ஊடகங்களிடம் பேசிய அவர், இரண்டாம் சுற்றுப் பேச்சுவார்த்தையில் பங்கேற்கும் எண்ணம் ஈரானுக்கு இல்லை என்று தெரிவித்துள்ளார்.

மேலும், அமெரிக்கா போர் நிறுத்தத்தை மீறிவிட்டது என்றும், அமெரிக்காவின் போர் நிறுத்த மீறல் குறித்து பாகிஸ்தான் மத்தியஸ்தருக்குத் தெரிவிக்கப்பட்டுள்ளது என்றும் அவர் குறிப்பிட்டுள்ளார்.

ஈரான் ஒரு அமைதியான நாடு என்றும், இராஜதந்திர செயல்முறையை முன்னெடுத்துச் செல்வதில் அமெரிக்கா அக்கறை காட்டவில்லை என்றும், அது ஆக்கிரமிப்பு நடவடிக்கைகளில் ஈடுபட்டு போர் நிறுத்தத்தின் விதிமுறைகளை மீறியுள்ளது என்றும் இஸ்மாயில் பாகாயி மேலும் தெரிவித்துள்ளார்.

அமெரிக்காவின் முன்மொழிவுகள் அற்பமானவை என்றும், அமெரிக்காவின் கோரிக்கைகள் யதார்த்தமற்றவை என்றும் இஸ்மாயில் பகாய் கூறியுள்ளார்.

ஈரான் தனது கோரிக்கைகளைத் தெளிவாகக் கூறியுள்ளது, அவற்றை மாற்றிக்கொள்ளாது. ஈரானின் தேசிய நலன்களைப் பாதுகாக்கும் விடயத்தில், நாங்கள் காலக்கெடுவையோ அல்லது இறுதி எச்சரிக்கைகளையோ நம்புவதில்லை.

ஈரானிலிருந்து அணுசக்திப் பொருட்களை வெளியேற்றுவது பேச்சுவார்த்தைகளின் ஒரு பகுதியாக ஒருபோதும் இருந்ததில்லை என்றும், தனது அணுசக்தி சாதனங்கள் நாட்டிற்குள்ளேயே பாதுகாப்பாக வைக்கப்படும் என்பதே ஈரானின் தெளிவான நிலைப்பாடு என்றும் அவர் சுட்டிக்காட்டியுள்ளார்.

எங்கள் மீது கடற்படை முற்றுகையை விதித்து அமெரிக்கா போர் நிறுத்த ஒப்பந்தத்தை மீறியதாகவும், கடற்படை முற்றுகையை விதித்து ஈரானியக் கப்பல் மீது தாக்குதல் நடத்தியதாகவும், தற்போதைய போர் போன்ற சூழ்நிலை காரணமாக ஹார்முஸ் நீரிணையில் கடல் போக்குவரத்தை ஒருதலைப்பட்சமாக இயல்பு நிலைக்குக் கொண்டுவருவது சாத்தியமில்லை என்றும் அவர் கூறினார்.

அமெரிக்காவின் இந்த நடவடிக்கை, போர்நிறுத்தத்தையும் சர்வதேச சட்டங்களையும் மீறுவதாகும் என்று அவர் மேலும் கூறினார். அமெரிக்கா அனுபவங்களிலிருந்து பாடம் கற்றுக்கொள்ளவில்லை, அதன் விளைவுகள் ஒருபோதும் நல்லதாக இருக்காது.

முந்தைய பேச்சுவார்த்தைகளின் போது அமெரிக்கா நம்மீது நடத்திய தாக்குதல்களை நம்மால் மறக்க முடியாது.

அமெரிக்காவும் இஸ்ரேலும் ஒரு புதிய ஆக்கிரமிப்பைத் தொடங்க விரும்பினால், நமது ஆயுதப் படைகள் அதற்குப் பதிலடி கொடுக்கும், நமது தேசிய நலன்களைத் தொடர்ந்து பாதுகாக்கும், அமெரிக்க-இஸ்ரேலிய தாக்குதல்களுக்கு முன்பு ஹார்முஸ் நீரிணை பாதுகாப்பாக இருந்தது.

பாகிஸ்தானிய மத்தியஸ்தரின் விளக்கம் இருந்தபோதிலும், லெபனானில் போர் நிறுத்தம் ஒப்பந்தத்தின் ஒரு பகுதியாக இல்லை என்று அமெரிக்கா கூறியது.

