இந்த ஆண்டின் தொடக்கத்தில் ரஷ்ய நீர்மூழ்கிக் கப்பல்கள் சுமார் ஒரு மாதம் பிரித்தானிய கடல் பகுதியில் தங்கியிருந்ததாக அவர் குறிப்பிட்டுள்ளார்.

எவ்வாறாயினும், பிரித்தானிய படைகளும், நோர்வே உள்ளிட்ட அதன் நட்பு நாடுகளும் ரஷ்யக் கப்பல்களின் தீய செயல்பாடுகளைக் கண்காணித்துத் தடுத்ததாகவும் அவர் தெரிவித்துள்ளார்.

இதன்படி, வட அட்லாண்டிக்கில் ஒரு ரஷ்ய அகுலா தாக்குதல் நீர்மூழ்கிக் கப்பலும், இரண்டு கூகி உளவு நீர்மூழ்கிக் கப்பல்களையும் ஒரு மாதத்திற்கும் மேலாகக் கண்காணித்தாக அவர் சுட்டிக்காட்டியுள்ளார்.

டவுனிங் தெருவில் இன்று ஆற்றிய உரையில் அவர் இதனை தெரிவித்துள்ளார்.

எவ்வாறாயினும், இந்த நீர்மூழ்கிக் கப்பல்கள் 24 மணி நேரமும் கண்காணிக்கப்பட்டு வந்ததாகவும், அவை தற்போது இங்கிலாந்து கடல் பகுதியை விட்டு வெளியேறி, வடக்கு நோக்கிச் சென்றுவிட்டதாகவும் அவர் குறிப்பிட்டுள்ளார்.

இந்த கண்காணிப்பு நடவடிக்கைகளில் ஒரு போர்க்கப்பல் மற்றும் விமானம் ஈடுபடுத்தப்பட்டதாக அவர் சுட்டிக்காட்டியுள்ளார்.

முக்கிய உள்கட்டமைப்புகளை கூகி நீர்மூழ்கிக் கப்பல்கள் குறிவைத்த போது, அதனை திசைதிருப்புவதற்காக அகுலா நீர்மூழ்கிக் கப்பல் கருவியாக பயன்படுத்தப்பட்டிருக்கலாம் எனவும் ஹீலி சுட்டிக்காட்டினார்.

எவ்வாறாயினும், பிரித்தானியாவின் கேபிள்கள் மற்றும் குழாய்களுக்கு எவ்வித சேதமும் ஏற்பட்டதற்கான ஆதாரம் இல்லை என்று பாதுகாப்புச் செயலாளர் கூறியுள்ளார்.

கடலுக்கு அடியில் உள்ள கேபிள்கள் மற்றும் குழாய் உட்கட்டமைப்புகளை சேதப்படுத்தும் எந்தவொரு முயற்சியும் பொறுத்துக்கொள்ளப்படாது என்று அவர் வலியுறுத்தியுள்ளார்.

அவ்வாறு நடந்தால் கடுமையான விளைவுகளைச் சந்திக்க நேரிடும் என்பதையும் அறிந்துகொள்ள வேண்டும் என அவர் ரஷ்ய ஜனாதிபதியை சாடியிருந்தார்.

ரஷ்யா பிரித்தானியாவிற்கு அச்சுறுத்தலாகவே இருப்பதாவும், எனினும், எதிர்கால நடவடிக்கைகளை கண்காணித்து, புடின் முன்னெடுக்கும் எந்தவொரு இரகசிய நடவடிக்கைகளையும் வெளிப்படுத்துவோம் என ஜோன் ஹீலி மேலும் தெரிவித்துள்ளார்.

The post பிரித்தானிய எல்லைக்குள் நுழைந்த ரஷ்ய நீர்மூழ்கி கப்பல்கள் – இராணுவத்தை கொண்டு தடுத்த அரசாங்கம் appeared first on Oruvan.com.

இந்தப் பகுதிகளை வலுக்கட்டாயமாக விடுவிப்போம் எனவும் அவ்வாறு இல்லையெனில் உக்ரேனிய துருப்புக்கள் இந்தப் பகுதிகளை விட்டு வெளியேற்றுவோம் எனவும் அவர் வலியுறுத்தியுள்ளார்.

எவ்வாறாயினும், போர் நிறுத்தம் குறித்து அமெரிக்கா முன்வைத்துள்ள சில திட்டங்களுடன்  உடன்படவில்லை எனவும் அவர்  சுட்டிக்காட்டியுள்ளார்.

இந்தியாவுக்கு அரச முறை பயணம் மேற்கொண்டுள்ள விளாடிமிர் புடின்  பயணத்திற்கு முன்னதாக இந்தியா டுடேவுடனான செவ்வியில்  இவ்வாறு தெரிவித்துள்ளார்.

