பனிப் பொழிவு மற்றும் மழை காரணமாக வெப்பநிலை குறையக் கூடும் என வானிலை அலுவலகம் சுட்டிக்காட்டியுள்ளது.

குளிர்கால வானிலை காரணமாக விமானங்கள் ரத்து செய்யப்பட்டதுட்ன, ரயில் போக்குவரத்தும் தடைப்பட்டுள்ளது.

மேலும், பாடசாலைகள் மூடப்பட்டுள்ள நிலையில், இன்று புதிய குளிர் வானிலை எச்சரிக்கைகள் வெளியிடப்பட்டுள்ளன.

திங்கட்கிழமை கும்ப்ரியாவில் உள்ள ஷாப்பில் வெப்பநிலை மைனஸ் 10.9 செல்சியல் ஆகக் குறைந்துள்ளது.

அதே நேரத்தில் ஸ்காட்லாந்தின் பான்ஃப்ஷையரில் வானிலை அலுவலகத்தால் 52 சென்றி மீட்டர் பனிப்பொழிவு பதிவாகியுள்ளது.

செவ்வாய்க்கிழமை வரை, பனிப்பொழிவு உள்ள பகுதிகளில் குறைந்தபட்ச வெப்பநிலை மைனஸ் 12 செல்சியஸாக குறையக்கூடும் என்று வானிலை முன்னறிவிப்பாளர்கள் எச்சரித்தனர்.

மழை, பனிப்பொழிவு ஆகியவற்றின் கலவையானது ஸ்காட்லாந்து மற்றும் வடக்கு அயர்லாந்து முழுவதும் தென்கிழக்கு நோக்கி நகரும் என்றும், பின்னர் வேல்ஸ் மற்றும் இங்கிலாந்தின் சில பகுதிகளுக்கு நகரும் என்றும் கணிக்கப்பட்டுள்ளது.

இன்று காலை மத்திய மற்றும் வடக்கு ஸ்காட்லாந்தில் பனிப்பொழிவு ஏற்படக்கூடும் எனவும் இது மாலை வரை நீடிக்கும் எனவும் கணிக்கப்பட்டுள்ளது.

ஸ்காட்லாந்து, வடக்கு அயர்லாந்து மற்றும் வடக்கு இங்கிலாந்து முழுவதும் பனி பொழிவுக்கான மஞ்சள் எச்சரிக்கை விடுக்கப்பட்டுள்ளது.

இங்கிலாந்தின் கிழக்கு மற்றும் வேல்ஸின் மேற்கிலும், டெவோன் மற்றும் கார்ன்வாலிலும் கூடுதல் எச்சரிக்கைகள் விடுக்கப்பட்டுள்ளன.

இங்கிலாந்தின் அனைத்துப் பகுதிகளுக்குமான ஆம்பர் குளிர் வானிலை சுகாதார எச்சரிக்கைகள் வெள்ளிக்கிழமை வரை நடைமுறையில் இருக்கும் என்று வானிலை அலுவலகம் மேலும் தெரிவித்துள்ளது.

The post பிரித்தானியா முழுவதும் வெப்பநிலை மைனஸ் 12 செல்சியல் வரை குறையக் கூடும் – வானிலை அலுவலகம் எச்சரிக்கை appeared first on Oruvan.com.

2026 ஆம் ஆண்டுக்கான குளிர்கால தொடக்கத்தை மக்கள் எதிர்கொண்டுள்ளதால், ஏனைய பகுதிகளில் மஞ்சள் எச்சரிக்கைகள் நடைமுறையில் இருப்பதாக தெரிவிக்கப்பட்டுள்ளது.

ஸ்காட்லாந்தின் சில பகுதிகளில் கடும் பனிப்பொழிவுக்கான அம்பர் எச்சரிக்கைகள் வானிலை அலுவலகத்தால் வெளியிடப்பட்டுள்ளன.

வெள்ளிக்கிழமை நண்பகல் முதல் சனிக்கிழமை நண்பகல் வரை இந்த எச்சரிக்கை நடைமுறையில் இருக்கும் என தெரிவிக்கப்பட்டுள்ளது.

ஆம்பர் எச்சரிக்கைகளில் உள்ள பகுதிகளில் ஆங்கஸ், பெர்த் மற்றும் கின்ரோஸ், அபெர்டீன், அபெர்டீன்ஷயர், மோரே மற்றும் ஹைலேண்ட்ஸ் ஆகியவை அடங்கும்.

