்பட்ட வாகனங்களுக்கான தேவையும் கடுமையாகக் குறைந்துள்ளதாக வாகன இறக்குமதியாளர்கள் தெரிவித்துள்ளனர்.

The post இலங்கையில் வாகன விற்பனையில் ஏற்பட்ட வீழ்ச்சி – விலையும் சரிந்தது appeared first on Oruvan.com.

கொழும்பில் நடைபெற்ற ஊடக சந்திப்பில் உரையாற்றிய சுங்கத்தின் மேலதிக பணிப்பாளர் நாயகம் சீவலி அருக்கொட,

‘‘இந்த ஆண்டு நிர்ணயிக்கப்பட்ட வருவாய் இலக்குகளை தாண்டி செல்லும் திறன் சுங்கத்திற்கு உள்ளது. 2025 ஆம் ஆண்டில் நாங்கள் பெற்ற வருவாய் இலக்கு ரூ. 2,115 பில்லியன். கடந்த ஆண்டு, எங்கள் வருவாய் இலக்கு ரூ. 1,533 பில்லியனாக இருந்தது.

கடந்த ஆண்டு, நாங்கள் அந்த இலக்கை தாண்டி ரூ. 1,535 பில்லியன் வருவாய் ஈட்டினோம். அதேநேரம் இந்த ஆண்டும், ஜூன் மாத நடுப்பகுதியில், நாங்கள் ரூ. 900 பில்லியன் வருவாயை ஈட்டியுள்ளோம்.

வாகனங்களைப் பொறுத்தவரை, 2025 பெப்ரவரி 1, முதல் இறக்குமதி செய்ய அரசாங்கம் அனுமதித்தது. இதுவரை, சுமார் 14,000 வாகனங்கள இறக்குமதி செய்யப்பட்டுள்ளன. இதன் ஊடாக சுமார் ரூ. 165 பில்லியன் வருமானம் ஈட்டியுள்ளோம். இந்த ஆண்டு, வாகன இறக்குமதியிலிருந்து ரூ. 450 பில்லியன் எதிர்பார்க்கிறோம்.” என்றார்.

The post வாகன இறக்குமதியின் ஊடாக இலங்கைக்கு பில்லியன் கணக்கில் வருமானம் – வெளியானது தகவல் appeared first on Oruvan.com.

நிதி, திட்டமிடல் மற்றும் பொருளாதார அபிவிருத்தி அமைச்சர் என்ற வகையில் ஜனாதிபதி அநுர குமார திசாநாயக்கவினால் ஏப்ரல் 29 ஆம் திகதி முதல் அமுலுக்கு வரும் வகையில் குறித்த வர்த்தமானி அறிவித்தல் வௌியிடப்பட்டுள்ளது.

இதனூடாக, இறக்குமதி செய்யப்பட்டும் பல்வேறு காரணங்களால் விடுவிக்க முடியாமல் துறைமுகத்தில் காணப்படும் பல வகையான கார்களை விடுவிக்க முடியுமென தெரிவிக்கப்படுகிறது.

இது தொடர்பில் விளக்கமளித்த இலங்கை வாகன இறக்குமதியாளர்கள் சங்கத்தின் தலைவர் பிரசாத் மானகே,

“ஒன்றரை அல்லது இரண்டு மாதங்களாக இந்த வாகனங்களை எங்களால் விடுவித்துக்கொள்ள முடியவில்லை. Hybrid Toyota Raize மற்றும் Hybrid Nissan X-TRAIL புதிய வர்த்தமானி வௌியிட்டதன் காரணமாக, இப்போது அவற்றை பெற்றுக்கொள்ள முடியும். இதேபோல், இந்த தொழில்நுட்பத்தின் கீழ் வரும் ஏனைய வாகனங்களையும் பெற்றுக்கொள்ள முடியும்.”