இந்தியக் கப்பல்கள் குறிவைக்கப்பட்டது குறித்து ஈரானிய நிறுவனங்கள் விசாரித்து வருகின்றன என்று இஸ்மாயில் பகாய் மேலும் தெரிவித்துள்ளார்.

The post அமெரிக்கா எல்லை மீறிவிட்டது! பேச்சுவார்தையில் கலந்துகொள்ளபோவதில்லை என ஈரான் அறிவிப்பு appeared first on Oruvan.com.

பாதரசம் தொடர்பான எவ்விதத் தொழில்களிலும் ஈடுபடாத பெண்களின் தலைமுடியில் கூட ஆபத்தான அளவில் இந்த நச்சு உலோகம் காணப்படுவதாக அந்த ஆய்வு எச்சரித்துள்ளது.

ஆய்வின் முக்கிய கண்டுபிடிப்புகள்:

சுற்றுச்சூழல் நீதிக்கான மையத்தின் (CEJ) தலைவரும் சிரேஷ்ட ஆலோசகருமான ஹேமந்த விதானகே இது குறித்துத் தெரிவிக்கையில், தரம் குறைந்த நிலக்கரி எரிக்கப்படும் போது வெளியேறும் பாதரசம், சூழலிலும் கடல்வாழ் உயிரினங்களிலும் படிந்து, இறுதியில் உணவுச் சங்கிலி ஊடாக மனித உடலை அடைகிறது எனக் குறிப்பிட்டார்.

பாதரச அளவு: 18 முதல் 44 வயதுக்குட்பட்ட 28 பெண்களின் தலைமுடியில் பாதரசத்தின் அளவு 1 ppm (பாதுகாப்பான மட்டம்) இற்கும் அதிகமாக இருப்பது கண்டறியப்பட்டுள்ளது.

அதிர்ச்சித் தகவல்: இதில் ஒரு பெண்ணின் தலைமுடியில் அதிகபட்சமாக 15.584 ppm அளவு பாதரசம் பதிவாகியுள்ளது. இது அமெரிக்க தேசிய ஆராய்ச்சி சபை நிர்ணயித்த அளவை விடப் பல மடங்கு அதிகமாகும்.

பாதிக்கப்பட்டுள்ள பகுதிகள்:

நொரோச்சோலை, பன்னியாடிய, நாரக்கல்லிய மற்றும் புத்தளம் கலப்புப் பகுதிகளைச் சூழவுள்ள மக்கள் ஏற்கனவே இந்தப் பாதரசப் பாதிப்புக்கு உள்ளாகியிருக்கலாம் என விதானகே எச்சரித்துள்ளார்.

குறிப்பாக, கலப்புப் பகுதி மீன்களை உட்கொள்வதன் மூலம் இந்த நச்சுத்தன்மை பரவுவதாகவும், நொரோச்சோலை மின்நிலையத்திலிருந்து வெளியேறும் ‘பறக்கும் சாம்பல்’ (Fly ash) இதற்குக் காரணமாக இருக்கலாம் என்றும் அவர் சுட்டிக்காட்டினார்.

‘மினமாட்டா’ நோய் அபாயம் மற்றும் சர்வதேச உடன்படிக்கை:

உரிய நடவடிக்கை எடுக்காவிட்டால், ஜப்பானில் 1932-1968 காலப்பகுதியில் தொழிற்சாலைக் கழிவுகளால் ஏற்பட்ட மினமாட்டா (Minamata) போன்றதொரு பாரிய நரம்பியல் ரீதியான சுகாதார நெருக்கடி இலங்கையிலும் ஏற்படக்கூடும் என அவர் எச்சரித்தார்.

பாதரசப் பயன்பாட்டை ஒழிப்பதற்கான ‘மினமாட்டா உடன்படிக்கையில்’ இலங்கை கையெழுத்திட்டுள்ள போதிலும், 2020 ஆம் ஆண்டிற்குள் பாதரச மூலங்களை அகற்ற எடுத்த உறுதிமொழி இன்னும் முழுமையடையவில்லை என்றும் அவர் கூறினார்.

மருத்துவ நிபுணர்களின் எச்சரிக்கை:

மருத்துவ மற்றும் சிவில் உரிமைகளுக்கான வைத்தியர் சங்கக் கூட்டமைப்பின் தலைவர் வைத்தியர் சமல் சஞ்சීவ கூறுகையில்:

தரம் குறைந்த நிலக்கரி பயன்பாட்டால் கடலோர மற்றும் கலப்புப் பகுதி மீன்களின் உடலில் பாதரசம் சேர்வது நுகர்வோருக்குப் பெரும் சுகாதாரப் பாதிப்பை ஏற்படுத்தும்.

