இவாத்தே மாகாணத்தில் உள்ள குஜி துறைமுகத்தில் சுமார் 80 சென்ரிமீற்றர் உயர சுனாமி அலை  பதிவாகியுள்ளது.

இதற்கு முன், 70 சென்ரிமீற்றர் மற்றும் 40 சென்ரிமீற்றர் உயரம் கொண்ட சிறிய அலைகளும் சில துறைமுகங்களில் பதிவாகியுள்ளன.

மேலும், இந்த நிலநடுக்கத்துக்குப் பின்னனர் 03 மீற்றர் வரை உயரமுள்ள சுனாமி அலைகள் ஏற்படும் அபாயம் காணப்படுவதாக எச்சரிக்கப்பட்டுள்ளது.

அத்துடன் இவாத்தே, ஆமோரி மற்றும் ஹொக்கைடோ பகுதிகளுக்கு சுனாமி எச்சரிக்கை விடுக்கப்பட்டுள்ளது.

மேலும் மியாகி மற்றும் ஃபுகுஷிமா கடற்கரைகளுக்கும் எச்சரிக்கை விடுக்கப்பட்டுள்ளது.

ஜப்பானின் வடகிழக்கு கடற்கரைப் பகுதியில்  இன்று பிற்பகல் 7.4 ரிக்டர் அளவில் நிலஅதிர்வு பதிவானது.

பசிபிக் பெருங்கடலில் 10 கிலோமீற்றர் ஆழத்தில் மையம் கொண்டிருந்த இந்த நிலஅதிர்வு, ஜப்பானிய அளவுகோலில் ‘Upper 5’ ஆகப் பதிவாகியுள்ளது.

இதனைத் தொடர்ந்து கடலோரப் பகுதிகளில் வசிக்கும் மக்கள் உடனடியாக பாதுகாப்பான இடங்களுக்கு  செல்லுமாறும் அதிகாரிகள் அறிவுறுத்தியுள்ளனர்.

இதேவேளை, அரசாங்கம் ஒரு அவசரகாலப் பணிக்குழுவை நியமித்துள்ளதாகவும்  ஜப்பான் பிரதமர் சனே டகாயிச்சி தெரிவித்துள்ளார்.

The post ஜப்பானை தாக்கியது சுனாமி appeared first on Oruvan.com.

வெள்ளிக்கிழமை காலை மின்டானாவோ பகுதியில் 7.6 ரிக்டர் அளவிலான நிலநடுக்கம் ஏற்பட்டது.

இதன்படி, தெற்கு பிலிப்பைன்ஸில் நிலநடுக்கத்தின் மையப்பகுதியிலிருந்து 300 கிமீ (186 மைல்) தொலைவில் அமைந்துள்ள கடற்கரைகளுக்கு ஆபத்தான சுனாமி அலைகள் ஏற்பட வாய்ப்புள்ளதாக தெரிவிக்கப்பட்டுள்ளது.

அமெரிக்க சுனாமி எச்சரிக்கை அமைப்பு மற்றும் பிலிப்பைன்ஸ் நில அதிர்வு நிறுவனம் இரண்டும் சுனாமி எச்சரிக்கைகளை விடுத்துள்ளனர்.

சேதம் மற்றும் பின்அதிர்வுகள் எதிர்பார்க்கப்படுவதாக பிலிப்பைன்ஸ் நில அதிர்வு அலுவலகம் தெரிவித்துள்ளது.

நிலநடுக்கதை அடுத்து மக்கள் உயிரை காப்பாற்றிக்கொள்ள அங்குமிங்கும் ஓடும் காட்சிகள் சமூக ஊடகங்களில் வெளியாகியுள்ளன.

நிலநடுக்கம் ஏற்பட்டபோது மக்கள் கடும் பீதியடைந்ததாக தெற்கு பிலிப்பைன்ஸ் மாகாணமான டாவோ ஓரியண்டலின் ஆளுநர் தெரிவித்தார்.

இந்நிலையில், அதிகாரிகள் களத்தில் நிலைமையை மதிப்பிட்டு வருவதாகவும், தேடுதல் மற்றும் மீட்பு முயற்சிகள் தயாராகி வருவதாகவும் பிலிப்பைன்ஸ் ஜனாதிபதி ஃபெர்டினாண்ட் மார்கோஸ் ஜூனியர் தெரிவித்துள்ளார்.