இதேவேளை, பதிவு செய்யப்படாத புதிய மோட்டார் சைக்கிள்களை இறக்குமதி செய்வதற்கு விதிக்கப்பட்டிருந்த தடையும் நீக்கப்பட்டுள்ளது.

அதன்படி, இறக்குமதி அனுமதிகளைப் பெற்று புதிய மோட்டார் சைக்கிள்களை இறக்குமதி செய்வது தொடர்பான வர்த்தமானி அறிவிப்பும் வெளியிடப்பட்டுள்ளதாக தெரிவிக்கப்பட்டுள்ளது.

The post வாகன இறக்குமதி மீதான சில கட்டுப்பாடுகள் மேலும் தளர்வு appeared first on Oruvan.com.

வாகனங்களை இறக்குமதி செய்வதற்கு வழங்கப்பட்டுள்ள அனுமதியானது குறிப்பிட்ட நிபந்தனைகளுக்கு அமைய வழங்கப்பட்டிருப்பதாக நிதி, திட்டமிடல் மற்றும் பொருளாதார அபிவிருத்தி அமைச்சின் அதிகாரிகள் தெரிவித்தனர்.

பொருளாதார செயற்பாடுகள் மீண்டும் வளமைக்குத் திரும்பச் செய்யும் நோக்கிலும், நாட்டின் பொருளாதார நிலைப்புத் தன்மையைப் பாதுகாத்து மேம்படுத்துதல், அந்நியச் செலாவணி இருப்பைப் பாதுகாக்கும் அதேநேரம், தேவையற்ற வாகன இருப்புக்கள் பேணப்படுதல், அதிகப்படியான வாகனங்கள் இறக்குமதி செய்யப்படுவதை அதைரியப்படுத்தும் நோக்கிலேயே இந்த நிபந்தனைகள் விதிக்கப்பட்டிருப்பதாக அதிகாரிகள் சுட்டிக்காட்டினர்.

May be an image of 12 people, people studying and text that says “Mocttone Parliamento ParliamentofSriL Sri anka Nuwan Dum Duminda anDumindaUG UG”

இதற்கு அமைய, இலங்கைக்கு இறக்குமதி செய்ய அனுமதிக்கப்பட்ட வாகனங்கள் 90 நாட்களுக்குள் பதிவுசெய்யப்பட வேண்டும்.

மேலும், யாராவது ஒரு இறக்குமதியாளரினால் இறக்குமதி செய்யப்பட்ட மொத்த வாகனங்களில் 25 வீதமானவை ஆறு மாதங்களுக்குள் பதிவுசெய்யப்படாவிட்டால் குறித்த இறக்குமதியாளருக்கு வழங்கப்பட்ட அனுமதி இரத்துச் செய்யப்படும் என்றும் அதிகாரிகள் தெரிவித்தனர்.

பதிவுசெய்யப்படாத வாகனங்களுக்கு ஆகக் கூடியது 45 வீதம் வரையில் விதிக்கக் கூடியதாக 3 வீத தண்டப்பணம் அறவிடப்படும்.

அரசாங்க நிதி பற்றிய குழு அதன் தலைவர் நாடாளுமன்ற உறுப்பினர் (கலாநிதி) ஹர்ஷ. த சில்வா தலைமையில் கடந்த 04 ஆம் திகதி நாடாளுமன்றத்தில் கூடியபோதே அதிகாரிகள் இந்தத் தகவல்களை முன்வைத்தனர்.
இக்கூட்டத்தில் 1969 ஆம் ஆண்டின் 01ஆம் இலக்க இறக்குமதி மற்றும் ஏற்றுமதி (கட்டுப்பாட்டுச்) சட்டத்தின் கீழ் 2421/04 மற்றும் 2421/44 ஆகிய இலக்க வர்த்ததமானி அறிவித்தல்களில் பிரசுரிக்கப்பட்ட ஒழுங்குவிதிகள் கவனத்தில் எடுத்துக்கொள்ளப்பட்டன.

