2026 டி20 கிரிக்கெட் உலகக் கிண்ண தொடரரை இந்தியாவும், இலங்கையும் இணைந்து நடத்தி வருகின்றன.

சுப்பர் எட்டுச் சுற்றுப் போட்டிகள் நேற்றுடன் முடிவடைந்த நிலையில், அரையிறுதிக்கு இந்தியா, நியூசிலாந்து, இங்கிலாந்து மற்றும் தென்னாப்பிரிக்கா அணிகள் தகுதிப் பெற்றுள்ளன.

மேற்கிந்திய தீவுகள் அணிக்கு எதிரான நேற்றையப் போட்டியில் வெற்றியீட்டியதன் மூலம் அரையிறுதி வாய்ப்பை இந்தியா உறுதி செய்திருந்தது.

எவ்வாறாயினும், இந்த தொடரில் இந்திய அணி களத்தடுப்பில் தடுமாறி வருகின்றது.

இதனால், நடப்பு தொடரில் அதிக பிடியெடுப்புகளை தவறவிட்ட அணிகளின் பட்டியலில் இந்திய முதலிடத்தில் உள்ளது

இதுவரை 13 பிடியெடுப்புகளை இந்திய அணி தவறவிட்டுள்ளது.

இந்தப் பட்டியலில் இலங்கை 11 பிடியெடுப்புகளை தவறவிட்டுள்ளது. தொடர்ந்து தென்னாப்பிரிக்கா அணி 10 பிடியெடுப்புகளை தவறவிட்டு மூன்றாவது இடத்தில் உள்ளது.

அயர்லாந்து, ஜிம்பாப்வே அணிகள் தலா ஒன்பது பிடியெடுப்புகளை தவறவிட்டு அடுத்தடுத்த இடங்களில் உள்ளமை குறிப்பிடத்தக்கது.

The post நடப்பு டி20 உலகக் கிண்ண தொடரில் அதிக பிடியெடுப்புகளை தவறவிட்ட அணிகளின் பட்டியலில் இந்தியா முதலிடம் appeared first on Oruvan.com.

மேலும், அணி வீரர்களும் வேதனையில் இருப்பதாகவும் அவர் சுட்டிக்காட்டியுள்ளார்.

அரையிறுதி சுற்றுக்கு செல்லும் வாய்ப்பை இழந்துள்ள நிலையில், இலங்கை அணியின் முன்னாள் தலைவர் குமார் சங்ககார தனது சமூக ஊடகப் பக்கத்தில் விடுத்துள்ள பதிவில் இவ்வாறு தெரிவித்துள்ளார்.

இந்நிலையில், சரியான பாதையில் செல்வதற்கு அனைத்து மட்டங்களிலும் செய்ய வேண்டிய பணிகள் ஏராளமாக உள்ளன என்று சங்கக்கார சுட்டிக்காட்டியுள்ளார்.

கிரிக்கெட் உலகம் மிக வேகமாக வளர்ச்சியடைந்துள்ள நிலையில், இலங்கை கிரிக்கெட் அதற்கு ஏற்றவாறு மாறவில்லை என்றும், ஒரே விடயத்தை மீண்டும் மீண்டும் செய்துவிட்டு வெவ்வேறு முடிவுகளை எதிர்பார்க்க முடியாது என்றும் அவர் வலியுறுத்தியுள்ளார்.

ரசிகர்கள் விரக்தியடைந்துள்ளனர், கோபத்திலும் உள்ளனர். வீரர்களும் மிகவும் காயப்பட்டுள்ளனர். நானும் இவ்வாறு டிரஸ்ஸிங் ரூம்களில் இருந்திருக்கிறேன். இது எளிதானது அல்ல.

ஆனால் இந்தப் பொறுப்பு ஆடுகளத்துடன் வருகிறது. உங்கள் நாட்டையும் உங்கள் மக்களையும் பிரதிநிதித்துவப்படுத்துவது ஒரு சுமை மற்றும் ஒரு பெரிய பாக்கியமாகும்.