“உதவி தேவைப்படும் அனைவரையும் சென்றடைவதை உறுதி செய்வதற்காக நாங்கள் 24 மணி நேரமும் உழைத்து வருகிறோம்,” என்று மார்கோஸ் கூறினார்.

பிலிப்பைன்ஸ் நாட்டின் மிண்டானாவோ பகுதியில் உள்ள மனாய் நகருக்கு அருகில் 10 கி.மீ ஆழத்தில் இந்த நிலநடுக்கம் ஏற்பட்டதாக பிலிப்பைன்ஸ் பிவோல்க்ஸ் நிறுவனம் தெரிவித்துள்ளது.

அண்டை நாடான இந்தோனேசியாவும் அதன் வடக்கு சுலவேசி மற்றும் பப்புவா பகுதிகளுக்கு சுனாமி எச்சரிக்கையை விடுத்ததாக அதன் புவி இயற்பியல் நிறுவனம் தெரிவித்துள்ளது.

செபு மாகாணத்தில் உள்ள போகோ நகரில் 6.9 ரிக்டர் அளவிலான நிலநடுக்கம் ஏற்பட்டு 71 பேர் உயிரிழந்த நிலையில், பத்து நாட்களுக்குப் பின்னர் இந்த வலுவான நிலநடுக்கம் ஏற்பட்டுள்ளது.

அப்பகுதியில் இன்னும் நிலநடுக்கங்கள் உணரப்படுவதாக அந்நாட்டு ஊடகங்கள் செய்தி வெளியிட்டுள்ளன.

The post பிலிப்பைன்ஸில் சக்திவாய்ந்த நிலநடுக்கம் – சுனாமி எச்சரிக்கை விடுப்பு appeared first on Oruvan.com.

ரஷ்யாவின் கிழக்குப் பகுதியில் உள்ள கம்சட்கா தீபகற்பத்தின் கிழக்குப் பகுதியில் இன்று சனிக்கிழமை
நிலஅதிர்வு பதிவாகியுள்ளதாக அமெரிக்க புவியியல் ஆய்வு மையம் தெரிவித்துள்ளது.

குறித்த நிலஅதிர்வு 7.4 ரிக்டர் அளவில் பதிவானதா தெரிவிக்கப்பட்டுள்ளது.

மேலும் 39.5 கிலோமீற்றர் ஆழத்தில் இந் நிலநடுக்கம் பதிவாகியுள்ளதாக அமெரிக்க புவியியல் ஆய்வு மையம் தெரிவித்துள்ளது.

அருகிலுள்ள சில ரஷ்ய கடற்கரைகளில் ஒரு மீற்றர் (3.3 அடி) வரை ஆபத்தான அலைகள் ஏற்பட கூடும் என பசிபிக் சுனாமி எச்சரிக்கை மையம் தெரிவித்தது

பின்னர்  சுனாமி அச்சுறுத்தல் இல்லயென பசிபிக் சுனாமி எச்சரிக்கை மையம்  அறிவித்தது.

The post ரஷ்யாவில் சக்தி வாய்ந்த நிலஅதிர்வு – சுனாமி எச்சரிக்கை? appeared first on Oruvan.com.

இன்று அதிகாலை ஏற்பட்ட பாரிய நிலநடுக்கத்தை தொடர்ந்து ரஷ்யாவின் குரில் தீவுகள் மற்றும் ஜப்பானின் பெரிய வடக்கு தீவான ஹொக்கைடோவின் கடலோரப் பகுதிகளை சுனாமி தாக்கியுள்ளன.

மேலும், பசிபிக் தீவுகள் மற்றும் அமெரிக்கா முழுவதும் சுனாமி எச்சரிக்கை விடுக்கப்பட்டுள்ளது. புதன்கிழமை அதிகாலை ரஷ்யாவின் தூர கிழக்கில் 8.8 ரிக்டர் அளவிலான நிலநடுக்கம் ஏற்பட்டதைத் தொடர்ந்து சுனாமி எச்சரிக்கைகள் விடுக்கப்பட்டுள்ளனர்.