மேலும், தனிநபர் ஒருவர் வாகனமொன்றை இறக்குமதி செய்வதாயின் ஒரு வாகனத்தை மாத்திரம் இறக்குமதி செய்ய முடியும் என்றும், வணிக ரீதியில் மேற்கொள்ளப்படும் இறக்குமதிகளுக்கு அவ்வாறான மட்டுப்பாடு இல்லையென்றும் அதிகாரிகள் தெரிவித்தனர்.

அத்துடன், உள்நாட்டு இலத்திரனியல் வாகனத் துறையினைப் பாதுகாப்பதற்கான கொள்கைக்கான ஆதரவைக் கோருவது பற்றியும் குழுவில் கவனம் செலுத்தப்பட்டது. வாகனங்களை உற்பத்தி செய்வதற்கு பிணை வசதிகளைப் பயன்படுத்தும் உள்நாட்டுத் தயாரிப்பாளர்களுக்கு சுங்க இறக்குமதி வரி மற்றும் மிகைக் கட்டணத்தைத் தள்ளுபடி செய்வது குறித்த முன்மொழிவு சாதகமாகப் பரிசீலிக்கப்பட்டு வருவதாக அதிகாரிகள் தெரிவித்தனர்.

2012ஆம் ஆண்டின் 12ஆம் இலக்க நிதிச் சட்டத்தின் கீழான வர்த்தக மைய ஒழுங்குவிதிகள் குறித்தும் குழுவில் கவனம் செலுத்தப்பட்டது. குறிப்பிட்ட நிபந்தனைகளின் அடிப்படையில் 2025 பெப்ரவரி 21ஆம் திகதி வரை மூன்று மாத காலத்திற்கு லாஃப் காஸ் பிஎல்சி நிறுவனத்தின் ஊடாக மேலதிகமாக 9000 மெற்றிக் தொன் திரவப் பெற்றோலிய வாயுவை உள்நாட்டு சந்தைக்கு வழங்குவதற்கு இந்த ஒழுங்குவிதி வெளியிடப்பட்டது.

இக்கூட்டத்தில், பிரதியமைச்சர்களான (கலாநிதி) ஹர்ஷன சூரியப்பெரும, சதுரங்க அபேசிங்க, நாடாளுமன்ற உறுப்பினர்களான ரவி கருணாநாயக்க, ஹர்ஷன ராஜகருணா, (கலாநிதி) கௌஷல்யா ஆரியரத்ன, விஜேசிறி பஸ்நாயக்க, திலின சமரக்கோன் மற்றும் (சட்டத்தரணி) லக்மாலி ஹேமச்சந்திர ஆகியோர் கலந்துகொண்டனர்.

The post வாகன இறக்குமதியாளர்களுக்கான நிபந்தனைகள் appeared first on Oruvan.com.

வாகனங்களுக்கான வரி விதிப்பு தொடர்பில் அரசாங்கம் வர்த்தமானி அறிவிப்பை வெளியிட்டிருந்தாலும், அது வாகன இறக்குமதிகளுக்கு விதிக்கப்படும் கலால் வரி சதவீதங்களை மட்டுமே குறிப்பிட்டுள்ளது என்று சங்கத்தின் தலைவர் பிரசாத் மானேஜ் விளக்கினார்.

ஊடகங்களுக்கு கருத்து வெளியிட்ட அவர் இதனை தெரிவித்துள்ளார்.

வாகனங்களுக்கு விதிக்கப்படும் தற்போதைய இறக்குமதி வரி சுமார் 300 வீதம் ஆகும், எனினும், இந்த எண்ணிக்கை 400 வீதம் அல்லது 500 வீதமாக அதிகரிக்கக் கூடும் என்று இலங்கை வாகன இறக்குமதியாளர்கள் சங்கம் தெரிவித்துள்ளது.