இது தொடர்பாக முழுமையான ஆய்வை நடத்தி அறிக்கையை வெளியிடுமாறு மத்திய சுற்றுச்சூழல் அதிகாரசபையிடம் பலமுறை கோரியும் இதுவரை எவ்விதப் பதிலும் கிடைக்கவில்லை.

சுகாதார அமைச்சின் மௌனம் மற்றும் தரம் குறைந்த நிலக்கரியைத் தொடர்ந்து பயன்படுத்துவது பொருளாதார மற்றும் பொதுச் சுகாதார ரீதியாகப் பாரிய விளைவுகளை ஏற்படுத்தும்.

அதிகரித்துள்ள நச்சு வெளியேற்றம்:

இலங்கை பொதுப் பயன்பாடுகள் ஆணைக்குழுவின் (PUCSL) அறிக்கையின்படி, நொரோச்சோலை மின்நிலையத்திலிருந்து வெளியேறும் கார்பன் மோனாக்சைடு, நைட்ரஜன் ஆக்சைடுகள் மற்றும் சல்பர் டை ஆக்சைடு போன்ற நச்சு வாயுக்களின் அளவு 2026 பெப்ரவரி தரவுகளின்படி கணிசமாக அதிகரித்துள்ளது.

இந்த அளவுகள் தற்போதைய அனுமதி மட்டத்திற்குள் (EPL) இருந்தபோதிலும், தரம் குறைந்த நிலக்கரி பயன்பாட்டிற்குப் பின்னர் இந்த நச்சு வெளியேற்றம் அதிகரித்து வருகின்றமை புதிய கேள்விகளை எழுப்பியுள்ளது.

The post புத்தளம் கலப்புப் பகுதியில் வசிக்கும் பெண்களின் தலைமுடியில் அதிக பாதரசம்: ஆய்வில் அதிர்ச்சி appeared first on Oruvan.com.

“அரசர்கள் வேண்டாம்” என்ற தொனிப்பொருளில் முன்னெடுக்கப்படும் இந்த பேரணிகள், அமெரிக்க வரலாற்றில் ஒரே நாளில் நடத்தப்படும் மிகப்பெரிய போராட்டமாக அமையும் என ஏற்பாட்டாளர்கள் கூறுகின்றனர்.

அமெரிக்காவின்  50 மாநிலங்களிலும் 3,200 க்கும் மேற்பட்ட போராட்டங்கள் மற்றும் பேரணிகள் திட்டமிடப்பட்டுள்ளதாகவும் தெரிவிக்கப்பட்டுள்ளது.

மத்திய கிழக்கில் இடம்பெறும் மோதலுக்கு எதிரான பதாகைகளை ஏந்தியவாறும் கோஷங்களை எழுப்பியவாறும்
போராட்டங்கள் முன்னெடுக்கப்பட்டதாக சர்வதேச ஊடகங்கள் செய்தி வெளியிட்டுள்ளன.

இந்நிலையில் இப்சோஸ் (Ipsos) கருத்துக் கணிப்பின்படி, தற்போது டொனால்ட் ட்ரம்பிற்கான ஆதரவு விகிதம் 36% ஆகக் குறைந்துள்ளது.

The post ட்ரம்ப் நிர்வாகத்துக்கு எதிராக அமெரிக்கா முழுவதும் போராட்டம் appeared first on Oruvan.com.

இந்த பாதிப்பு தொடர்பான முதற்கட்ட மதிப்பீட்டின்படி, அதிகப்படியான தாக்கம் மூலப்பொருட்கள் மற்றும் கையிருப்புகளுக்கே ஏற்பட்டுள்ளதாக கணிப்பிடப்பட்டுள்ளது.

அதன் மதிப்பு 10.2 பில்லியன் ரூபா எனவும் வருமான இழப்பு மற்றும் இயந்திர சேதங்களும் கணிசமான அளவில் காணப்படுவதாகவும் கைத்தொழில் அமைச்சு குறிப்பிட்டுள்ளது.

தொழிற்சாலைகள் வெள்ளத்தில் மூழ்கியதால் இயந்திரங்கள் செயலிழந்தமை, உற்பத்தி செயல்முறை தடைபட்டமை மற்றும் விநியோகச் சங்கிலி முறிந்தமை ஆகியன பாரிய பிரச்சினைகளாக அடையாளம் காணப்பட்டுள்ளன.

