தங்கள் தயாரிப்புகளில் பயன்படுத்தப்படும் மூலப்பொருட்களின் விநியோகத்தை ஈரான் போர் தொடர்ந்து சீர்குலைத்தால், இந்த விலை அதிகரிப்பை மேற்கொள்ளவுள்ளதாக அதன் தலைமை நிர்வாக அதிகாரி கோ மியா கியாட் தெரிவித்துள்ளார்.

மோதல் தொடங்கியதிலிருந்து உற்பத்திச் செலவுகள் கடுமையாக அதிகரித்துள்ளதாக காரெக்ஸ் நிறுவனத்தின் தலைமை நிர்வாக அதிகாரி கோ மியா கியாட் ஊடகங்களிடம் தெரிவித்துள்ளார்.

மலேசியாவைத் தளமாகக் கொண்ட இந்நிறுவனம், ஆண்டுக்கு ஐந்து பில்லியனுக்கும் அதிகமான ஆணுறைகளை உற்பத்தி செய்கின்றது.

இங்கிலாந்தின் தேசிய சுகாதார சேவை போன்ற அரசு சுகாதார அமைப்புகளுக்கும் இந்த நிறுவனம் ஆணுறைகளை விநியோகம் செய்கிறது.

அமெரிக்க மற்றும் இஸ்ரேலிய வான்வழித் தாக்குதல்களுக்குப் பதிலளிக்கும் விதமாக, ஹார்முஸ் நீரிணை ஊடாக பயணிக்கும் கப்பல்களைத் தாக்குவோம் என ஈரான் அச்சுறுத்தல் விடுத்ததிலிருந்து, உலகளாவிய எண்ணெய் விநியோகம் கடுமையாகப் பாதிக்கப்பட்டுள்ளது.

மேலும், குறித்த நீரிணையை முற்றிலுமாக மூடி, உலகளாவிய விநியோகச் சங்கிலிகளில் பெரும் இடையூறுகளை ஏற்படுத்தியுள்ளது.

உலகின் கச்சா எண்ணெய் மற்றும் திரவமாக்கப்பட்ட இயற்கை எரிவாயு (LNG) ஆகியவற்றில் சுமார் ஐந்தில் ஒரு பங்கும், மற்ற பெட்ரோலிய வேதிப்பொருட்களும் பொதுவாக இந்த நீரிணை வழியாகவே கொண்டுச் செலப்படுகின்றன.

கரேக்ஸ், லேடெக்ஸைப் பாதுகாக்கப் பயன்படும் அம்மோனியா மற்றும் சிலிக்கான் அடிப்படையிலான மசகுப் பொருட்கள் உள்ளிட்ட, எண்ணெயிலிருந்து பெறப்படும் மூலப்பொருட்களைச் சார்ந்துள்ளது.

எவ்வாறாயினும், இந்த ஆண்டு ஆணுறைகளுக்கான தேவை சுமார் 30 வீதம் அதிகரித்துள்ளதாக தெரிவித்துள்ள மியா கியாட், அதிகரித்துள்ள சரக்குக் கட்டணங்கள் மற்றும் விநியோகத்தில் ஏற்படும் தாமதங்கள் பற்றாக்குறையை மேலும் மோசமாக்கியுள்ளதாகவும் குறிப்பிட்டுள்ளார்.

ஆணுறை விலைகளின் திடீர் உயர்வு, உலகின் எரிசக்தி சந்தைகளை ஏற்கனவே உலுக்கியுள்ள ஈரானுடனான அமெரிக்க-இஸ்ரேல் போர், நுகர்வோருக்கான பிற பொருட்களின் விலைகளையும் எவ்வாறு உயர்த்துகிறது என்பதை அடிக்கோடிட்டுக் காட்டுவதாக வல்லுநர்கள் தெரிவித்துள்ளனர்.

புதிய ஆய்வின்படி, போர் காரணமாக விமானக் கட்டணங்கள் திடீரென உயர்ந்துள்ளன, குறைந்த விலை எகானமி டிக்கெட்டுகளின் விலை, ஒரு வருடத்திற்கு முன்பு இருந்ததை விட சராசரியாக 24 வீதம் உயர்ந்துள்ளதாக தெரிவிக்கப்பட்டுள்ளது.