வட் (VAT) உட்பட மூன்று வகையான வரிகள; வாகன விலை உயர்வைப் பாதித்துள்ளதாக சங்கத்தின் தலைவர் பிரசாத் மானேஜ் சுட்டிக்காட்டியுள்ளார்.

வாகனத்தின் மதிப்பு, ஆடம்பர வரி, சுங்க வரி, செலவு, காப்பீடு மற்றும் சரக்கு வரி (CIF) மற்றும் தற்போதுள்ள 18 வீத வட் ஆகியவற்றின் அடிப்படையில் சிறப்பு இறக்குமதி வரி உட்பட பல அடுக்கு வரிவிதிப்புகளைக் கணக்கிட்ட பிறகு ஒரு வாகனத்தின் இறுதி விலை தீர்மானிக்கப்படுகிறது என்று அவர் குறிப்பிட்டார்.

எனவே, பொது மக்கள் பீதி அடைய வேண்டாம் என்றும் அவர் வலியுறுத்தினார், சமீபத்திய வர்த்தமானி அறிவிப்பில் குறிப்பிடப்பட்டுள்ள வரிகள் அரசாங்கத்தால் விதிக்கப்பட்ட இறுதி வாகன வரியைக் குறிக்கவில்லை என்பதை அவர் தெளிவுபடுத்தினார்.

வாகன இறக்குமதியைத் தொடங்குவதற்கு முன்பு முன்கூட்டியே பணம் செலுத்துதல் அல்லது வாகன முன்பதிவுகளைச் செய்வதற்கு எதிராகவும் அவர் அறிவுறுத்தினார்.

மேலும், தற்போதைய வாகன சந்தையை விட விலை சற்று அதிகமாக இருக்கும் எனவும் அவர் குறிப்பிட்டுள்ளார்.

2020ஆம் ஆண்டில் நாட்டில் ஏற்பட்ட பொருளாதார நெருக்கடி காரணமாக வாகனங்கள் உள்ளிட்ட அத்தியாவசியமற்ற பொருட்களின் இறக்குமதியை தற்காலிகமாக நிறுத்தி, கட்டுப்பாடுகளை விதிக்க அரசாங்கம் நடவடிக்கை எடுத்திருந்தது.

எனினும், சர்வதேச நாணய நிதியத்தின் விரிவான கடன் திட்டம் செயல்படுத்தப்பட்டதாலும், நாட்டின் வெளிநாட்டு இருப்புக்கள் மேம்பட்டதாலும், பொருளாதாரம் ஸ்திரமடைந்ததாலும் வாகன இறக்குமதிக்கு அனுமதி வழங்கப்பட்டது.

அதன்படி, கடந்த ஆண்டு செப்டம்பர் 12ஆம் திகதி நடைபெற்ற அரசாங்க அமைச்சரவையின் ஒப்புதலின்படி வாகன இறக்குமதிக்கு மூன்று கட்டங்களாக அனுமதி வழங்கப்பட்டது.

இந்த நிலையில், மோட்டார் வாகன இறக்குமதிக்கான புதிய வரி திருத்தங்களை உள்ளடக்கிய ஜனாதிபதியால் வெளியிடப்பட்ட வர்த்தமானி அறிவிப்பு நேற்று முன்தினம் (11) முதல் நடைமுறைக்கு வந்துள்ளது.

இதன் விளைவாக, எரிபொருள் மூலம் இயங்கும் மற்றும் மின்சார வாகனங்களின் இறக்குமதிக்கு விதிக்கப்படும் கலால் வரி, வாகனத்தின் சிலிண்டர் திறன் மற்றும் மற்றும் உற்பத்தி ஆண்டு ஆகியவற்றின் அடிப்படையில் அதிகரிக்கப்பட்டுள்ளது.