சரியான பாதையில் செல்ல அனைத்து மட்டங்களிலும் செய்ய வேண்டிய வேலைகள் நிறைய உள்ளன. நம்மைச் சுற்றியுள்ள கிரிக்கெட் உலகம் மிக விரைவாக வளர்ச்சியடைந்துள்ளது.

எனினும், ​​நாம் ஒரே விடயத்தை மீண்டும் மீண்டும் செய்து வெவ்வேறு முடிவுகளை எதிர்பார்க்க முடியாது. நாங்கள் அதை மாற்றியமைத்துக் கொள்ளவில்லை” என அவர் தனது பதிவில் மேலும் தெரிவித்துள்ளார்.

இலங்கை மற்றும் நியூசிலாந்து அணிகள் சுப்பர் 8 சுற்றில் நேற்று மோதின. இதில் நியூசிலாந்து அணி 61 ஓட்டங்களால் வெற்றியை தனதாக்கிக் கொண்டது.

இந்த தோல்வியுடன், இலங்கை அணி அரையிறுதிச் சுற்றுக்கு தகுதிபெறும் வாய்ப்பை இழந்துள்ளமை குறிப்பிடத்தக்கது.

The post இலங்கை அணி மாறவில்லை – தோல்வி குறித்து சங்கக்கார ஆதங்கம் appeared first on Oruvan.com.

சர்வதேச இருபதுக்கு இருபது உலகக் கிண்ண தொடரின் சூப்பர் எட்டுச் சுற்றில் இலங்கை மற்றும் இங்கிலாந்து அணிகள் நேற்று போட்டியிட்டிருந்தன.

கண்டி – பல்லேகல மைதானத்தில் இடம்பெற்ற இந்தப் போட்டியில் இலங்கை அணி 51 ஓட்டங்களில் தோல்வியை சந்தித்திருந்தது.

இது குறித்து, குமார் சங்கக்கார தனது சமூக ஊடக பக்கத்தில் விடுத்துள்ள பதிவில்,

இலங்கை அணியில் பந்து வீச்சாளர்கள் ஒரு திட்டத்தின் படி செயல்பட்டாலும், துடுப்பாட்ட வீரர்களிடம் இருந்து அத்தகைய திட்டமிடல் எதுவும் காணப்படவில்லை என்று அவர் சுட்டிக்காட்டியுள்ளார்.

முழு அணியும் மிகவும் மோசமான ஆட்ட பாணியை வெளிப்படுத்தியதாக அவர் குறிப்பிட்டுள்ளார்.

கமில் மிஷாராவின் விளையாட்டு பாணி உயர் மட்டத்தில் இல்லை என்று சங்கக்கார தனது பதிவில் வலியுறுத்தினார்.

மேலும், இலங்கையின் தோல்விக்கு முக்கிய காரணம், ஆடுகளத்தின் தன்மை மற்றும் போட்டியின் தற்போதைய சூழ்நிலையை துடுப்பாட்ட வீரர்கள் சரியாகப் புரிந்து கொள்ளத் தவறியதே என்று சங்கக்கார மேலும் தெரிவித்துள்ளார்.

The post இலங்கை அணி படுதோல்வி – சங்கக்கார அதிருப்தி appeared first on Oruvan.com.

டி20 உலகக் கிண்ண தொடரில் சிம்பாவே அணிக்கு எதிரான போட்டியில் 62 ஓட்டங்களை குவித்ததன் மூவல் அவர் இந்த சாதனையை படைத்துள்ளார்.

இந்தப் போட்டி கொழும்பு ஆர் பிரேமதாச மைதானத்தில் இடம்பெற்று வருகின்றது.

தொடக்க வீரராக துடுப்பெடுத்தாடிய பத்தும் நிஸ்ஸங்க, 41 பந்துகளில் 62 ஓட்டங்களை பெற்றிருந்தார். இதன் மூலம் டி20 போட்டிகளில் அவர் பெற்றுக்கொண்ட ஓட்ட எண்ணிக்கை 2636 ஆக உயர்ந்தது.