உக்ரைன் மற்றும் ரஷ்யாவுக்கு இடையிலான போர் மூன்று ஆண்டுகளை கடந்துள்ள நிலையில், போரை முடிவுக்கு கொண்டுவரும் முயற்சியில் அமெரிக்கா ஈடுபட்டுள்ளது.

இதற்கான அமைதி ஒப்பந்த திட்டத்தை முன்வைத்துள்ள அமெரிக்கா, பேச்சுவார்த்தையில் ஈடுபடுவதற்காக சிறப்பு தூதுவர் அடங்கிய குழுவொன்றையும் நியமித்துள்ளது.

இந்நிலையில், கடந்த செவ்வாய்க்கிழமை சிறப்பு தூதுவர் இடம்பெற்றுள்ள அமெரிக்க குழு ரஷ்ய தரப்புடன் மொஸ்கோவில் சந்தித்துப் பேசியிருந்தது.

இந்த பேச்சுவார்த்தையின் பின்னர்,  ரஷ்ய ஜனாதிபதி “போரை முடிவுக்குக் கொண்டுவர விரும்புவார்” என்று நம்புவதாக அமெரிக்க ஜனாதிபதி டொனால்ட் டிரம்ப் தெரிவித்திருந்தார்.

இவ்வாறான நிலையிலேயே, கிழக்கு டான்பாஸ் பகுதியில் இருந்து உக்ரைன் துருப்புக்கள் உடனடியாக வெளியேற வேண்டும் என ரஷ்ய ஜனாதிபதி விளாடிமிர் புடின் எச்சரிக்கை விடுத்துள்ளார் என்பதும் குறிப்பிடத்தக்கது.

The post உக்ரைன் துருப்புக்கள் உடனடியாக வெளியேற வேண்டும் – புடின் எச்சரிக்கை appeared first on Oruvan.com.

இரண்டு நாள் அரச பயணமாக புடின் இந்தியா வந்துள்ள நிலையில், இரு நாட்டு அரச தலைவர்களும் இன்று சந்தித்துப் பேசவுள்ளனர்.

டெல்​லி​யில் உள்ள ஹைத​ரா​பாத் இல்​லத்​தில் இந்த சந்திப்பு இடம்பெறவுள்ளது. புடின் மற்றும் இந்திய பிரதமர் நரேந்திர மோடி இருவரும் இந்த சந்திப்பில் கலந்துகொள்ளவுள்ளனர்.

இதன்போது, பாது​காப்​பு, அணு சக்தி, தொழில்​நுட்​பம், வர்த்​தகம், விண்​வெளி உள்​ளிட்ட துறை​கள் தொடர்​பாக இரு நாடு​கள் இடையே 25 உடன்படிகைகள் கையெழுத்தாகும் என எதிர்ப்பார்க்கப்படுகின்றது.

குறிப்பாக, ரஷ்​யா​வின் ஐந்​தாம் தலை​முறை போர் விமான​மான சுகோய் எஸ்​யு57 போர் விமானங்​களை வாங்​கு​வது தொடர்​பாக இந்​தி​யா, ரஷ்யா இடையே ஒப்​பந்​தம் கையெழுத்​தாகும் என்று எதிர்​பார்க்​கப்​படு​கிறது.

இதனிடையே, இந்​திய, ரஷ்ய உச்சி மாநாட்டின் ஒரு பகு​தி​யாக இரு நாடு​களின் தொழில​திபர்​கள் பங்கேற்​கும் கூட்​டம் டில்லி பாரத் மண்​டபத்தில் இன்று பிற்பகலில் நடை​பெறவுள்ளது.

இதில் பிரதமர் நரேந்​திர மோடி​யும், ரஷ்ய ஜனாதிபதி விளாடிமிர் புடினும் கலந்துகொண்டு உரை​யாற்ற உள்​ளனர்.

இதில் இரு நாடு​களை சேர்ந்த 150க்​கும் மேற்​பட்ட தொழிலதிபர்கள் பங்​கேற்க உள்​ளனர்.

முன்னதாக நேற்று மாலை இந்தியாவுக்கு வந்த ஜனாதிபதி புடினை, பிரதமர் நரேந்​திர மோடி விமான நிலை​யத்​திற்கு நேரில் சென்று வரவேற்​றிருந்தார்.

மேலும், பிரதமர் மோடி சார்பில் புடினுக்கு சிறப்பு விருந்தும் வழங்கப்பட்டிருந்தமை குறிப்பிடத்தக்கது.

The post இந்தியா மற்றும் ரஷ்யாவுக்கு இடையில் இன்று 25 புரிந்துணர்வு உடன்படிகை appeared first on Oruvan.com.

