தொலைபேசி ஹேக் செய்யப்பட்டுள்ளதை எவ்வாறு அறியலாம்?: அதற்கான வழிகள் இதோ

ஹேக்கிங் ஹேக்கிங் என்று சொல்லப்படுகிறது. ஆனால், உண்மையில் ஒரு கையடக்கத் தொலைபேசி ஹேக் செய்யப்பட்டதற்கான அறிகுறிகள் இவைதான் என பலருக்கும் தெரியாது. ஒரு கையடக்கத் தொலைபேசி ஹேக் செய்யப்பட்டால் பின்வரும் அறிகுறிகள் இருக்கும்.

தொலைபேசி சூடாகுதல் - படம் பார்க்காமல் அல்லது கேம் விளையாடாமலேயே உங்கள் கையடக்கத் தொலைபேசி வழக்கத்துக்கு மாறாக சூடாகும்.

தொலைபேசியின் பேட்டரி குறைதல் - உங்கள் கையடக்கத் தொலைபேசியின் பேட்டரி வேகமாக குறைந்தால் உங்கள் தொலைபேசியிலுள்ள தகவல்களைத் திருடுவதற்கான வேலை அரங்கேறுகிறது என்ற அர்த்தம்.

ஸ்விட்ச் ஒன் - கையடக்கத் தொலைபேசி அடிக்கடி ஸ்விட்ச் ஆப் செய்யப்பட்டால் உங்கள் மொபைலில் ஸ்பைவேர் இருக்கலாம்.

தேவையற்ற அப்கள் - நீங்கள் டவுன்லோட் செய்யாத சில அப்கள் உங்கள் தொலைபேசியில் இருந்தால் உடனே நீக்கிவிடவும். அதுவே உங்கள் தகவல்களை திருடுவதற்கான வழியாக இருக்கலாம்.

கேலரிகள் - உங்கள் கேலரியில் நீங்கள் எடுக்காத அல்லது இதுவரையில் அடையாளம் காணாத புகைப்படங்கள் இருந்தால் அவற்றை சீரியஸாக எடுத்துக்கொள்ளவும். அதை உடனடியாக அழிக்கவும்.