தற்போது குசல் மெண்டிஸ் 2607 ஓட்டங்களுடன் இரண்டாம் இடத்தில் உள்ளார்.

மேலும், இருபதுக்கு இருபது போட்டிகளில் இன்று தனது 21வது அரைசதத்தையும் பத்தும் நிஸ்ஸங்க பூர்த்தி செய்தார். இதன் மூலம் இலங்கைக்காக அதிக டி20 அரைசதங்கள் அடித்த வீரர் என்ற பெருமையைப் பெற்றார்.

குசல் மெண்டிஸ் இருபது அரைசதங்களுடன் இரண்டாம் இடத்தில் உள்ளார் என்பதும் குறிப்பிடத்தக்கது.

இன்றையப் போட்டியில் நாணய சுழற்சியில் வெற்றி பெற்ற இலங்கை அணி முதலில் துடுப்பெடுத்தாடி 20 ஓவர்கள் நிறைவில் ஏழு விக்கெட்டுகளை இழந்து 178 ஓட்டங்களை பெற்றிருந்தமை குறிப்பிடத்தக்கது.

The post புதிய சாதனை படைத்தார் பத்தும் நிஸ்ஸங்க appeared first on Oruvan.com.

அண்மையில் அவுஸ்திரேலியா அணிக்கு எதிராக கண்டியில் இடம்பெற்ற போட்டியின் போது அவருக்கு இடது காலில் காயம் ஏற்பட்டது.

இதன் காரணமாக நான்கு பந்துகள் மாத்திரம் வீசிய நிலையில் அவர் போட்டியில் இருந்து வெளியேறினார்.

இந்நிலையில், இந்த தொடரின் எஞ்சிய போட்டிகளில் இருந்து விலகியுள்ளதாக தெரிவிக்கப்பட்டுள்ளது.

காயத்தில் இருந்து மீள்வதற்கு அவருக்கு சிறிது காலம் தேவை என்பதால், இந்த தொடரில் இருந்து விலகவுள்ளதாக தகவல்கள் குறிப்பிடப்படுகின்றது.

இந்நிலையில் அவருக்கு பதிலாக டில்ஷான் மதுஷங்க அல்லது நுவன் துஷார ஆகியோரில் ஒருவர் அணியில் இணைத்துக் கொள்ளப்படவுள்ளதாக தெரிவிக்கப்பட்டுள்ளது.

The post டி20 தொடரில் இருந்து மதீஷ பத்திரண விலகினார்! appeared first on Oruvan.com.

இந்த போட்டிக்கு ரசிகர்கள் மத்தியில் ஆர்வம் அதிகரித்துள்ள நிலையில், டிக்கெட் விலை கடுமையாக அதிகரித்துள்ளதாக தெரிவிக்கப்பட்டுள்ளது.

குறைந்த அளவிலான கிடைக்கும் தன்மை மற்றும் அதிக தேவை ஆகியவை இரண்டாம் நிலை சந்தை விலைகளை மதிப்புக்கு அப்பால் விலை அதிகரிப்பு காரணமாக அமைந்துள்ளதாக தெரிவிக்கப்பட்டுள்ளது.

முன்னதாக பதிவு செய்த ரசிகர்களுக்கு டிக்கெட்டுகள் விற்கப்பட்டதாகவும், இந்த வாரம் சர்வதேச கிரிக்கெட் பேரவையின் வலைத்தளத்தில் மிகக் குறைந்த டிக்கெட்டுகள் மட்டுமே கிடைக்கக்கூடும் என்றும் வதந்திகள் பரவியுள்ளன.

இதற்கிடையில், இந்தியாவும் பாகிஸ்தானும் மோதும் என்பது உறுதி செய்யப்பட்டதைத் தொடர்ந்து, மும்பைக்கும் கொழும்புக்கும் இடையிலான விமானக் கட்டணங்கள் கடுமையாக உயர்ந்துள்ளதாக இந்திய ஊடகங்கள் செய்தி வெளியிட்டுள்ளன.