இந்த துயரச் சம்பவம் குறித்து ஜனாதிபதி புடின், தனது செய்தியில் ஆழ்ந்த வருத்தத்தைத் தெரிவித்துக் கொண்டதோடு, பாதிக்கப்பட்ட குடும்பங்களுக்கு ஆதரவையும் தெரிவித்தார்.

“இலங்கையை தாக்கிய வெள்ளம் மற்றும் நிலச்சரிவுகளால் ஏற்பட்ட ஏராளமான மனித உயிரிழப்புகள் மற்றும் விரிவான அழிவுகளுக்கு எனது உண்மையான அனுதாகபங்களை ஏற்றுக்கொள்ளுங்கள்.

உயிரிழந்தவர்களின் குடும்பங்கள் மற்றும் அன்புக்குரியவர்களுக்கு அனுதாபத்தையும் ஆதரவையும் தெரிவித்துக்கொள்கின்றேன்.

அதே போல் காயமடைந்த அனைவரும் விரைவாக குணமடைய வாழ்த்துக்களைத் தெரிவித்துக் கொள்கிறேன்” என்று ரஷ்ய ஜனாதிபதி புடின் தனது கடிதத்தில் தெரிவித்துள்ளார்.

The post பேரிடரால் பாதிக்கப்பட்டுள்ள இலங்கைக்கு ரஷ்ய ஜனாதிபதி ஆதரவு appeared first on Oruvan.com.

கடந்த ஒக்டோபர் மாதம் ஹங்கேரியில், உக்ரெயன் ரசிய போர் நிறுத்தம் தொடர்பான பேச்சுவார்தை ஒன்று நடைபெற இருந்தது. பின்னர் அதனை ட்ரம்ப்  ரத்து செய்தார்.

அதற்கு ஒரு நாள் கழித்து இரண்டு பெரிய ரசிய எண்ணெய் நிறுவனங்கள் மீது தடைகளை விதித்தார். தற்போது அணு ஆயுதப் பரிசோனைக்கு தயாராகுமாறு அமெரிக்க பாதுகாப்பு அதிகாரிகளுக்கு  உத்தரவிட்டுள்ளார்.

இது பெரும் சர்ச்சையை ஏற்படுத்தியுள்ளது

2000 ஆம் ஆண்டில் இருந்து 2025 ஆம் ஆண்டு வரை அதாவது, 21ஆம் நூற்றாண்டின் ஆரம்பத்தில், வட கொரியா தவிர எந்த நாடும் அணு ஆயுத பரிசோதனைகளை மேற்கொள்ளவில்லை.

வடகொரிய அணு ஆயுதப் பரிசோதனைகளை மேற்கொண்டபோது அமெரிக்கா கண்டித்திருந்தது. இதனால் பெரும் சர்சைகள் ஏற்பட்டிருந்தன.

இப் பின்புலத்தில் அமெரிக்க ஜனாதிபதியாக டொனால்ட் ட்ரம்ப் பதவியேற்ற நாள் முதல் வரி அறவீட்டு முறையில் எழுந்து பொருளாதார போர், ஐரோப்பிய – மேற்கு நாடுகள் மத்தியில் பெரும் விரிசலை ஏற்படுத்தியிருந்தன.

இப் பின்னணியில் அணு ஆயுத சோதனையை ஆரம்பிக்குமாறு டொனால்ட் ட்ரம் அமெரிக்க பாதுகாப்பு உயர் அதிகாரிகளுக்கு உத்தரவிட்டுள்ளமை மேற்கு மற்றும் ஐரோப்பிய நாடுகள் மத்தியில் குழப்பத்தையும் அச்சத்தையும் ஏற்படுத்தியுள்ளன.

ட்ரம்பின் இந்த உத்தரவையடுத்து ரசிய பாதுகாப்பு அமைச்சர் ஆண்ட்ரெய் பெலோசோவ், “முழுமையான அணு சோதனைகளுக்குத் தயாராகுவது அவசியம்” என அறிவித்துள்ளார்.

இதனால் புவிசார் அரசியல் – இராணுவ சமநிலைப் போட்டிகள் ஆரம்பித்துள்ளன என்று கூறலாம்.

1991-ஆம் ஆண்டு சோவியத் ஒன்றியம் இருந்து காலத்தில் நிறுத்தப்பட்டிருந்த அணு ஆயுத சோதனையை மீண்டும் ஆரம்பிக்கும் சூழல் உருவாகியுள்ளது.

ரசிய ஜனாதிபதி விளாடிமிர் புடின் இந்த உத்தரைவை பிறப்பித்துள்ளார் என்றும் அதன் பிரகாரமே  ரசிய பாதுகாப்பு அமைச்சர் ஆண்ட்ரெய் பெலோசோவ் அணு ஆயுதப் பரிசோதனை பற்றிய அறிவிப்பை வெளியி்டுள்ளார் எனவும் ரசிய ஊடகங்கள் கூறுகின்றன.