மேலும், வடக்கு ஸ்காட்லாந்தின் சில பகுதிகளுக்கு பனிப்பொழிவு இடையூறுகளை ஏற்படுத்தக்கூடும் என தெரிவிக்கப்பட்டுள்ளது.

குறைந்த மட்டங்களில் சுமார் 10-20 செ.மீ பனிப்பொழிவு இருக்க வாய்ப்புள்ளது, உயரமான நிலங்களில் 30-40 செ.மீ பனிப்பொழிவு ஏற்பட வாய்ப்புள்ளது.

அதே நேரத்தில் காற்று தற்காலிக பனிப்புயல் நிலைமைகளுக்கு வழிவகுக்கும் என்று வானிலை அலுவலகம் தெரிவித்துள்ளது.

ரயில் மற்றும் விமானப் பயணங்களில் சில தாமதங்கள் மற்றும் ரத்துகள் ஏற்பட வாய்ப்புள்ளது.

அத்துடன், மின்வெட்டு மற்றும் சாலைகளில் இடையூறுகள் ஏற்பட வாய்ப்புள்ளது என்றும் தெரிவிக்கப்பட்டுள்ளது.

இதற்கிடையில், செஸ்டர், கிரேட்டர் மான்செஸ்டர், லண்டன் மற்றும் கென்ட் வரை இங்கிலாந்து மற்றும் வேல்ஸின் பெரும் பகுதிகளில் வெள்ளிக்கிழமை பனி மற்றும் பனிக்கட்டிக்கான மஞ்சள் எச்சரிக்கை விடுக்கப்பட்டுள்ளது.

குறிப்பாக வடக்கு வேல்ஸ் மற்றும் வடமேற்கு இங்கிலாந்தின் சில பகுதிகளில் உயரமான பகுதிகளில், 5 செ.மீ வரை பனிப்பொழிவு ஏற்படலாம் என தெரிவிக்கப்பட்டுள்ளது.

இதற்கிடையில், பிரித்தானிய சுகாதாரப் பாதுகாப்பு நிறுவனம் இந்த ஆண்டின் தொடக்கத்திற்கான சுகாதார எச்சரிக்கைகளை வெளியிட்டுள்ளமை குறிப்பிடத்தக்கது.

The post இங்கிலாந்தின் சில பகுதிகளுக்கு பனி பொழிவு குறித்து அம்பர் எச்சரிக்கை appeared first on Oruvan.com.

இதனால், பனிப் பொழிவுடனான வெள்ளை கிறிஸ்துமஸ் தினத்தை எதிர்பார்ப்பவர்கள் ஏமாற்றமடைய வாய்ப்புள்ளது என்றும் வானிலை முன்னறிவிப்பாளர்கள் கூறியுள்ளனர்.

வியாழக்கிழமை மாலை 6 மணி முதல் டிசம்பர் 27 ஆம் திகதி நண்பகல் வரை தென்மேற்கு இங்கிலாந்துக்கு மஞ்சள் குளிர் சுகாதார எச்சரிக்கை வெளியிடப்பட்டுள்ளதாக நாட்டின் சுகாதார பாதுகாப்பு நிறுவனம் தெரிவித்துள்ளது.

இதனிடையே, கிறிஸ்துமஸ் தினத்தன்று அதிகாலை 4 மணி முதல் இரவு 11.59 மணி வரை இதேபோன்ற நிலை வேல்ஸின் பெரும்பகுதியை பாதிக்கும் என்று கூறி மஞ்சள் வானிலை எச்சரிக்கையும் விடுக்கப்பட்டுள்ளது.

குறைந்த வெப்பநிலை சுகாதாரம் மற்றும் சமூக பராமரிப்பு சேவைகளில் சிறிய தாக்கங்களை ஏற்படுத்தக்கூடும் என்றும் இங்கிலாந்தின் சுகாதார பாதுகாப்பு நிறுவனம் கூறியுள்ளது.

கிறிஸ்துமஸ் தினத்தன்று காற்று மிகவும் வலுவாகவும் வீசும் என்றும், சில கடற்கரைகள் மற்றும் முக்கிய மலைகளின் மேற்கில் மணிக்கு 45-55 மைல் வேகத்திலும், 55-65 மைல் வேகத்திலும் காற்று வீசக்கூடும் என்றும் வானிலை ஆய்வு மையம் எச்சரித்துள்ளது.