இதேவேளை, தற்போது அடையாளம் காணப்பட்ட கைத்தொழில்களை மேம்படுத்துவதற்காக கைத்தொழில் அபிவிருத்தி அனுசரணைத் திட்டம் ஒன்றை விரைவில் அறிமுகப்படுத்தவுள்ளதாகவும் கைத்தொழில் அமைச்சு கூறியுள்ளது.

The post டிட்வா சூறாவளி – 33 பில்லியன் ரூபாய் சேதம் appeared first on Oruvan.com.

கொழும்பு ஆர். பிரேமதாச மைதானத்தில் இடம்பெறும் இப்போட்டியில், நாணய சுழற்சியில் வெற்றி பெற்ற இலங்கை அணி முதலில் துடுப்பெடுத்தாடத் தீர்மானித்தது.

இதன்படி முதலில் துடுப்பாடிய இலங்கை அணி நிர்ணயிக்கப்பட்ட 20 ஓவர்களில் 7 விக்கெட்டுக்களை இழந்து 178 ஓட்டங்களை பெற்றுக் கொண்டது.

இலங்கை அணி சார்பில் துடுப்பாட்டத்தில் பெத்தும் நிஸ்ஸங்க 62 ஓட்டங்களையும், பவன் ரத்நாயக்க 44 ஓட்டங்களையும், குஷல் பெரேரா 22 ஓட்டங்களையும், குஷல் மெண்டிஸ் 14 ஓட்டங்களையும் அதிகபட்சமாக பெற்றுக் கொடுத்தனர்.

அதற்கமைய 179 என்ற வெற்றியிலக்கை நோக்கி துடுப்பாடிய சிம்பாப்வே அணி 19.3 ஓவர்களில் 4 விக்கெட்டுக்களை மாத்திரம் இழந்து போட்டியில் வெற்றி பெற்றுள்ளது.

இதேவேளை கடந்த லீக் ஆட்டத்தில் ஜம்வான் அணியான அவுஸ்ரேலியாவை வீழ்த்தி அந்த அணியை டி20 உலகக் கிண்ண தொடரிலிருந்தே சிம்பாவே அணி வெளியேற்றியிருந்தமை உலக கிரிக்கெட் ரசிகர்களுக்கு பெரும் அதிர்ச்சியை கொடுத்திருந்தமையும் சுட்டிக்காட்டத்தக்கது.

The post அவுஸ்ரேலியாவை அடுத்து இலங்கையையும் வீழ்த்தியது சிம்பாப்வே appeared first on Oruvan.com.

இந்தச் சந்திப்பின் போது, இரு நாடுகளுக்கும் இடையிலான இருதரப்பு உறவுகளை மேலும் வலுப்படுத்துதல், எதிர்கால வளர்ச்சி வாய்ப்புகளை ஆராய்தல் மற்றும் சமூக நலத்திட்டங்கள் குறித்து விசேட கவனம் செலுத்தப்பட்டதாக தமது ‘X’ சமூக ஊடகத்தில் எஸ்.ஜெய்சங்கர் குறிப்பிட்டுள்ளார்.

அத்துடன், இலங்கைக்காக இந்தியா எப்போதும் ஒரு நம்பிக்கையான மற்றும் உண்மையான பங்காளியாகத் திகழும் என இந்திய வெளிவிவகார அமைச்சர் எஸ்.ஜெய்சங்கர் இதன்போது டில்வின் சில்வாவிடம் உறுதியளித்துள்ளார்.

The post எஸ்.ஜெய்சங்கர் – டில்வின் சில்வா இடையில் சந்திப்பு ; இலங்கைக்கு தொடர்ந்து உதவுவதாக இந்தியா உறுதி appeared first on Oruvan.com.

ஈழ மக்கள் புரட்சிகர விடுதலை முன்னணியின் அரசியல் குழு நேற்றுமுன்தினம் செவ்வாய்க்கிழமை மெய்நிகர் மூலமாகக் கூடியது. இதில் பேசப்பட்ட விடயங்கள் தொடர்பில் கட்சியின் தலைவர் சுரேஷ் க.பிரேமச்சந்திரன் ஊடக அறிக்கை ஒன்றை வெளியிட்டுள்ளார்.