ரசியாவின் நொவாயயா சிமிலியா (Novaya Zemlya) மாநிலத்தில் உள்ள ஆர்க்டிக் சோதனை மையம், மிகக் குறுகிய காலத்தில் சோதனைகளை நடத்த தயாராகும் என எதிர்பார்க்கப்படுகின்றது.

அணு ஆயுத பரிசோதனை ஆரம்பிக்கப்பட முன்னர் தேவையான தகவல்களை சேகரித்து, ரசிய பாதுகாப்பு சபை பரிசீலித்து, பொருத்தமான பரிந்துரைகளை வழங்க வேண்டும் என பாதுகாப்பு அமைச்சர் ஆண்ட்ரெய் பெலோசோவ்  உத்தரவிட்டுள்ளார்.

அதேநேரம் ரசியாவின் நட்பு நாடான சீனா இந்த விவகாரத்தில் அமைமதியாக உள்ளது. ரசியா அணு ஆயுத பரிசோதனைகளை ஆரம்பித்தால், சீனா அதற்கு ஒத்தழைப்பு வழங்கக் கூடிய வாய்ப்பு உண்டு.

அரசியல் – பொருளாதார மற்றும் இராணுவ ரீதியான உறவுகள் – பரிமாற்றங்களில் சீன- ரசிய உறவு பலமடைந்து வரும் நிலையில், அணு ஆயுதப் பரிசோனை விவகாரம் இந்தோ – பசுபிக் பிராந்தியத்தில் பதற்றத்தை ஏற்படுத்தலாம்.

அதேநேரம் அமெரிக்கா – ரசிய நாடுகளுடன் சமாந்தரமாக உறவை பேணி வரும் இந்தியா இந்த விவகாரத்தில் தொடர்ந்து இரட்டை நிலைப்பாட்டை பேணுமா என்ற கேள்விகள் எழுகின்றன.

சர்வதேச இராஜதந்திர உறவு முறையில் அணிசேராக் கொள்கை என்ற நிலைப்பாட்டை இந்தியா தொடர்ந்தும் பின்பற்றுவதை அமெரிக்கா அனுமதிக்குமா என்பதும் கேள்வியே.

ஏனெனில் இந்தோ – பசுபிக் பிராந்திய விவகாரத்தில் சீனாவுக்கு எதிரான இராணுவ அணுகுமுறைகளில் இந்தியாவின் ஒத்துழைப்பு அமெரிக்காவுக்கு அவசியம் தேவைப்படுகின்றது.

அதேபோன்று, அமெரிக்க ஒத்துழைப்பு இல்லாமல் இந்தோ – பசுபிக் விவகாரத்தை இந்தியா கையாள்வதும் கடினமானது.

ஆகவே அமெரிக்க – ரசிய நாடுகளின் ஆணு ஆயுதப் பரிசோதனைகள் இந்திய இராஜதந்திரத்துக்கு ஒரு பரீட்சையாகவே இருக்கும் என்று பொருள் கொள்ள முடியும்.

The post அமெரிக்க – ரசிய அணு ஆயுத பரிசோதனை விவகாரமும் இந்திய நிலைப்பாடும் appeared first on Oruvan.com.

ஐ.நா. பொதுச் சபையின் போது டிரம்புடனான சந்திப்பிற்குப் பின்னர் ஜெலென்ஸ்கியின் கருத்துக்கள் வந்துள்ளன. உக்ரைனில் போர் முடிவடையும் வரை புடின் காத்திருக்க மாட்டார். அதற்கு முன்னதாக அவர் மற்றொரு ஐரோப்பிய நாட்டைத் தாக்குவார்.

புடின் எந்த நாட்டைத் தாக்குவார் என்று சொல்ல முடியாது. இருப்பினும், புடின் தாக்க விரும்புகிறார் என்று உக்ரைன் ஜனாதிபதி ஜெலென்ஸ்கி தெரிவித்துள்ளார்.

ஐரோப்பாவின் வான்வழித் தாக்குதல்களைத் தடுக்கும் திறன் எவ்வளவு என்பதை புடினும் ரஷ்யாவும் தொடர்ந்து சோதித்து வருவதாகவும் ஜெலென்ஸ்கி தெளிவுபடுத்தினார்.

டென்மார்க், போலந்து மற்றும் ருமேனியா போன்ற நாடுகளில் ரஷ்ய ட்ரோன்கள் தோன்றுவது இதன் ஒரு பகுதியாகும் என்று ஜெலென்ஸ்கி சுட்டிக்காட்டியுள்ளார்.

போலந்தை குறிவைத்து 92 ட்ரோன்கள் பறக்கவிடப்பட்டதாக ஜெலென்ஸ்கி கூறினார். அவற்றில் பெரும்பாலானவை இடைமறிக்கப்பட்டன.