ஹொக்கைடோவின் கிழக்கு கடற்கரையில் உள்ள நெமுரோவை சுமார் 30 செ.மீ. முதல் சுனாமி அலை எட்டியதாக ஜப்பான் வானிலை ஆய்வு நிறுவனம் தெரிவித்துள்ளது.

கம்சட்கா தீபகற்பத்தில் நிலநடுக்கத்தின் மையப்பகுதிக்கு அருகிலுள்ள ரஷ்ய பகுதிகளில் சேதம் மற்றும் அங்கிருந்து பொது மக்கள் வெளியேற்றப்படுவதாகவும் செய்திகள் வெளியாகியுள்ளன.

பசிபிக் பெருங்கடலில் உள்ள ரஷ்யாவின் குரில் தீவுகளில் உள்ள செவெரோ-குரில்ஸ்க் கடலோரப் பகுதியை முதல் சுனாமி அலை தாக்கியதாக உள்ளூர் ஆளுநர் வலேரி லிமரென்கோ தெரிவித்தார்.

மீண்டும் அலை ஏற்படும் அச்சுறுத்தல் நீங்கும் வரை குடியிருப்பாளர்கள் பாதுகாப்பாக இருப்பதாகவும், உயரமான நிலத்தில் தங்கியிருப்பதாகவும் அவர் தெரிவித்துள்ளார்.

ஹவாய், சிலி, ஜப்பான் மற்றும் சாலமன் தீவுகளின் சில கடலோரப் பகுதிகளில் அலை மட்டத்திலிருந்து ஒன்று முதல் மூன்று மீட்டர் உயர அலைகள் ஏற்பட வாய்ப்புள்ளதாக பசிபிக் சுனாமி எச்சரிக்கை மையம் தெரிவித்துள்ளது.

மார்ச் 2011 இல் வடகிழக்கு ஜப்பானில் ஏற்பட்ட 9.0 ரிக்டர் அளவிலான நிலநடுக்கத்திற்குப் பின்னர் இன்று காலை பதிவான நிலநடுக்கம் மிகவும் வலிமையானது என மதிப்பிடப்பட்டுள்ளது.

The post ரஷ்யா மற்றும் ஜப்பானை சுனாமி தாக்கியது!! இலங்கைக்கு எந்த அச்சுறுத்தல் இல்லை appeared first on Oruvan.com.

சர்வதேச ஊடகங்கள் வெளியிட்டுள்ள செய்தியில் இந்த விடயம் தெரிவிக்கப்பட்டுள்ளது.

எக்ஸ் தளத்தில் பகிரப்பட்ட காணொளிகள் கடல் மட்ட உயர்வு காரணமாக சில கட்டமைப்புகள் நீரில் மூழ்கியிருப்பதைக் காட்டின. உயரத்திலிருந்து எடுக்கப்பட்ட காணொளிகள் அலைகள் தாக்குவதற்கு முன்னும் பின்னும் உள்ள பகுதியைக் காட்டின.

எவ்வாறாயினும், சுனாமி தாக்கிய குறித்த பகுதி எரிமலை மற்றும் நில அதிர்வு நடவடிக்கைகளுக்குப் பெயர் பெற்றது என தெரிவிக்கப்பட்டுள்ளது.

ரஷ்யாவின் கம்சட்கா தீபகற்பத்தில் 8.7 ரிக்டர் அளவிலான நிலநடுக்கம் ஏற்பட்டதைத் தொடர்ந்து, ஜப்பானின் சில பகுதிகள் மற்றும் கலிபோர்னியா, வாஷிங்டன், ஓரிகான் மற்றும் அலாஸ்கா உள்ளிட்ட பல அமெரிக்க மாநிலங்களுக்கு சுனாமி எச்சரிக்கை விடுக்கப்பட்டுள்ளது.

இதன்படி சுனாமி ஏற்பட்டால், கலிபோர்னியாவின் ஃபோர்ட் பிராக், இரவு 11:50 மணிக்கு அலைகள் வரும் நேரங்கள் மதிப்பிடப்பட்டுள்ளன.