அதில் குறிப்பிடப்பட்டுள்ளதாது,

“இலங்கை அரசு மாகாண சபைத் தேர்தல் தொடர்பாக நாடாளுமன்றத் தெரிவுக்குழு அமைத்திருப்பதால் மாகாண சபைத் தேர்தல் பல வருடங்கள் தள்ளிப்போகலாம் என்ற கருத்துகள் முன்வைக்கப்பட்டதுடன்,

தேர்தலை மிக விரைவில் நடத்துவதற்கான அழுத்தங்களை ஏனைய கட்சிகளுடன் இணைந்து உருவாக்க வேண்டும் எனவும், மாகாண சபைத் தேர்தலின் அவசியத்தை இராஜதந்திர சமூகத்துக்கு எடுத்துரைக்க வேண்டும் என்றும் முடிவு செய்யப்பட்டது.

ஏற்கனவே இந்த விடயங்கள் தொடர்பாக இந்தியா, நெதர்லாந்து, மற்றும் கனடா தூதுவர்களுக்கு விளக்கம் அளிக்கப்பட்டமை குறித்தும் எடுத்துரைக்கப்பட்டது.

அத்துடன் அரசு கொண்டுவர யோசிக்கும் புதிய அரசியல் யாப்பு தொடர்பாகவும், அந்த யாப்பில் தமிழ் மக்களின் அரசியல் தீர்வு தொடர்பாகவும், அதில் அடங்க வேண்டிய விடயங்கள் குறித்தும் சகல தமிழ்க் கட்சிகளுடனும் கருத்தொற்றுமைகள் ஏற்படுத்தப்பட்டு ஒருமித்த ஒரு தீர்வுத் திட்டத்தை அரசிடம் கையளிக்க வேண்டும் என்றும் தீர்மானிக்கப்பட்டது.

தமிழ் மக்களின் தேசிய இனப்பிரச்சினை தீர்வு தொடர்பாக பல்வேறுபட்ட ஜனாதிபதிகளால் பல்வேறு குழுக்கள் நியமிக்கப்பட்டு பல்வேறு வரைவுகளும் உருவாக்கப்பட்டுள்ளன.

இவற்றை ஆராய்ந்து, தமிழ் மக்கள் ஏற்றுக்கொள்ளக்கூடிய ஒரு வரைவை அனைத்துக் கட்சிகளும் இணைந்து உருவாக்க வேண்டும் என்றும் தீர்மானிக்கப்பட்டது.

கிவுல் ஓயா திட்டத்துக்கு எதிராக நடைபெறவுள்ள போராட்டத்தில் தமிழ்த் தேசியக் கட்சிகளுடன் ஈழ மக்கள் புரட்சிகர விடுதலை முன்னணியும் கலந்துகொள்ள வேண்டும் என்றும் தீர்மானிக்கப்பட்டது.” – என்றுள்ளது.

The post கிவுல்ஓயா திட்டத்துக்கு எதிரான போராட்டத்துக்கு ஈ.பி.ஆர்.எல்.எப். ஆதரவு appeared first on Oruvan.com.

3.5 பாகை செல்சியஸ் வெப்பநிலை இவ்வாறு பதிவாகியுள்ளதாக வளிமண்லவியல் திணைக்களம் அறிவித்துள்ளது.

இதேவேளை, பண்டாரவளையில் 11.5 பாகை செல்சியஸ், பதுளையில் 15.1 மற்றும் கட்டுகஸ்தோட்டையில் 15.9 என வெப்பநிலை பதிவாகியுள்ளது.

அதிகபட்ச வெப்பநிலை முல்லைத்தீவில் 25.3 பாகை செல்சியஸ் ஆகவும்,ஹம்பாந்தோட்டையில் 22 பாகை செல்சியஸ் ஆகவும், கொழும்பில் 22.1 பாகை செல்சியஸ் ஆகவும் பதிவாகியுள்ளதாகவும் வளிமண்லவியல் திணைக்களம் கூறியுள்ளது.

The post நுவரெலியாவில் ஆகக்குறைந்த வெப்பநிலை பதிவு appeared first on Oruvan.com.

செம்மணி மனித புதைகுழியில் இருந்து இதுவரையில் இரண்டு கட்டங்களாக மேற்கொள்ளப்பட்ட அகழ்வு பணிகளின் போது, 240 மனித என்புக்கூட்டு எச்சங்கள் அடையாளம் காணப்பட்டுள்ள நிலையில் 239 என்புக்கூட்டு எச்சங்கள் அகழ்ந்து எடுக்கப்பட்டுள்ளன.