The post கிறிஸ்துமஸ் தினத்தன்று இங்கிலாந்தின் சில பகுதிகளுக்கு வானிலை எச்சரிக்கை! appeared first on Oruvan.com.

இதன்படி, மான்செஸ்டர், லங்காஷயர் மற்றும் மேற்கு மற்றும் வடக்கு யார்க்ஷயரின் சில பகுதிகளில் பனிப்பொழிவு இருக்கும் என்று அறிவுறுத்தப்பட்டுள்ளது.

புதிய வானிலை முன்னறிவிப்புகளின்படி , இங்கிலாந்தின் சில பகுதிகளில் வரும் நாட்களில் பனிப்பொழிவு காணப்படும் என அறிவிக்கப்பட்டுள்ளது.

இங்கிலாந்தின் முக்கிய ஆறு பகுதிகளில் பனிப்பொழிவு இருக்கும் என்றும் இரண்டு அங்குல ஆழம் வரை பனிப்பொழிவு காணப்படும் என்றும் எதிர்பார்க்கப்படுகிறது.

கிரேட்டர் மான்செஸ்டர் , லங்காஷயர் மற்றும் மேற்கு மற்றும் வடக்கு யார்க்ஷயரின் சில பகுதிகள் பாதிக்கப்படக்கூடிய பகுதிகளாகும் .

தெற்கு கும்ப்ரியா மற்றும் மேற்கு கவுண்டி டர்ஹாம் பகுதிகளிலும் பனிப்பொழிவு இருக்கும் என சுட்டிக்காட்டப்பட்டுள்ளது.

யார்க்ஷயரின் பெரும்பகுதி, ஹம்பர் மற்றும் வடமேற்குப் பகுதிகளில் மைனஸ் நான்கு செல்சியஸ் வெப்பநிலை காணப்படும்.

வடக்கு வேல்ஸிலும் வெப்பநிலை மைனஸ் நான்கு செல்சியஸாக குறையக்கூடும், அதே நேரத்தில் கார்டிஃப் மற்றும் ஸ்வான்சியில் மைனஸ் ஒரு செல்சியஸ் வெப்பநிலையே காணப்படும்.

லண்டன், இங்கிலாந்தின் தென்மேற்கு மற்றும் கிழக்குப் பகுதிகளில் வெப்பநிலை மைனஸ் இரண்டு செல்சியஸ் முதல் மைனஸ் ஒரு செல்சியஸ் வரை இருக்கும் என்று கணிக்கப்பட்டுள்ளது.

The post இங்கிலாந்தில் அடுத்த 12 மணி நேரத்திற்கு பனிப்பொழிவு – வானிலை ஆய்வு மையம் எச்சரிக்கை appeared first on Oruvan.com.

இதன்படி, வடமேற்கு ஸ்காட்லாந்து முழுவதும் மணிக்கு 90 மைல் (மணிக்கு 144 கிமீ) வேகத்தில் காற்று வீசக்கூடும் எனவும், புதன்கிழமை வரை பலத்த காற்று பரவலாக உணரப்படும் எனவும் தெரிவிக்கப்பட்டுள்ளது.

குறிப்பாக வேல்ஸ் மற்றும் தென்மேற்கு இங்கிலாந்தில் கனமழை வெள்ளப்பெருக்குக்கு வழிவகுக்கும் எனவும் அங்த பகுதிகளில் அண்மையில் பெய்த மழையால் நிலம் ஈரத்தன்மையுடன் காணப்படுவதாகவும் தெரிவிக்கப்பட்டுள்ளது.

சீரற்ற வானிலை காரணமாக சேதம் மற்றும் போக்குவரத்து இடையூறு ஏற்பட வாய்ப்பு உள்ளதாகவும் தெரிவிக்கப்பட்டுள்ளது.

ஐரிஷ் வானிலை ஆய்வு மையத்தால் பெயரிடப்பட்ட பிராம் புயல், இன்று செவ்வாய்க்கிழமை வேகமாக உருவாகி, இங்கிலாந்தின் வடக்கே மேற்கே நகர்ந்து, பலத்த மழையையுடன், பலத்த காற்று வீசும் எனவும் தெரிவிக்கப்பட்டுள்ளது.