எஸ்தோனியாவில் ரஷ்ய போர் விமானங்களின் வருகையும் விமான அமைப்பின் திறன்களை சோதிக்கும் நடவடிக்கையின் ஒரு பகுதியாகும் என்று ஜெலென்ஸ்கி கூறினார்.

ரஷ்ய ஆக்கிரமிப்பை எதிர்கொள்ள ஒரு குறிப்பிட்ட வான் பாதுகாப்பு அமைப்பு விரைவில் யதார்த்தமாக மாற வேண்டும் என்று உக்ரைன் ஜனாதிபதி விளாடிமிர் ஜெலென்ஸ்கி தெரிவித்துள்ளார்.

ரஷ்ய ஆக்கிரமிப்பு குறித்து சர்வதேச அளவில் விமர்சனங்கள் எழுந்துள்ள நிலையில், ஜெலென்ஸ்கியின் அறிவிப்பு வெளியாகியுள்ளது. கடந்த வாரமும் ரஷ்யா உக்ரைனில் குண்டுவீச்சுத் தாக்குதல்களை நடத்தியது.

மக்கள் தொகை மிகுந்த சபோரிஷியா நகரில் இந்த தாக்குதல் நடந்தது. இந்த சம்பவத்தில் இரண்டு குழந்தைகள் உட்பட 13 பேர் காயமடைந்தனர்.

இரண்டு வாரங்களில் ரஷ்யா உக்ரைனில் 3,500 ட்ரோன்கள் மற்றும் 200 ஏவுகணைகளைப் பயன்படுத்தியதாக ஜெலென்ஸ்கி தெரிவித்துள்ளார்.

The post ஐரோப்பிய நாட்டைத் தாக்க தயாராகும் புடின் – ஜெலென்ஸ்கி எச்சரிக்கிறார் appeared first on Oruvan.com.

அந்நாட்டு ஊடகம் ஒன்றுக்கு அளித்த செவ்வியில் அவர் இதனை குறிப்பிட்டுள்ளார்.

உக்ரைனின் பாதுகாப்பை வலுப்படுத்த ஐரோப்பிய நாடுகள் துருப்புக்களை வழங்க தயாராக இருப்பதாகவும், எனினும், அமெரிக்கா “வான்வழியாக” ஆதரவை வழங்க முடியும் என்றும் டிரம்ப் தெரிவித்துள்ளார்.

“நாங்கள் அவர்களுக்கு உதவ தயாராக இருக்கிறோம், குறிப்பாக விமானம் மூலம், ஏனென்றால் எங்களிடம் உள்ளதைப் போன்ற பொருட்களை யாரும் வைத்திருக்க மாட்டார்கள்,” என்று டிரம்ப் சுட்டிக்காட்டியுள்ளார்.

மூன்றரை ஆண்டுகளுக்கும் மேலாக நீடித்துள்ள உக்ரைன் – ரஷ்ய போரை முடிவுக்கு கொண்டுவர் அமெரிக்க ஜனாதிபதி தீவிர நடவடிக்கைகளை எடுத்துள்ளார்.

இதன் ஒரு பகுதியாக ரஷ்ய ஜனாதிபதி புடினை அலஸ்காவில் சந்தித்துத்துப் பேசிய டிரம்ப், கடந்த திங்கட்கிழமை உக்ரைன் ஜனாதிபதி மற்றும் ஐரோப்பிய நாடுகளின் தலைவர்களை வெள்ளை மாளிகைக்கு அழைத்து பேசியிருந்தார்.

திங்கட்கிழமை நடந்த சந்திப்பை நேர்மறையாகவும், பயனுள்ளதாகவும் உக்ரைன் ஜனாதிபதி ஜெலென்ஸ்கியும் ஐரோப்பியத் தலைவர்களும் சித்தரித்தாலும், போருக்குப் பிந்தைய உக்ரைனின் பாதுகாப்பை எவ்வாறு உறுதி செய்வது என்ற கேள்வி போரை முடிவுக்குக் கொண்டுவருவதற்கான பேச்சுவார்த்தைகளில் ஒரு முக்கிய சிக்கலாக உள்ளது.

உக்ரைனில் சமாதான ஒப்பந்தத்தை நிலைநிறுத்த மேற்கத்திய துருப்புக்களை அனுப்புவதற்கு ரஷ்ய ஜனாதிபதி விளாடிமிர் புடின் உடன்படலாம் என்று டிரம்ப் பரிந்துரைத்திருந்தாலும், மொஸ்கோ அந்த யோசனையை பலமுறை நிராகரித்துள்ளது.