இந்நிலையில் மேலும் எலும்புக்கூடுகள் அப்பகுதிகளில் காணப்படுவதால் மூன்றாம் கட்ட அகழ்வு பணிகளை முன்னெடுக்க வேண்டும் எனவும் , அதற்காக 08 வார கால பகுதி தேவை என சட்ட வைத்திய அதிகாரி மன்றில் விண்ணப்பம் செய்ததற்கு அமைவாக , அதற்கான செலவீன பாதீட்டை மன்றில் சமர்ப்பிக்க உத்தரவிட்டப்பட்டது.

அதன் அடிப்படையில் சட்ட வைத்திய அதிகாரியினால் , மூன்றாம் கட்ட அகழ்வு பணிக்கான பாதீடு தயாரிக்கப்பட்டு , மன்றில் சமர்பிக்கப்பட்டதை அடுத்து , அது அங்கீகரிக்கப்பட்டு , நிதி அமைச்சுக்கு அனுப்பி வைக்கப்பட்டதன் பிரகாரம் , கடந்த ஆண்டு ஒக்டோபர் மாதம் நிதி விடுவிக்கப்பட்டது.

அதனை தொடர்ந்து மூன்றாம் கட்ட அகழ்வாய்வு பணிகளை முன்னெடுக்க ஆயத்தங்களை செய்தவேளை , யாழில் நிலவிய சீரற்ற வானிலைகளால் , புதைகுழிக்குள் வெள்ள நீர் தேங்கி நின்றமையால் , அகழ்வாய்வு பணிகள் தொடர்ந்து முன்னெடுக்க முடியாத நிலைமை காணப்பட்டது.

அந்நிலையில் கடந்த ஆண்டு ஒதுக்கப்பட்ட நிதிகளில் செலவு செய்யப்படாத நிதிகள் திறை சேரிக்கு திரும்பியுள்ளது. அதனால் இவ்வாண்டுக்கு மீண்டும் புதிதாக செலவீன பாதீட்டு அறிக்கை தயாரிக்கப்பட்டு , மன்றினால் அது அங்கீகரிக்கப்பட்டு , மீண்டும் நிதி அமைச்சினால் அந்த நிதி மீள ஒதுக்கப்படும் என தெரிவிக்கப்பட்டது.

இதேவேளை செம்மணி புதைகுழி பகுதிக்குள் தற்போதும் வெள்ளம் தேங்கி நிற்பதனால் , எதிர்வரும் 09ஆம் திகதி நீதிமன்ற நேரடி கண்காணிப்பில் நல்லூர் பிரதேச சபையினால் , வெள்ள நீரை வெளியேற்றும் நடவடிக்கை எடுக்கப்படவுள்ளது.

அன்றைய தினத்திற்கு பின்னரே மூன்றாம் கட்ட அகழ்வு பணிகள் தொடர்பிலான முடிவுகள் எடுக்கப்படும் என நீதிமன்றம் நேற்றைய தினம் திங்கட்கிழமை அறிவித்திருந்தமையும் குறிப்பிடத்தக்கது.

The post செம்மணி மூன்றாம் கட்ட அகழ்வுக்கு ஒதுக்கப்பட்ட நிதி திறைசேரிக்கு திரும்பியது appeared first on Oruvan.com.

2025-2026 காலபோக நெற்ச்செய்கை அறுவடை தற்போது ஆரம்பிக்கப்பட்டுள்ளது.

கிளிநொச்சி மாவட்டத்தின் பாரிய நீர்ப்பாசன குளமாகிய இரணைமடுக்குளம் மற்றும் ஏனைய சிறுகுளங்கள்,மானாவாரி நிலம் செய்கை உள்ளடங்களாக 70000ற்கு மேற்பட்ட ஏக்கர் நிலப்பரப்பில் நெற்ச்செய்கை மேற்கொள்ளப்பட்டிருந்தது.

தற்போது மாவட்டத்தின் சில பகுதிகளில் விளைந்த நெல் வயல்களில் நெல் அறுவடையை விவசாயிகள் ஆரம்பித்துள்ளனர்.

அக்கராஜன்குளம், பெரியகுளம் போன்ற பகுதிகளில் சில வயல் நிலங்களில் நெல் அறுவடையில் விவசாயிகள் ஈடுபடுவதை காணமுடிகிறது. எதிர்பார்த்த விளைச்சல் கிடைக்கவில்லை என விவசாயிகள் தெரிவிக்கின்றனர்.

The post கிளிநொச்சி மாவட்டத்தில் நெல் அறுவடை ஆரம்பம் – எதிர்பார்த்த விளைச்சல் கிடைக்கவில்லை appeared first on Oruvan.com.