இந்நிலையில், அவர் நீதிமன்றில் முன்னிலைப்படுத்தப்படவுள்ளதாக தெரிவிக்கப்பட்டுள்ளது.

கொழும்பு நீதவான் நீதிமன்றம் நேற்று (18) துசித ஹல்லோலுவவை கைது செய்ய பிடியாணை உத்தரவு பிறப்பித்திருந்தது.

கொழும்பு குற்றப்பிரிவு (CCD) முன்வைத்த உண்மைகளை பரிசீலித்த பின்னர் கொழும்பு கூடுதல் நீதவான் பசன் அமரசேன இந்த உத்தரவை பிறப்பித்தார்.

கடந்த சில் மாதங்களுக்கு முன்னர் நாரஹேன்பிட்டி பகுதியில் ஹல்லோலுவ பயணித்த வாகனம் மீது துப்பாக்கிச் சூடு செய்த சம்பவம் தொடர்பாக கொழும்பு குற்றப்பிரிவு விசாரணைகளை முன்னெடுத்துள்ளது.

இதன்படி, நடந்து வரும் விசாரணை தொடர்பாக பொலிஸார் விடுத்த கோரிக்கையை அடுத்து இந்த கைது உத்தரவு பிறப்பிக்கப்பட்டுள்ளமை குறிப்பிடத்தக்கது.

The post துசித ஹல்லோலுவ கைது appeared first on Oruvan.com.

பதில் பொலிஸ் மா அதிபரின் அறிவுறுத்தலின் பேரில், விசாரணைகள் கொழும்பு குற்றப்பிரிவிடம் ஒப்படைக்கப்பட்டுள்ளதாக பொலிஸார் தெரிவித்தனர்.

நாரஹேன்பிட்டவில் உள்ள கிங்ஸ் மருத்துவமனைக்கு அருகில் நேற்று (17) இரவு துசித ஹல்லோலுவ காரில் பயணித்தபோது, ​​மோட்டார் சைக்கிளில் வந்த இருவர் அவர் பயணித்த காரை நோக்கி துப்பாக்கியால் சுட்டுவிட்டு தப்பிச் சென்றதாக தெரிவிக்கப்பட்டது.

அங்கு, துப்பாக்கிச் சூடு நடத்தியவர்கள் துசித ஹல்லோலுவைத் தாக்கி, அவர் வைத்திருந்த கோப்பையும் திருடிச் சென்றனர். சம்பவம் நடந்தபோது துசித ஹல்லோலுவவின் சட்டத்தரணியும் காரில் இருந்ததாக தெரிவிக்கப்பட்டது.

துசித ஹல்லோலுவ கடந்த 15ஆம் திகதி குற்றப் புலனாய்வுத் திணைக்களத்திற்குச் சென்று, ஜனாதிபதி அனுரகுமார திசாநாயக்க தொடர்பாக வெளியிடப்பட்ட ஒரு அறிக்கை தொடர்பாக வாக்குமூலம் அளித்திருந்தார் என்பதும் குறிப்பிடத்தக்கது.

The post துசித ஹல்லோலுவை குறிவைத்து துப்பாக்கிச் சூடு – விசாரணைகள் சிஐடி வசம் appeared first on Oruvan.com.