ரஷ்யாவும் உக்ரைனும் பிராந்திய சலுகைகள் மற்றும் விரிவான சமாதான ஒப்பந்தத்திற்கு முன்னதாக போர்நிறுத்தத்தை செயல்படுத்துவதில் தொலைவில் இருப்பதாகத் தெரிகிறது.

இந்நிலையில், புடினுக்கும் ஜெலென்ஸ்கிக்கும் இடையிலான இருதரப்பு சந்திப்புக்கான தனது திட்டங்களை டிரம்ப் விரிவாக தெரிவித்துள்ளார்.

புடினை சந்திக்கத் தயாராக இருப்பதாக ஜெலென்ஸ்கி கூறியிருந்தாலும், ரஷ்ய ஜனாதிபதி இந்த சந்திப்பில் கலந்து கொள்வாரா என்பதை மொஸ்கோ உறுதிப்படுத்தவில்லை.

இந்நிலையில், புடின் மற்றும் ஜெலென்ஸ்கி ஆகியோருக்கு இடையிலான சந்திப்பை நடத்த தயாராக இருப்பதாக சுவிட்ஸர்லாந்து நேற்று செவ்வாய்க்கிழமை தெரிவித்துள்ளமை குறிப்பிடத்தக்கது.

The post உக்ரைனுக்கு அமெரிக்க துருப்புகள் அனுப்பப்படமாட்டார்கள் – டிரம்ப் அறிவிப்பு appeared first on Oruvan.com.

மூன்று வருட போரை முடிவுக்குக் கொண்டுவருவதற்கான முன்நிபந்தனையாக, உக்ரைனின் டொனெட்ஸ்க் மற்றும் லுஹான்ஸ்க் பகுதிகளை முழுமையாக தங்களது கட்டுப்பாட்டுக்குள் விடுவிக்க வேண்டும் என ரஷ்ய ஜனாதிபதி புடின் கேட்டுக்ளதாக கூறப்படுகின்றது.

அமெரிக்க ஜனாதிபதி டிரம்புடன் மூடிய கதவுகளுக்குள் நடந்த அலாஸ்கா சந்திப்பு குறித்து நன்கு அறிந்தவர்கள் இந்த தகவலை வெளியிட்டுள்ளதாக பைனான்சியல் டைம்ஸ் செய்தி வெளியிட்டுள்ளது.

அந்த அறிக்கையின்படி, மோதலின் மூல காரணங்களை நிவர்த்தி செய்வதற்கான தனது முக்கிய கோரிக்கைகள் என்று அவர் குறிப்பிட்டவறில் சமரசம் செய்யப் போவதில்லை என்று புடின் விளக்கமளித்துள்ளார்.

அதற்கு ஈடாக, ரஷ்யப் படைகள் ஆக்கிரமித்திருக்கும் பகுதிகளான கெர்சன் மற்றும் சபோரிஜியாவின் தெற்குப் பகுதிகளில் சண்டையை நிறுத்தவும், கூடுதல் பிரதேசங்களைக் கைப்பற்ற மேலும் தாக்குதல்களை நடத்தமாட்டோம் என்றும் உறுதியளித்தார்.

தொடர்ந்து புடினின் நிலைப்பாடு தொடர்பான தகவலை திங்கட்கிழமை வாஷிங்டனிற்கு வரவுள்ள உக்ரைன் ஜனாதிபதி ஜெலன்ஸ்கிக்கு அமெரிக்க ஜனாதிபதி ட்ரம்ப் எடுத்துரைத்துள்ளார்.

ஆனால், அதற்கு ஜெலன்ஸ்கி திட்டவட்டமாக மறுப்பு தெரிவித்துள்ளதாக ரொய்டர்ஸ் செய்தி வெளியிட்டுள்ளது.

மற்றொரு தகவலின்படி, நேடோ அல்லாத ஆர்டிகள் ஐந்து பாதுகாப்பை உக்ரைனுக்கு வழங்கவது குறித்து ட்ரம்ப் பரிந்துரைத்துள்ளார். இது நேட்டோவின் முறையான உறுப்பினர் பதவியை வழங்காமல் கூட்டுப் பாதுகாப்பிற்கான உறுதிமொழியாகும்.

இதுதொடர்பான ட்ரம்பின் பரிந்துரைக்கு அலாஸ்கா சந்திப்பின்போது புடினும் தற்காலிகமாக சம்மதம் தெரிவித்ததாக கூறப்படுகிறது.

தற்காலிக போர் நிறுத்தத்திற்கு பதிலாக அமைதி உடன்படிக்கைக்கு டிரம்ப் அழைப்பு விடுத்து வந்தாலும், முத்தரப்பு உச்சி மாநாடு நடைபெறவில்லை என்றால் மொஸ்கோ மீது வலுவான தடைகளை விதிக்கக் கோரி ஜெலென்ஸ்கி வலியுறுத்தி வருகிறார்.

