சீன நிறுவனமான பைட்டான்ஸ் (ByteDance), தனது அமெரிக்க கிளை நிறுவனத்தை அந்நாட்டு முதலீட்டாளர்களுக்கு விற்பனை செய்யத் தவறினால், 2025 ஜனவரி முதல் அமெரிக்காவில் இந்த செயலிக்குத் தடை விதிக்கப்படவிருந்தது.

முன்னாள் ஜனாதிபதி ஜோ பைடன் கையெழுத்திட்ட சட்டத்தை அமுல்படுத்துவதை, தற்போதைய அமெரிக்க ஜனாதிபதி டொனால்ட் ட்ரம்ப் பலமுறை ஒத்திவைத்தார்.

பைட்டான்ஸ் நிறுவனத்திற்கும் சீன அரசாங்கத்திற்கும் இடையிலான தொடர்புகள் தேசிய பாதுகாப்பிற்கு அச்சுறுத்தலாக அமைவதாகவும், அமெரிக்க பயனர்களின் தரவுகளை வழங்குமாறு பீஜிங் நிறுவனம் வற்புறுத்தப்படலாம் என்றும் அமெரிக்கா அச்சம் வெளியிட்டிருந்தது.

இருப்பினும், TikTok மற்றும் ByteDance ஆகிய இரு நிறுவனங்களும் இந்த குற்றச்சாட்டுகளைத் தொடர்ந்து மறுத்திருந்தன.

இந்நிலையில், புதிய ஒப்பந்தத்தின் அடிப்படையில் டிக் டொக்கின் அமெரிக்க கிளை நிறுவனமானது தனியான தகவல் கட்டமைப்புடன் சுயாதீனமாக இயங்கும் என தெரிவிக்கப்படுகின்றது.

இது உலகளாவிய TikTok செயலியில் இருந்து வேறுபட்டது என்பதுடன் அனைத்து தரவுகளும் அமெரிக்காவிற்குள்ளேயே சேமிக்கப்பட்டு நிர்வகிக்கப்படும் என குறிப்பிடப்படுகின்றது.

டிக்டாக்கின் தாய் நிறுவனமான பைட்டான்ஸ் (ByteDance) ஒப்புக்கொண்ட உரிம ஒப்பந்தத்தின்படி, சீனப் பொறியாளர்களுக்கு இந்த அமெரிக்க கிளையின் இயக்கம், புதுப்பித்தல் அல்லது பாதுகாப்பு ஆகியவற்றில் நேரடி கட்டுப்பாடு இருக்காது என கூறப்படுகின்றது.

இந்த ஒப்பந்தம் செயலியை முழுமையாக முடக்கவில்லை என்றாலும், அமெரிக்கப் பதிப்பையும், பில்லியன் கணக்கான மக்கள் எதைப் பார்க்க வேண்டும் என்பதைத் தீர்மானிக்கும் டிக்டொக்கின் சக்திவாய்ந்த அமைப்பும் மாறுபடும் என தெரிவிக்கப்படுகின்றது.

The post அமெரிக்காவில் TikTok செயலியை தொடரும் ஒப்பந்தம் இறுதி appeared first on Oruvan.com.

டிக்டாக் சமூக ஊடகங்களை பொருளாதார வாய்ப்புகளை விரிவுபடுத்தவும், பொழுதுபோக்குக்கு அப்பால் கல்வி நோக்கங்களுக்காகவும் டிஜிட்டல் கருவியாக எவ்வாறு பயன்படுத்தலாம் என்பது குறித்து கவனம் செலுத்தப்பட்டது.

டிஜிட்டல் கல்வி குறித்த அறிவை வழங்குவதற்கான விதிமுறைகள், ஆராய்ச்சி மற்றும் பாடத்திட்டங்களில் தேவையான திருத்தங்களைச் சேர்ப்பதன் முக்கியத்துவத்தையும், டிஜிட்டல் தொழில்நுட்பத்தை பொறுப்புடன் பயன்படுத்துவதன் முக்கியத்துவத்தையும், டிக்டாக் மூலம் பொருளாதார வாய்ப்புகளை உருவாக்குவதன் முக்கியத்துவத்தையும் டிக்டாக் பிரதிநிதிகள் சுட்டிக்காட்டியதாக பிரதமரின் ஊடகப் பிரிவு வெளியிட்ட அறிவிப்பில் தெரிவிக்கப்பட்டுள்ளது.

கல்வித் துறையில் நடந்து வரும் சீர்திருத்தங்களுடன் இத்தகைய ஒத்துழைப்புகளைப் பாராட்டிய பிரதமரின் செயலாளர் பிரதீப் சபுதந்திரி, டிஜிட்டல்மயமாக்கல் செயல்முறையை விரைவாக செயல்படுத்த வேண்டியதன் அவசியத்தை மேலும் வலியுறுத்தினார்.

டிக்டாக்கின் தெற்காசியாவிற்கான அரசு உறவுகள் மற்றும் பொது விவகாரத் தலைவர் ஃபெர்டஸ் அல் மொட்டாகின் மற்றும் பிரதமரின் கூடுதல் செயலாளர்கள் இந்த கலந்துரையாடலில் கலந்து கொண்டனர்.

The post இலங்கையில் கல்வியை டிஜிட்டல் மயமாக்க டிக்டாக் நிறுவனம் உதவி appeared first on Oruvan.com.