இந்நிலையில், புதிய வாகன இறக்குமதியில் போது விதிக்கப்படும் வரிகள் தொடர்பில் இலங்கை வாகன இறக்குமதியாளர்கள் சங்கம் கூறுகையில்,

* வேகன் ஆர் காரின் வரி, சுமார் ரூ.1.6 மில்லியனாக இருந்தது எனினும் புதிய திருத்தத்தின் மூலம் ரூ.1.8 மில்லியனை தாண்டக்கூடும்.

* மேலும், சுமார் ரூ.2 மில்லியனாக இருந்த விட்ஸ் வகை காரின் இறக்குமதி மீதான வரி சுமார் ரூ.2.4 மில்லியனாக அதிகரிக்கக்கூடும்.

* டொயோட்டா அக்வா, கொரோலா மற்றும் ஆக்சியோ மொடல்களுக்கான வரி முன்னர் ரூ. 5.7 மில்லியனாக இருந்தது, இது சுமார் ரூ. 6.6 மில்லியனாக அதிகரிக்கும் என்றும் வாகன இறக்குமதியாளர்கள் சங்கம் கூறுகிறது.

The post வாகன வரிகள் சில சந்தர்ப்பங்களில் 600 சதவீதம் வரை உயரக்கூடும் – வெளியாகியுள்ள புதிய தகவல் appeared first on Oruvan.com.

வாகன இறக்குமதியாளர்கள் சங்கம், தற்போதுள்ள வரி விகிதங்களின் கீழ் வாகன இறக்குமதி மீண்டும் தொடங்கியவுடன் மதிப்பிடப்பட்ட விலைகளைக் கணக்கிட முடியும் என்று தெரிவித்துள்ளது.

இருப்பினும், அரசாங்கம் வரி விகிதங்களை அதிகரித்தால், வாகன விலைகளும் தானாகவே உயரும் என்றும், வரி விகிதங்களைக் குறைப்பது விலைகளைக் குறைக்க வழிவகுக்கும் என்றும் அவர்கள் குறிப்பிட்டனர்.

தற்போது, ​​உள்ளூர் சந்தையில் ஒரு ஜப்பானிய காருக்கு விதிக்கப்படும் வரித் தொகை அதன் உற்பத்தி விலையில் தோராயமாக 300 வீதம் ஆகும்.

இறக்குமதி கட்டுப்பாடுகள் காரணமாக விநியோகம் குறைவதால் ஏற்படும் பயன்படுத்தப்பட்ட வாகனங்களின் விலைகளில் ஏற்படும் குறிப்பிடத்தக்க அதிகரிப்பு, வாகன இறக்குமதி மீண்டும் தொடங்குவதன் மூலம் இயல்பு நிலைக்குத் திரும்பும் என்று சங்கம் நம்பிக்கை தெரிவித்தது.

The post வாகன விலைகள் மாறும் சாத்தியம் – வாகன இறக்குமதியாளர்கள் appeared first on Oruvan.com.

நிதி அமைச்சகத்தின் மூத்த அதிகாரி ஒருவரை மேற்கோள்காட்டி கொழும்பு ஆங்கில ஊடகம் ஒன்று இதனை தெரிவித்துள்ளது.

வாகன இறக்குமதி கட்டுப்பாடுகளை நீக்குவதற்கு படிப்படியான அணுகுமுறை, அரசாங்கத்தின் பொருளாதார மீட்சி மற்றும் அந்நியச் செலாவணி மேலாண்மையின் எச்சரிக்கையான சமநிலையை பிரதிபலிப்பதாக அந்த அதிகாரி கூறியுள்ளார்.

எவ்வாறாயினும், மேலும் விவரங்களை வழங்க அந்த அதிகாரி மறுத்துள்ளதுடன், அதிகாரப்பூர்வ முடிவுகள் முறையாக வெளியிடப்படும் என்றும் தெரிவித்துள்ளார்.