புவிசார் அரசியல் பதட்டங்களைக் காரணம் காட்டி இந்தியாவுக்கு எதிரான டி20 உலகக் கிண்ண போட்டியைப் புறக்கணிக்க பாகிஸ்தான் முன்னதாக முடிவு செய்திருந்தது.

எவ்வாறாயினும், நீண்ட நாள் பேச்சுவார்த்தையை தொடர்ந்து, பாகிஸ்தான் கிரிக்கெட் அணி, அந்நாட்டு அரசாங்கத்தின் அனுமதியுடன் இந்தியாவுக்கு எதிராக விளையாட ஒப்புக்கொண்டது.

இதன்படி, எதிர்வரும் 15ஆம் திகதி கொழும்பு ஆர்.பிரேமதாச மைதானத்தில் இரவு ஏழு மணிக்கு இந்தியா, பாகிஸ்தான் அணிகளம் மோதம் போட்டி இடம்பெறவுள்ளது.

இந்தியாவுக்கு எதிரான போட்டியைப் புறக்கணிக்கும் முடிவை பாகிஸ்தான் அறிவித்ததிலிருந்து, பாகிஸ்தான் கிரிக்கெட் சபை, பங்களாதேஷ் கிரிக்கெட் சபை மற்றும் சர்வதேச கிரிக்கெட் பேரவை இடையே தீவிர பேச்சுவார்த்தைகள் நடந்துள்ளன.

இந்தியாவுக்கு எதிரான போட்டியைப் புறக்கணிக்கும் முடிவை மறுபரிசீலனை செய்யுமாறு இலங்கை கிரிக்கெட் சபையும் பாகிஸ்தானிடம் கோரிக்கை விடுத்திருந்தது.

பங்களாதேஷ் கிரிக்கெட் சபையின் தலைவர் அமினுல் இஸ்லாமும் பாகிஸ்தானிடம் இந்தியாவுக்கு எதிராகப் போட்டியில் விளையாடுமாறு வேண்டுகோள் விடுத்திருந்தார்.

எவ்வாறாயினும், இந்தியாவுக்கு எதிரான போட்டியில் விளையாடும் முடிவை மறுபரிசீலனை செய்ததற்காக பாகிஸ்தானுக்கு ஜனாதிபதி அனுர குமார திசாநாயக்க தனது பாராட்டுகளைத் தெரிவித்திருந்தார் என்பதும் குறிப்பிடத்தக்கது.

The post இந்தியா-பாகிஸ்தான் மோதும் போட்டி!! டிக்கெட் விலை ஒரு லட்சமாக உயர்வு… விமான கட்டணங்களும் சடுதியாக உயர்வு appeared first on Oruvan.com.

அத்துடன், போட்டி நடைபெறுவதை உறுதிப்படுத்தியதற்காக பாகிஸ்தான் பிரதமருக்கும் ஜனாதிபதி நன்றி தெரிவித்துள்ளார்.

தனது சமூக ஊடகத்தில் விடுத்துள்ள பதிவொன்றில் ஜனாதிபதி இவ்வாறு குறிப்பிட்டுள்ளார்.

இலங்கை, இந்தியாத இணைந்து நடத்தும் 2026 இருபதுக்கு இருபது உலகக் கிண்ண தொடரில் இந்தியாவுக்கு எதிரான போட்டியில் விளையாடப் போவதில்லை என பாகிஸ்தான் முடிவு செய்திருந்தது.

போட்டியை புறக்கணித்தால் கடுமையான நிதி நெருக்கடி ஏற்படும் என சர்வதேச கிரிக்கெட் பேரவை பாகிஸ்தான் அணிக்கு கடும் எச்சரிக்கை விடுத்திருந்தது.

எனினும், தனது முடிவில் உறுதியாக இருப்பதாக பாகிஸ்தான் பிரதமர் அண்மையில் தெரிவித்திருந்தார்.

