அமோனியாவில் இயங்கும் உலகின் முதல் கப்பல்: பயணத்தை சிங்கப்பூரில் இருந்து ஆரம்பிக்கிறது

அவுஸ்திரேலியாவின் சுரங்க தொழிற்துறைசார் நிறுவனமாக Fortescue, கப்பல் இயங்குவதற்கு தேவையான எரிபொருளாக அமோனியாவை பயன்படுத்தியுள்ளது.

உலகின் மிகப்பெரிய நிலக்கீழ் துறைமுகமான (bunkering port) சிங்கப்பூர் துறைமுகத்தில் இருந்து பயணத்தை ஆரம்பிக்கும் கப்பலுக்கு இந்த எரிபொருள் பயன்படுத்தப்பட்டுள்ளது.

Fortescue Green Pioneer எனும் இந்த புதிய கப்பல் சிங்கப்பூர் கடல் மற்றும் துறைமுக அதிகாரசபையுடன் இணைந்து ஏழு வார எரிபொருள் சோதனை நடவடிக்கைக்காக ஜூரோங் தீவிலுள்ள வோபக் பன்யன் முனையத்தில் இருந்து திரவ அமோனியாவை பெற்றுக்கொண்டுள்ளது.

அமோனியா, காற்றில் இருந்து நைட்ரஜனை ஹைட்ரஜனுடன் இணைப்பதன் மூலம் உருவாக்கப்பட்ட ஒரு இரசாயன கலவை. இது பாரம்பரியமாக விவசாயம் மற்றும் தொழில்துறையில் பயன்படுத்தப்படுகிறது.

Fortescue Green Pioneer கப்பல் 2022 ஆம் ஆண்டு மேற்கு அவுஸ்திரேயாவின் பெர்த்திலுள்ள பரிசோதனை நிலையத்தில் அமோனியா மற்றும் டீசலை பயன்படுத்தும் வகையில் மாற்றப்பட்டது.

வெற்றிகரமான நிலா அடிப்படையிலான சோதனைகளின் பின்னர், கப்பலின் நான்கு என்ஜின்களில் இரண்டு கப்பலை இயக்குவதற்கு அமோனியா மற்றும் டீசலைப் பயன்படுத்துவதற்கு மாற்றப்பட்டுள்ளன.

மீதமுள்ள இரண்டு என்ஜின்கள் தேவைப்படும்போது வழக்கமான முறைக்கமைய எரிபொருளைப் பயன்படுத்தும்.

இதன்படி, சிங்கப்பூரில் கப்பலின் செயல்பாடுகளை உறுதி செய்வதற்காக, எரிபொருள் பரிமாற்றம் மற்றும் என்ஜின் சோதனைகளின் போது ஏற்படக்கூடிய அபாயங்களைக் கண்டறிய தொடர்ச்சியான பட்டறைகள் நடத்தப்பட்டுள்ளன.

செயல்பாட்டுத் தயார்நிலையை உறுதி செய்வதற்காக பயிற்சி அமர்வுகள் மற்றும் பாதுகாப்பு பயிற்சிகள் நடத்தப்பட்டுள்ளன.

இந்த நிலையில், அமோனியா மற்றும் டீசலை கடல் எரிபொருளாகப் பயன்படுத்துவதற்காக, டிஎன்வி வகைப்பாடு சங்கத்தின் 'எரிவாயு எரிபொருள் அம்மோனியா' குறிப்பையும், சிங்கப்பூர் கப்பல்கள் பதிவேட்டில் (எஸ்ஆர்எஸ்) கொடி ஒப்புதலையும் இந்த கப்பல் பெற்றுள்ளது.

இதனிடையே, குறித்த கப்பல் முன்னதாக 2023 ஆம் ஆண்டு டிசம்பர் மாதம் ஐக்கிய அரபு இராஜ்யத்தை துபாயில் நடந்த காலநிலை மாற்றம் மற்றும் அதனுடன் தொடர்புடைய கூட்டங்களில் ஐநா கட்டமைப்பு மாநாட்டில் காட்சிப்படுத்தப்பட்டிருந்தது.