இருப்பினும், பேருந்துகள் இறக்குமதியை உள்ளடக்கிய முதலாம் கட்டம் ஏற்கனவே தொடங்கிவிட்டது என்றும், அடுத்து ஆண்டு பெப்ரவரிக்குள், இரண்டாம் கட்டமாக தனிப்பட்ட பயன்பாட்டு வாகனங்களின் இறக்குமதி மீண்டும் தொடங்கும் என்றும் போக்குவரத்து மற்றும் நெடுஞ்சாலைகள் துணை அமைச்சர் பிரசன்ன குணசேன கூறினார்.

“கோவிட்-19 தொற்றுநோய் மற்றும் பொருளாதார மந்தநிலையின் போது அந்நியச் செலாவணி இருப்புகளைப் பாதுகாக்க 2020இல் செயல்படுத்தப்பட்ட வாகன இறக்குமதிக்கான தற்காலிக இடைநீக்கத்தை அரசாங்கம் தளர்த்தத் தொடங்கியுள்ளது,” என்று அவர் கூறினார்.

கட்டுப்பாடுகளை தளர்ப்பதற்கு படிப்படியான அணுகுமுறை, விதிமுறைகள் மற்றும் காலக்கெடு நிதி அமைச்சகத்தால் முடிவு செய்யப்பட்டுள்ளதாக அமைச்சர் மேலும் சுட்டிக்காட்டினார்.

எவ்வாறாயினும், வாகன இறக்குமதிகளை நிர்வகிக்க கடுமையான நிபந்தனைகள் விதிக்கப்பட்டுள்ளன.

“இந்த நடவடிக்கைகள் வெளிநாட்டு இருப்புக்களை குறைத்து, கையிருப்புக்கு வழிவகுக்கும் அதிகப்படியான வாகன இறக்குமதிகளைத் தடுப்பதை நோக்கமாகக் கொண்டுள்ளன” என்று குணசேனா கூறினார்.

The post வாகன இறக்குமதி – அரசாங்கம் வெளியிட்டுள்ள முக்கிய தகவல் appeared first on Oruvan.com.

அதன்படி, நேற்று (18) முதல் மீண்டும் வாகனங்களை இறக்குமதி செய்ய அனுமதி கிடைத்துள்ளதாக இலங்கை வாகன இறக்குமதியாளர்கள் சங்கத்தின் தலைவர் திரு இந்திக சம்பத் மெரிஞ்சகே தெரிவித்துள்ளார்.

விசேட ஊடகவியலாளர் மாநாட்டிற்கு அழைப்பு விடுத்த அவர், நேற்று முதல் இலங்கைக்கு இறக்குமதி செய்யக்கூடிய வாகன வகைகள் தொடர்பிலும் தனது கருத்தை வெளியிட்டார்.

இதன்படி, 25 ஆசனங்களுக்கு மேல் மற்றும் ஐந்து வருடங்களுக்கும் குறைவான பழைய பேருந்துகளை இலங்கைக்கு இறக்குமதி செய்ய முடியும் என தலைவர் தெரிவித்தார்.

மேலும், சுற்றுலாத்துறைக்கு தேவையான சிறப்பு வாகனங்களை இறக்குமதி செய்வதற்கான வாய்ப்பு கிடைத்துள்ளது.

இதேவேளை, அடுத்த வருடம் ஏப்ரல் முதலாம் திகதி முதல் தனியார் வகை வாகனங்கள் மற்றும் ஏனைய வகைப்பாடுகளின் கீழ் உள்ள வாகனங்களையும் இறக்குமதி செய்ய முடியும் எனவும் அவர் மேலும் குறிப்பிட்டார்.

இது தொடர்பான வர்த்தமானியில் ஜனாதிபதி அனுரகுமார திஸாநாயக்க டிசம்பர் 14ஆம் திகதி கையொப்பமிட்டதாக இலங்கை வாகன இறக்குமதியாளர்கள் சங்கம் தெரிவித்துள்ளது.

The post நேற்று முதல் வாகனங்களை இறக்குமதி செய்ய அனுமதி appeared first on Oruvan.com.