அதன்படி, “ட்ரம்புடனான எனது உரையாடலில், முத்தரப்பு சந்திப்பு இல்லாவிட்டால் அல்லது ரஷ்யா போருக்கு நேர்மையான முடிவைத் தவிர்க்க முயன்றால் தடைகள் வலுப்படுத்தப்பட வேண்டும் என்று நான் கூறினேன்.

ஐரோப்பா மற்றும் அமெரிக்கா இரண்டின் ஈடுபாட்டுடன், பாதுகாப்பு நம்பகமானதாகவும் நீண்ட கால ரீதியாகவும் உறுதி செய்யப்பட வேண்டும்.
உக்ரைனுக்கு முக்கியமான அனைத்து பிரச்சினைகளும் உக்ரைனின் பங்கேற்புடன் விவாதிக்கப்பட வேண்டும், மேலும் எந்தப் பிரச்சினையும், குறிப்பாக பிராந்திய பிரச்சினைகளை, உக்ரைன் இல்லாமல் முடிவு செய்ய முடியாது” என வலியுறுத்தியுள்ளார்.

தொடர்ச்சியான ராஜதந்திர முயற்சிகளின் ஒரு பகுதியாக, பிரிட்டன், பிரான்ஸ் மற்றும் ஜெர்மனி ஆகியவை ஞாயிற்றுக்கிழமை உக்ரைனின் நட்பு நாடுகளுடன் ஒரு வீடியோ காலை கூட்டி, ஜெலென்ஸ்கியின் வாஷிங்டன் வருகைக்கு முன்னதாக உத்திகளை வகுக்க உள்ளன.

அலாஸ்கா பேச்சுவார்த்தைகள் போர்நிறுத்தத்தை உருவாக்கத் தவறியதைத் தொடர்ந்து, ஜெலென்ஸ்கி, புடின் மற்றும் ட்ரம்ப் பங்கேற்கும் உச்சிமாநாட்டை மூன்று ஐரோப்பிய நாடுகளும் வலியுறுத்துகின்றன.

போரை முடிவுக்குக் கொண்டுவருவதற்கான சூழலை சர்வதேச அழுத்தம் உருவாக்கி வந்தாலும், பிராந்தியப் பிரச்சினைகளில் கீவ் மற்றும் மொஸ்கோ இன்னும் ஒற்றை நிலைப்பாட்டை எட்டாதது பலவீனமான முன்னேறத்தை காட்டுகிறது.

The post முக்கிய பகுதிகளை கேட்கும் புடின்… தர மறுக்கும் ஜெலன்ஸ்கி!! appeared first on Oruvan.com.

நாளை வெள்ளிக்கிழமை அலாஸ்காவில் அமெரிக்க ஜனாதிபதி டொனால்ட் டிரம்ப் மற்றும் ரஷ்ய ஜனாதிபதி விளாடிமிர் புடின் இடையேயான சந்திப்பின் முடிவைப் பொறுத்து இந்த முடிவு இருக்கும் என்று அமெரிக்க திறைசேரி செயலாளர் ஸ்காட் பெசன்ட் கூறினார்.

“ரஷ்யாவிலிருந்து கச்சா எண்ணெய் வாங்கும் இந்தியா மீது இரண்டாம் நிலை வரிகளை விதித்துள்ளோம்.

விஷயங்கள் சரியாக நடக்கவில்லை என்றால், பொருளாதாரத் தடைகள் அல்லது இரண்டாம் நிலை வரிகள் அதிகரிக்கக்கூடும்” என்று பெசன்ட் ப்ளூம்பெர்க்கிடம் தெரிவித்துள்ளார்.

இந்த மாத தொடக்கத்தில், ரஷ்யாவிலிருந்து எண்ணெய் மற்றும் ஆயுதங்களை வாங்குவதற்காக இந்தியா மீது கூடுதலாக 25 வீத வரியை டிரம்ப் விதித்தார்.

ரஷ்யாவிற்கும் உக்ரைனுக்கும் இடையிலான மோதலை முடிவுக்குக் கொண்டுவர அமெரிக்கா மத்தியஸ்தம் செய்ய முயற்சிக்கிறது, மேலும் ரஷ்யா அமைதி ஒப்பந்தத்திற்கு ஒப்புக் கொள்ளாவிட்டால் “கடுமையான விளைவுகள்” ஏற்படும் என்று டிரம்ப் எச்சரித்துள்ளார்.

உக்ரைன் போருக்குப் பிறகு ரஷ்ய கச்சா எண்ணெய் இறக்குமதி அதிகரிப்பு இந்தியா-அமெரிக்க உறவுகளை சீர்குலைத்து, அமெரிக்கா உடனான தற்போதைய வர்த்தக பேச்சுவார்த்தைகளை சீர்குலைத்துள்ளது.

