இதன்படி, எலான் மஸ்க் தலைமையில் டெஸ்லா நிறுவனம் குறிப்பிட்ட இலக்குகளை அடைந்தால், ஒரு ட்ரில்லியன் அமெரிக்க டொலர்கள் ஊதியமாக வழங்கப்பட உள்ளது.

டெஸ்லா தலைமை செயல் அதிகாரியான எலான் மஸ்கிற்கு, பல பில்லியன் அமெரிக்க டொலர்களை ஊதியமாக அள்ளி வழங்குவதற்கான ஒப்பந்தத்தை, நிறுவன பங்குதாரர்கள் அங்கீகரித்துள்ளனர்.

இதன் மூலம் எலான் மஸ்க் தலைமையில் நிறுவனம் நீண்ட கால இலக்குகளை எட்டினால், ஒரு ட்ரில்லியன் அமெரிக்க டொலர் சம்பாதிக்க முடியும். இதுதொடர்பாக நேற்று நடைபெற்ற கூட்டத்தில், 75 சதவிகிதத்திற்கும் அதிகமான பங்குதாரர்கள் ஆதரவு தெரிவித்துள்ளனர்.

உலகில் இதுவரை எந்தவொரு நபரும், இந்த அளவிலான மிகப்பெரிய ஊதிய தொகுப்பை பெற்றதே இல்லை என்பது குறிப்பிடத்தக்கது.

டெஸ்லா நிறுவனத்திற்காக எலான் மஸ்கால் நிர்ணயிக்கப்பட்ட தொழில்நுட்ப இலக்குகளை தொடர, நீண்ட காலத்திற்கு அவரை நிறுவனத்தில் தக்கவைக்கவே இந்த பிரமாண்ட ஊதிய தொகுப்பு உருவாக்கப்பட்டுள்ளது.

இதன் மூலம், மஸ்க் டெஸ்லா நிறுவனத்தில் 7.5 ஆண்டுகள் தக்கவைக்கப்பட உள்ளார். பங்குதாரர்கள் கூட்டத்தில் நிர்ணயிக்கப்பட்ட அனைத்து இலக்குகளையும் மஸ்க் அடைந்தால், அவர் உலகின் முதல் டிரில்லியனராக உருவெடுக்க முடியும்.

The post எலான் மஸ்க்கிற்கு ஒரு ட்ரில்லியன் டொலர் சம்பளம் – டெஸ்லா பங்குதாரர்கள் அனுமதி appeared first on Oruvan.com.

இந்த வருடத்தின் முதல் 03 மாதங்களில் நிறுவனத்தின் லாபமும் வருவாயும் சரிந்ததைத் தொடர்ந்து மஸ்க் இந்த முடிவை எடுத்துள்ளார்.

வெள்ளை மாளிகையில் மஸ்க் ஒரு அரசியல் அங்கமாக மாறியதால் விற்பனை சரிந்ததாக கூறப்படுகிறது.

2025 ஆம் ஆண்டின் முதல் காலாண்டில் வாகன வருவாயில் டெஸ்லா நிறுவனம் 20 வீத சரிவை சந்தித்துள்ளது. கடந்த வருடத்தின் இதுவரையான காலப்பகுதியுடன் ஒப்பிடுகையில் லாபம் 70 வீதத்திற்கும் அதிகமான சரிந்துள்ளதாக தெரிவிக்கப்படுகிறது.

மஸ்க்கின் அரசியல் ஈடுபாடு உலகம் முழுவதும் டெஸ்லாவுக்கு எதிர்ப்புகள் மற்றும் புறக்கணிப்புகளைத் தூண்டியுள்ளது.

ட்ரம்பின் புதிய நிர்வாகத்தில் மஸ்க்கின் பங்கு குறித்த கூக்குரலுக்கு மத்தியில் நிறுவனத்தின் அண்மைய நட்டம், நிறுவத்தின் மீதான
கவனத்தை குறைத்துள்ளதை மஸ்க் ஒப்புக்கொண்டுள்ளார்.

கூட்டாட்சி செலவினங்களைக் குறைப்பதற்கும் அரசாங்க பணியாளர்களைக் குறைப்பதற்கும் ட்ரம்பின் அரசாங்கத் துறை (டோஜ்) முயற்சியையும் அவர் மஸ்க் வழிநடத்துகிறார்.

அடுத்த மாதம் முதல் “டோஜுக்கு ஒதுக்கப்படும் நேரம்” கணிசமாகக் குறையும்” என்றும் மஸ்க் மேலும் தெரிவித்துள்ளார்.