செவ்வாய்க்கிழமை பிற்பகுதியில் ஐரிஷ் கடல் கடற்கரைகளைச் சுழவுள்ள பதிகளிலும், ஸ்காட்லாந்தின் வடமேற்கு வரையிலும் பலத்த காற்று வீசும் என தெரிவிக்கப்பட்டுள்ளது.

செவ்வாய்க்கிழமை GMT4:00 மணி முதல் 23:59 மணி வரை காற்றுக்கான வானிலை அலுவலக அம்பர் எச்சரிக்கை விடுத்துள்ளது.

வடமேற்கு ஸ்காட்லாந்தை உள்ளடக்கிய வகையில் இந்த எச்சரிக்கை விடுக்கப்பட்டுள்ளதுடன், சில இடங்களில் மணிக்கு 90 மைல் (மணிக்கு 144 கிமீ) வேகத்தில் காற்று வீசக்கூடும் எனவும் தெரிவிக்கப்பட்டுள்ளது.

சில போக்குவரத்து வலையமைப்பில் தாமதங்கள், ரத்துசெய்தல்கள் மற்றும் சில கட்டிடங்களுக்கு சேதம் ஏற்படுவதற்கான வாய்ப்புகளும் அதிகம் காணப்படுவதாக தெரிவிக்கப்பட்டுள்ளது.

The post பிரித்தானியாவை தாக்கும் பிராம் புயல் – அம்பர் எச்சரிக்கை விடுப்பு appeared first on Oruvan.com.

சீரற்ற வானிலை நிலவுவதால், தென்மேற்கு இங்கிலாந்து மற்றும் வேல்ஸ் முழுவதும் இன்று மஞ்சள் எச்சரிக்கைகள் நடைமுறையில் இருக்கும் என தெரிவிக்கப்பட்டுள்ளது.

இதனால், இரவு முழுவதும் செவ்வாய்க்கிழமை மாலை வரை வெள்ளம் மற்றும் பயண இடையூறு ஏற்படும் அபாயம் காணப்படுவதாக தேசிய முன்னறிவிப்பாளர் எச்சரிக்கை விடுத்துள்ளனர்.

லங்காஷயர், நார்தம்ப்ரியா மற்றும் கவுண்டி டர்ஹாமின் சில பகுதிகள் மற்றும் வடக்கு யார்க்ஷயரின் சில பகுதிகளை உள்ளடக்கிய இங்கிலாந்தின் வடக்குப் பகுதியிலும் மழை பெய்யும் என தெரிவிக்கப்பட்டுள்ளது.

மேற்கு தீவுகள் மற்றும் ஸ்காட்லாந்தின் சில கடலோரப் பகுதிகளிலுக்கு மழை தொடர்பில் எச்சரிக்கை விடுக்கப்பட்டுள்ளதுடன், புதன்கிழமை காலை வரை இந்த எச்சரிக்கை நடைமுறையில் இருக்கும் எனவும் தெரிவிக்கப்பட்டுள்ளது.

இந்த சீரற்ற வானிலைக்கு வடக்கு அட்லாண்டிக்கிலிருந்து வரும் குறைந்த காற்றழுத்த தாழ்வுப் பகுதியே காரணம் என்று வானிலை ஆய்வாளர்கள் தெரிவித்துள்ளனர்.

இதனால் பலத்த காற்று வீசும் எனவும், குறிப்பாக மரங்கள் மற்றும் கிளைகள் விழுந்து ரயில்வே வீதிகளில் பாதிப்புகளை ஏற்படுத்தும் என்று பயணிகளுக்கு எச்சரிக்கை விடுக்கப்பட்டுள்ளது.

குறிப்பாக வடக்கு மற்றும் மேற்கு பகுதிகளில் பலத்த காற்று வீசும் என்று எதிர்பார்க்கப்படுவதாக வானிலை அலுவலக துணை தலைமை வானிலை ஆய்வாளர் டான் ஹோலி தெரிவித்துள்ளார்.

நிலைமையை உன்னிப்பாகக் கண்காணித்து வருவதாகவும், புதுப்பித்த தகவல்களை அவ்வப்போது வழங்கவுள்ளதாகவும் டான் ஹோலி மேலும் தெரிவித்துள்ளார்.

The post பிரித்தானியாவி பல பகுதிகளில் கன மழைபெய்யும் – வானிலை அலுவலகம் எச்சரிக்கை appeared first on Oruvan.com.