இதற்கிடையில், வளைகுடா வழியாக நடைபெறும் சரக்கு விநியோகத்தில் ஏற்பட்ட இடையூறு, உரங்களின் விலை உயர்வுக்கும், கணினி சில்லுகள் தயாரிக்கப் பயன்படும் ஹீலியத்திற்குத் தட்டுப்பாடு ஏற்படவும் வழிவகுத்துள்ளது.

உற்பத்தியாளர்கள் மூலப்பொருட்களைப் பெறுவதில் சிரமப்படுவதால், போத்தல் குடிநீர் தொழிலும் நெருக்கடியில் உள்ளதாக தெரிவிக்கப்பட்டுள்ளது.

போக்குவரத்துச் செலவுகள் அதிகரிப்பதன் காரணமாக சர்க்கரை, பால் பொருட்கள் மற்றும் பழங்களின் விலைகள் உயரும் என்று ஐக்கிய நாடுகள் சபை இந்த மாத ஆரம்பத்தில் எச்சரிக்கை விடுத்திருந்தமை குறிப்பிடத்தக்கது.

The post ஈரான் போர் எதிரொலி: உலகளவில் ஆணுறைக்கு கடும் தட்டுப்பாடு – விலையை உயர்த்தும் பிரபல நிறுவனம் appeared first on Oruvan.com.

ஊடகங்களிடம் பேசிய அவர், இரண்டாம் சுற்றுப் பேச்சுவார்த்தையில் பங்கேற்கும் எண்ணம் ஈரானுக்கு இல்லை என்று தெரிவித்துள்ளார்.

மேலும், அமெரிக்கா போர் நிறுத்தத்தை மீறிவிட்டது என்றும், அமெரிக்காவின் போர் நிறுத்த மீறல் குறித்து பாகிஸ்தான் மத்தியஸ்தருக்குத் தெரிவிக்கப்பட்டுள்ளது என்றும் அவர் குறிப்பிட்டுள்ளார்.

ஈரான் ஒரு அமைதியான நாடு என்றும், இராஜதந்திர செயல்முறையை முன்னெடுத்துச் செல்வதில் அமெரிக்கா அக்கறை காட்டவில்லை என்றும், அது ஆக்கிரமிப்பு நடவடிக்கைகளில் ஈடுபட்டு போர் நிறுத்தத்தின் விதிமுறைகளை மீறியுள்ளது என்றும் இஸ்மாயில் பாகாயி மேலும் தெரிவித்துள்ளார்.

அமெரிக்காவின் முன்மொழிவுகள் அற்பமானவை என்றும், அமெரிக்காவின் கோரிக்கைகள் யதார்த்தமற்றவை என்றும் இஸ்மாயில் பகாய் கூறியுள்ளார்.

ஈரான் தனது கோரிக்கைகளைத் தெளிவாகக் கூறியுள்ளது, அவற்றை மாற்றிக்கொள்ளாது. ஈரானின் தேசிய நலன்களைப் பாதுகாக்கும் விடயத்தில், நாங்கள் காலக்கெடுவையோ அல்லது இறுதி எச்சரிக்கைகளையோ நம்புவதில்லை.

ஈரானிலிருந்து அணுசக்திப் பொருட்களை வெளியேற்றுவது பேச்சுவார்த்தைகளின் ஒரு பகுதியாக ஒருபோதும் இருந்ததில்லை என்றும், தனது அணுசக்தி சாதனங்கள் நாட்டிற்குள்ளேயே பாதுகாப்பாக வைக்கப்படும் என்பதே ஈரானின் தெளிவான நிலைப்பாடு என்றும் அவர் சுட்டிக்காட்டியுள்ளார்.

எங்கள் மீது கடற்படை முற்றுகையை விதித்து அமெரிக்கா போர் நிறுத்த ஒப்பந்தத்தை மீறியதாகவும், கடற்படை முற்றுகையை விதித்து ஈரானியக் கப்பல் மீது தாக்குதல் நடத்தியதாகவும், தற்போதைய போர் போன்ற சூழ்நிலை காரணமாக ஹார்முஸ் நீரிணையில் கடல் போக்குவரத்தை ஒருதலைப்பட்சமாக இயல்பு நிலைக்குக் கொண்டுவருவது சாத்தியமில்லை என்றும் அவர் கூறினார்.