The post ட்ரம்பின் நிர்வாகத்தில் கவனம் செலுத்தியதால் பெரும் நட்டத்தை சந்தித்த எலோன் மஸ்க் appeared first on Oruvan.com.

உலகின் முதல்நிலை செல்வந்தரும், டெஸ்லா, ஸ்பேஸ் எக்ஸ், எக்ஸ் தளம் போன்றவற்றின் தலைமை செயல் அதிகாரியுமான எலான் மஸ்க் கடந்த ஆண்டு இடம்பெற்ற அமெரிக்க ஜனாதிபதி தேர்தலில் டொனால்ட் ட்ரம்பை ஆதரித்து இவர் தீவிர பிரசாரம் செய்தார்.

இந்நிலையில், ட்ரம்ப் ஜனாதிபதியாக பதவியேற்றதன் பின்னர் சிறந்த நிர்வாகத்துக்கான துறை தலைவர் என்ற சிறப்பு பதவியில் எலான் மஸ்க்கை நியமித்தார்.

அமெரிக்க அரசின் செலவுகளை குறைப்பது, நிறுவனங்களை சீரமைப்பது போன்ற பணிகள் அவரிடம் ஒப்படைக்கப்பட்டன. இந்நிலையில், மஸ்க் பொறுப்பேற்ற பின் இதுவரை அரசின் செலவுகளில் 10 லட்சம் கோடி ரூபாயை மிச்சப்படுத்தி இருப்பதாக அறிக்கைகள் கூறுகின்றன.

எவ்வாறாயினும், எலான் மஸ்க் இந்த பதவியில் 130 நாள் பணியாற்றுவதற்கு ஒப்புக் கொண்டிருந்ததாக தெரிவிக்கப்பட்டுள்ளது. இதனால் அவரின் பதவி காலம் மே மாதம் இறுதியில் முடிவடையவுள்ளதாக கூறப்படுகின்றது.

எனினும், அதற்கு முன்னதாகவே மஸ்க் இந்த பதவியில் இருந்து விலகுவார் என டிரம்ப் தன் அமைச்சர்களிடம் கூறியுள்ளதாக தகவல்கள் வெளியாகியுள்ளன.

தன் நிறுவனப் பணிகளில் முழுமையாக கவனம் செலுத்தவதற்காக மஸ்க் இந்த முடிவை எடுத்துள்ளதாக கூறப்படுகின்றது.

இதேவேளை, இந்த ஆண்டின் முதல் மூன்று மாதங்களில் டெஸ்லா கார் விற்பனை 13 சதவீதம் சரிந்துள்ளது. இது டெஸ்லாவின் வரலாற்றில் மிகப்பெரிய சரிவாகும்.

நிறுவனத்தின் தலைமை நிர்வாக அதிகாரி எலான் மஸ்க்கிற்கு எதிரான அதிகரித்து வரும் எதிர்ப்பு மற்றும் சந்தையில் அதிகரித்து வரும் போட்டி ஆகியவை நிறுவனத்தில் பெரும் சரிவை ஏற்படுத்தியுள்ளதாக கூறப்படுகிறது.

இந்த ஆண்டின் முதல் காலாண்டில் டெஸ்லா 336,681 கார்களை விற்பனை செய்ததாகவும், இது கடந்த ஆண்டின் முதல் மூன்று மாதங்களை விட 50,000 குறைவாகும் எனவும் தெரிவிக்கப்பட்டுள்ளது.

இது மூன்று ஆண்டுகளில் நிறுவனத்தின் மோசமான விற்பனையாகும்.

அமெரிக்க அரசாங்கத்தின் செயல்திறன் துறையின் தலைவராக மஸ்க்கின் நடவடிக்கைகள் மற்றும் டொனால்ட் ட்ரம்பின் நிர்வாகத்தின் கொள்கைகளை எதிர்த்தவர்களிடமிருந்து டெஸ்லா நிறுவனத்திற்கு எதிராக போராட்டங்கள் வெடித்துள்ளன.

டெஸ்லா வசதிகள் மற்றும் கார்கள், மன்னேற்ற நிலையங்கள் உட்பட, சேதப்படுத்தப்பட்ட சம்பவங்கள் நடந்துள்ளன.

எவ்வாறாயினும், டெஸ்லா தனது விற்பனை அறிக்கையில் நிறுவனத்திற்கு எதிரான போராட்டங்களைக் குறிப்பிடவில்லை என்பதும் குறிப்பிடத்தக்கது.

The post டெஸ்லா கார் விற்பனையில் பாரிய சரிவு – ட்ரம்ப் நிர்வாகத்தில் இருந்து பதவி விலகும் எலான் மஸ்க் appeared first on Oruvan.com.