இவ்வாறான பின்னணியில் நேற்று இரவு சர்வதேச கிரிக்கெட் பேரவை, பாகிஸ்தான் கிரிக்கெட் சபை உறுப்பினர்களுடன் பேச்சுவார்த்தை நடத்தியிருந்தது.

தொடர்ந்து பாகிஸ்தான் கிரிகெட் சபை தலைவர் மொசின் நக்வி, பாகிஸ்தான் பிரதமர் ஷெபாஸ் ஷெரீப் உடன் இதுகுறித்து ஆலோசனை நடத்தினார்.

இறுதியில் இந்திய அணியுடன் விளையாட பாகிஸ்தான் அரசாங்கம் அனுமதி வழங்கியது.

இதன்படி, எதிர்வரும் 15ஆம் திகதி திட்டமிட்டப்படி இந்திய, பாகிஸ்தான் அணிகள் மோதும் போட்டி இடம்பெறும் என உறுதி செய்யப்பட்டுள்ளது.

இந்நிலையில், இந்த விடயத்தில் சர்வதேச கிரிக்கெட் பேரவை முன்னெடுத்த முயற்சிகளுக்கும் ஜனாதிபதி அநுரகுமார திஸாநாயக்க பாராட்டு தெரிவித்துள்ளார்.

1996 உலகக் கோப்பையின் போது, பாதுகாப்பு காரணங்களுக்காக ஏனைய அணிகள் கொழும்பில் விளையாடாத நேரத்தில், இந்தியா மற்றும் பாகிஸ்தான் அணிகள் இலங்கைக்காக காட்டிய ஒற்றுமையை ஒருபோதும் மறக்கமாட்டோம் எனவும் அவர் சுட்டிக்காட்டியுள்ளார்.

அதேவேளை, பாகிஸ்தான் பிரதமருக்கு இலங்கை வெளிவிவகார அமைச்சரும் நன்றி தெரிவித்துள்ளார் என்பதும் குறிப்பிடத்தக்கது.

The post இந்தியாவுடன் விளையாடுவதை உறுதிப்படுத்திய பாகிஸ்தான் – ஜனாதிபதி அநுர நன்றி தெரிவிப்பு appeared first on Oruvan.com.

அந்நாட்டு பிரதமர் ஷெஹ்பாஸ் ஷெரீப் இதனை தெரிவித்துள்ளார்.

பாகிஸ்தான் ஊடகங்களின்படி, “டி20 உலகக் கிண்ணம் தொடர்பாக இந்தியாவுக்கு எதிரான போட்டியில் நாங்கள் விளையாட மாட்டோம் என்ற தெளிவான நிலைப்பாட்டை நாங்கள் எடுத்துள்ளோம்” என்று ஷெரீப் தெரிவித்துள்ளார்.

மிகவும், கவனமாக ஆலோசித்த பின்னர் இந்த முடிவு எடுக்கப்பட்டதாகவும், இந்த முடிவு மிகவும் பொருத்தமானது என்றும் அவர் குறிப்பிட்டுள்ளார்.

விளையாட்டுகளில் அரசியல் தலையிடக்கூடாது என்பதை வலியுறுத்திய ஷெரீப், ஒரு தீர்மானத்திற்கு வருவதற்கு முன்னர் இந்த விடயம் முழுமையாக மதிப்பிடப்பட்டதாகவும் அவர் தெரிவித்துள்ளார்.

முன்னதாக, எந்தவொரு குறிப்பிட்ட காரணத்தையும் தெரிவிக்காமல், பாகிஸ்தான் அணி இந்தியாவுக்கு எதிரான போட்டியில் விளையாடாது என்று அந்நாட்டு அரசாங்கம் அறிவித்திருந்தது.

இந்த இரு அணிகளுக்கும் இடையிலான இந்த லீக் போட்டியானது, எதிர்வரும் 15ஆம் திகதி கொழும்பில் நடைபெறவுள்ளது.