இந்தியாவின் எண்ணெய் இறக்குமதியில் ரஷ்ய எண்ணெயின் பங்கு 2021 இல் வெறும் மூன்று வீதத்தில் இருந்து 2024 இல் 35 வீதம் முதல் 40 வீதம் வரை அதிகரிக்கும் என்று எதிர்பார்க்கப்படுகிறது.

எரிபொருள் விலைவாசி உயர்வு இந்தியர்களுக்கு சுமையாக இருக்கக்கூடாது என்பதற்காக, மலிவான கச்சா எண்ணெயை வாங்குவது அவசியம் என்று கூறி, இந்தியா தனது ரஷ்ய எண்ணெய் இறக்குமதியை நியாயப்படுத்தியது.

இந்நிலையில், இந்தியா மீதான டிரம்பின் புதிய 50 வீத வரி ஓகஸ்ட் 27 முதல் நடைமுறைக்கு வர உள்ளது, இது இரு நாடுகளுக்கும் இடையிலான வர்த்தகத்திற்கு தடை விதிப்பதைப் போன்றது என்று சில நிபுணர்கள் கூறுகின்றனர்.

அமெரிக்காவின் இந்த நடவடிக்கை இந்தியாவை ஆசியாவில் அதிக வரி விதிக்கப்படும் அமெரிக்க வர்த்தக பங்காளியாக மாற்றியுள்ளது.

மேலும், ஆடைமற்றும் நகைகள் போன்ற ஏற்றுமதி சார்ந்த தொழில்களை கடுமையாக பாதிக்கும் என்று எதிர்பார்க்கப்படுகிறது, மேலும் இந்தியாவின் வளர்ச்சி விகிதத்தை அரை சதவீத புள்ளி வரை குறைக்கலாம் எனவும் கணிக்கப்பட்டுள்ளது.

The post இந்தியா மீது அமெரிக்கா மேலும் அதிக வரிகளை விதிக்கும் – டிரம்ப் நிர்வாகம் முடிவு appeared first on Oruvan.com.

ரஷ்யா – உக்ரைன் இடையே மூன்றரை ஆண்டுகளுக்கும் மேலாக போர் நீடித்துள்ள நிலையில், போர்நிறுத்தத்திற்கு அமெரிக்க ஜனாதிபதி டிரம்ப் மேற்கொண்ட முயற்சிகள் தோல்வியில் முடிந்தன.

இதனால், ஆத்திரமடைந்த டிரம்ப், ரஷ்யாவுடன் வர்த்தகம் செய்யும் நாடுகளுக்கு கடுமையான வரிவிதிப்பை அறிவித்தார்.

ரஷ்யாவிடம் இருந்து கச்சா எண்ணெய் மற்றும் ஆயுதங்கள் வாங்கும் இந்தியாவுக்கு 25 சதவீத வரி விதித்தபோதும், ரஷ்யாவிடம் இருந்து இறக்குமதி செய்யும் முடிவில் இருந்து இந்தியா பின்வாங்கவில்லை.

இதையடுத்து, குறிப்பிட்ட இந்திய பொருட்களுக்கு இனிமேல் 50 சதவீத வரி விதிக்கப்படும் என அமெரிக்க டொனால்ட் டிரம்ப் அறிவித்துள்ளார். இதனால், இந்தியா – அமெரிக்கா இடையேயான வர்த்தக உறவு கடுமையாக பாதிக்கப்பட்டுள்ளது.

இந்த சூழலில், விளாடிமிர் புடின் இந்த மாத இறுதியில் இந்தியா வரவுள்ளதாக அறிவிக்கப்பட்டுள்ளது. இதன்போது, பிரதமர் மோடியை சந்தித்து ஆலோசனை நடத்தவுள்ளதாகவும் தெரிவிக்கப்பட்டுள்ளது.

இதேபோல், இந்த மாத இறுதியில் சீனாவில் நடைபெற இருக்கும் ஷாங்காய் ஒத்துழைப்பு அமைப்பு உச்சிமாநாட்டில் பங்கேற்க இந்திய பிரதமர் நரேந்திர மோடி சீனா செல்ல இருப்பதாகவும் தகவல் வெளியாகியுள்ளது.

பிரதமர் நரேந்திர மோடியின் சீன பயணம் உறுதி செய்யப்பட்டால், 2019க்கு பிறகு ஐந்து ஆண்டுகள் கழித்து பிரதமர் நரேந்திர மோடி சீனாவுக்கு மேற்கொள்ளும் பயணமாக இது இருக்கும் என்பது நினைவுகூரத்தக்கது.

The post அச்சுறுத்தும் அமெரிக்கா – இந்தியா வருகின்றார் புடின் appeared first on Oruvan.com.