செவ்வாய்க்கிழமை, புதன்கிழமை அதிகாலை 12:40 மணிக்கு சான் பிரான்சிஸ்கோவிலும், அதிகாலை 1:05 மணிக்கு லாஸ் ஏஞ்சல்ஸ் துறைமுகத்திலும் சுனாமி எச்சரிக்கை விடுக்கப்பட்டுள்ளதாக தேசிய சுனாமி எச்சரிக்கை மையம் தெரிவித்துள்ளது.

அலாஸ்காவின் அலூடியன் தீவுகளில், சில பகுதிகள் உயர் மட்ட சுனாமி எச்சரிக்கையின் கீழ் இருப்பதாக தெரிவிக்கப்பட்டுள்ளது.

The post ரஷ்யா, ஜப்பான் அருகே கடுமையான நிலநடுக்கம்!! முதல் சுனாமி அலை தாக்கியது appeared first on Oruvan.com.

இந்த நிலஅதிர்வு இன்று புதன்கிழமை 8.0 ரிக்டர் அளவில் பதிவானதாக அமெரிக்க புவியியல் ஆய்வு மையம் தெரிவித்துள்ளது.

இதனையடுத்து ஜப்பான், அமெரிக்கா உள்ளிட்ட பசுபிக் நாடுகளுக்கு சுனாமி எச்சரிக்கை விடுக்கப்பட்டுள்ளது.

இந்த நிலஅதிர்வு 19.3 கிலோமீற்றர் ஆழத்தில், பெட்ரோபாவ்லோவ்ஸ்க்-கம்சட்ஸ்கி நகரிற்கு 136 கிலோ மீற்றர் கிழக்கில் பதிவானதாக தெரிவிக்கப்படுகிறது.

இதுவரை உயிரிழப்புகள் எதுவும் பதிவாகவில்லையென சர்வதேச செய்திகள் தெரிவிக்கின்றன.

ஜப்பான் மற்றும் ரஷ்யாவின் கடற்கரை பகுதிகளில் 1 மீற்றர் உயரம் கொண்ட சுனாமி அலைகள் எழக்கூடும் என தெரிவிக்கப்பட்டுள்ளது.

குவாம், ரோட்டா, டினியன், சைபன் உள்ளிட்ட வடக்கு மரியானா தீவுகளிலும் சுனாமி அபாயம் காணப்படுவதாக தெரிவிக்கப்பட்டுள்ளது.

அடுத்த 03 மணி நேரத்திற்கு மக்கள் எச்சரிக்கையுடன் இருக்க வேண்டும் என அறிவுறுத்தப்பட்டுள்ளது.

The post ரஷ்யாவில் பாரிய நிலநடுக்கம் – சுனாமி எச்சரிக்கை விடுப்பு appeared first on Oruvan.com.

உள்ளூர் நேரப்படி இரவு 9:19 மணிக்கு  நிலநடுக்கம் ஏற்பட்டுள்ளது.

கியூஷு தீவில் உள்ள மியாசாகி மாகாணத்திற்கும் ஜப்பானின் தெற்கு கொச்சி மாகாணத்திற்கும் எச்சரிக்கையை தூண்டியதாக நிறுவனம் கூறியது.

அறிவுறுத்தல் நீக்கப்படும் வரை உள்ளூர் மக்களை கடலுக்குள் நுழையவோ அல்லது கடற்கரையை நெருங்கவோ வேண்டாம் என்று அதிகாரிகள் வலியுறுத்தியுள்ளனர், நாட்டின் வானிலை ஆய்வு நிறுவனம் அதன் எக்ஸ் தளத்தில் தெரிவித்துள்ளது.

The post ஜப்பானில் சக்தி வாய்ந்த நிலநடுக்கம் – சுனாமி எச்சரிக்கை விடுப்பு appeared first on Oruvan.com.

நாட்டின் பல பிரதேசங்களில் சுனாமியால் உயிரிழந்த தனது உறவினர்களை நினைவுகூரி நினைவேந்தல் நிகழை்வுகள் இடம்பெற்றிருந்தன.

இந்நிலையில், யாழ்ப்பாணம் – வடமராட்சி கிழக்கு, உடுத்துறை பகுதியிலும் ஆழிப்பேரலை நினைவேந்தல் நிகழ்ச்சிகள் முன்னெடுக்கப்பட்டுள்ளன.

The post யாழில் சுனாமி நினைவேந்தல் appeared first on Oruvan.com.