எவ்வாறாயினும், பாகிஸ்தான அரசாங்கத்தின் அறிவிப்புக்கு பதிலளிக்கும் விதமாக, சர்வதேச கிரிக்கெட் பேரவை (ஐசிசி) இந்த நடவடிக்கையை கடுமையாக விமர்சித்து அறிக்கை ஒன்றை வெளியிட்டிருந்தது.

அந்த அறிக்கையில், குறிப்பிட்ட போட்டிகளில் மட்டும் பங்கேற்பது, போட்டியின் உணர்வையும் புனிதத்தையும் பலவீனப்படுத்தும்” என்று பதிவு செய்துள்ளது.

மேலும், பாகிஸ்தான் அரசின் இந்த முடிவானது கிரிக்கெட் விளையாட்டுக்கோ அல்லது பாகிஸ்தான் ரசிகர்களுக்கோ நல்ல செய்தி அல்ல. ஒரு குறிப்பிட்ட போட்டியில் மட்டும் பங்கேற்க மறுப்பது நியாயமில்லாதது.

இது உலக கிரிக்கெட்டையே பாதிப்புக்கு உள்ளாக்கும் என தெரிவிக்கப்பட்டிருந்தது.

இந்நிலையில், இஸ்லாமாபாத்தில் நடைபெற்ற மத்திய அமைச்சரவைக் கூட்டத்தில் உரையாற்றிய பாகிஸ்தான் பிரதமர் ஷெஹ்பாஸ் ஷெரீப், இந்தியாவுக்கு எதிரான போட்டியை புறக்கணிப்பதை மீளவும் உறுதிப்படுத்தியுள்ளார்.

எவ்வாறாயினும், பாகிஸ்தான் அணிக்கு சர்வதேச கிரிக்கெட் பேரவை, கடுமையான அபராதம் மற்றும் தடைகளை விதிக்கும் சூழ்நிலையும் உருவாகியுள்ளது.

இவ்விரு அணிகளுக்கும் இடையிலான போட்டி நடைபெறாமல் போனால் சர்வதேச கிரிக்கெட் பேரவை சுமார் 300 மில்லியன் டொலருக்கு அதிகமான இழப்பை சந்திக்க நேரிடும் என்றும் மதிப்பிடப்பட்டுள்ளது.

The post இந்தியாவுக்கு எதிரான போட்டியில் விளையாட மாட்டோம் – பாகிஸ்தான் பிரதமர் உறுதி appeared first on Oruvan.com.

இதன்படி, பனி பொழிவு இந்திய அணிக்கு பெரும் சவாலாக இருக்கும் என தோனி சுட்டிக்காட்டியுள்ளார்.

விளையாட்டு தொகுப்பாளர் ஜதின் சாம்ப்ரு எழுப்பிய கேள்விக்கு பதிலளித்து பேசிய தோனி இவ்வாறு கூறியுள்ளார்.

“இந்திய அணி மிகவும் ஆபத்தான அணி. துடுப்பாட்டம் மற்றும் பந்துவீச்சு இரண்டிலும் இந்திய அணி மிகவும் ஆபத்தானது.

தற்போதைய அணிக்கு அனுபவம் உள்ளது, குறிப்பாக டி20 வடிவத்தில் மிகுந்த அனுபவம் உள்ளது.

வீரர்கள் அழுத்தத்தின் கீழ் சிறப்பாக செயல்பட்டுள்ளனர், மேலும் அனைவரும் தங்களின் பாத்திரங்களை சிறப்பாக செய்கிறார்கள்.

ஆனாலும் எனக்கு மிகப்பெரிய கவலை பனி பொழிவு தான்.

எனெனில் பனிப் பொழிவு போட்டியின் போக்கை முற்றிலும் மாற்றிவிடும் என தோனி சுட்டிக்காட்டியுள்ளார்.

“நான் விளையாடும்போது, ​​பனிப் பொழிவை கண்டு மிகவும் பயந்துள்ளேன். இதுபோன்ற சமயங்களில்,  நாணய சுழற்சி உங்களுக்கு மிக முக்கியமானதாகிவிடும்.

சிறந்த அணிகளுக்கு எதிராக 10 போட்டிகளில் விளையாடினால், நாங்கள் வெற்றி பெறுவது கிட்டத்தட்ட உறுதியாகிவிடும்.

எனினும், எங்கள் வீரர்கள் மோசமான நாளையும், எதிர் அணி நல்ல நாளையும் அனுபவிக்கும்போது சந்தரப்பம் எழும், இது டி20 கிரிக்கெட்டில் அடிக்கடி நடக்கும்.

இந்த சந்தர்ப்பம் லீக் கட்டத்திலோ அல்லது நாக் அவுட் கட்டத்திலோ எந்த நேரத்திலும் நிகழலாம்” என்று தோனி மேலும் தெரிவித்துள்ளார்.

The post இந்திய அணிக்கு காத்திருக்கும் சவால் – தோனியின் கவலை appeared first on Oruvan.com.

இதன்படி அணியின் தலைவராக தசுன் ஷானக அறிவிக்கப்பட்டுள்ளார்.

பத்துதம் நிஸ்ஸங்க, குசல் மெண்டிஸ், குசல் ஜனித் பெரேரா, சரித் அசலங்க, கமில் மிஷாரா, பவன் ரத்நாயக்க, ஜனித் லியனகே, தசுன் ஷானக (தலைவர்), கமிந்து மெண்டிஸ், துஷ்மந்த சமீர, மதிஷா பதீரனா, எஷான் மலிங்க, வனிந்து ஹசரங்க, மஹிஷ் தீக்ஷனா, துனித் வெல்லலகே ஆகியோர் உள்ளடங்கிய அணி அறிவிக்கப்பட்டுள்ளது.

ஆரம்பத்தில் தேர்வுக் குழுவால் மத்திய வரிசையை வலுப்படுத்த முன்மொழியப்பட்ட தனஞ்சய டி சில்வா அணியில் இருந்து நீக்கப்பட்டுள்ளார்.
எனினும், கமிந்து மெண்டிஸ் அணிக்கு மீளவும் அழைக்கப்பட்டுள்ளார்.

இருபதுக்கு 20 உலகக் கிண்ண தொடருக்கு பவன் ரத்நாயக்க அழைக்கப்பட்டது கடைசி நிமிட முடிவாகக் கருதப்படுகிறது. பிரமோத் மதுஷனுக்குப் பதிலாக அவர் அழைக்கப்படுகிறார்.

நேற்றைய போட்டியில் காயமடைந்து மைதானத்தை விட்டு வெளியேற வேண்டிய கட்டாயத்திற்கு ஆளான எஷான் மலிங்கா அணியில் சேர்க்கப்பட்டுள்ளார்.

துனித் வெல்லலகே, வனிந்து ஹசரங்க மற்றும் மஹிஷ் தீக்ஷனா ஆகியோர் சுழற்பந்து வீச்சாளர்களாக அணியில் இணைக்கப்பட்டுள்ளனர்.

டி20 உலகக் கிண்ண தொடரில் குழு பீ இல் இடம்பெற்றுள்ள இலங்கை அணி எதிர்வரும் எட்டாம் திகதி கொழும்பு ஆர்.பிரேமதாச மைதானத்தில் அயர்லாந்துக்கு எதிரான முதல் போட்டியில் விளையாடவுள்ளது.

16ஆம் திகதி அவுஸ்திரேலியா அணியை இலங்கை அணி எதிர்கொள்ளவுள்ளது. இந்த போட்டி கண்டி பல்லேகல மைதானத்தில் இடம்பெறவுள்ளமை குறிப்பிடத்தக்கது.

The post டி20 உலகக் கிண்ண தொடருக்கான இலங்கை அணி அறிவிப்பு appeared first on Oruvan.com.