அமெரிக்காவின் இந்த நடவடிக்கை, போர்நிறுத்தத்தையும் சர்வதேச சட்டங்களையும் மீறுவதாகும் என்று அவர் மேலும் கூறினார். அமெரிக்கா அனுபவங்களிலிருந்து பாடம் கற்றுக்கொள்ளவில்லை, அதன் விளைவுகள் ஒருபோதும் நல்லதாக இருக்காது.

முந்தைய பேச்சுவார்த்தைகளின் போது அமெரிக்கா நம்மீது நடத்திய தாக்குதல்களை நம்மால் மறக்க முடியாது.

அமெரிக்காவும் இஸ்ரேலும் ஒரு புதிய ஆக்கிரமிப்பைத் தொடங்க விரும்பினால், நமது ஆயுதப் படைகள் அதற்குப் பதிலடி கொடுக்கும், நமது தேசிய நலன்களைத் தொடர்ந்து பாதுகாக்கும், அமெரிக்க-இஸ்ரேலிய தாக்குதல்களுக்கு முன்பு ஹார்முஸ் நீரிணை பாதுகாப்பாக இருந்தது.

பாகிஸ்தானிய மத்தியஸ்தரின் விளக்கம் இருந்தபோதிலும், லெபனானில் போர் நிறுத்தம் ஒப்பந்தத்தின் ஒரு பகுதியாக இல்லை என்று அமெரிக்கா கூறியது.

இந்தியக் கப்பல்கள் குறிவைக்கப்பட்டது குறித்து ஈரானிய நிறுவனங்கள் விசாரித்து வருகின்றன என்று இஸ்மாயில் பகாய் மேலும் தெரிவித்துள்ளார்.

The post அமெரிக்கா எல்லை மீறிவிட்டது! பேச்சுவார்தையில் கலந்துகொள்ளபோவதில்லை என ஈரான் அறிவிப்பு appeared first on Oruvan.com.

மத்திய கிழக்கில் ஏற்பட்டுள்ள போர் பதற்றம் 17வது நாளாக நீடித்துள்ள நிலையில், உலக அளவில் பாரிய எரிபொருள் நெருக்கடி ஏற்பட்டுள்ளது.

அமெரிக்கா மற்றும் இஸ்ரேலும் ஈரான் மீது போர் தொடுத்ததை அடுத்து இந்த மாத ஆரம்பத்தில் ஹர்முஸ் நீரிணையை ஈரான் மூடியது. இதனால் உலக அளவில் பெரும் நெருக்கடி ஏற்பட்டுள்ளதுடன், எரிபொருள் விலையும் சடுதியாக அதிகரித்துள்ளது.

இந்நிலையில், குறித்த விடயம் தொடர்பில் கருத்து வெளியிட்ட பிரதமர் கெய்ர் ஸ்டார்மர், சம்பந்தப்பட்ட தரப்பினருடன் தொடர்ந்து பேச்சுவார்த்தை நடத்தி, நெருக்கடியைத் தீர்க்க தலையிட்டுள்ளதாக கூறியுள்ளார்.

எவ்வாறாயினும், தற்போதைய மோதலில் பிரித்தானியா எந்த வகையிலும் தலையிடாது என்றும் பிரதமர் வலியுறுத்தியுள்ளார்.

இதற்கிடையில், ஈரானின் அச்சுறுத்தல்களுக்குப் பதிலளிக்கும் விதமாக, ஹர்முஸ் நீரிணையை வலுக்கட்டாயமாகத் திறப்பதற்கும், அப்பகுதிக்கு போர்க்கப்பல்களை அனுப்புவதற்கும் ஆதரவளிக்குமாறு நேட்டோ தலைவர்களுக்கு அமெரிக்க ஜனாதிபதி அழைப்பு விடுத்துள்ளார்.

பிரித்தானியா நேட்டோவின் ஐரோப்பிய உறுப்பினர் நாடாக இருக்கின்றே போதிலும், அமெரிக்க ஜனாதிபதி அழைப்பை நிராகரித்துள்ளது.

பிரித்தானியா மட்டுமின்றி ஏனையு ‘நேட்டோ’ நாடுகளும் அமெரிக்காவுடன் இணைந்து ஈரானுடன் போரில் ஈடுபட மாட்டோம் என்று திட்டவட்டமாக அறிவித்துள்ளமை குறிப்பிடத்தக்கது.

The post ஹர்முஸ் நீரிணை நெருக்கடியை தீர்க்க பிரதமர் கெய்ர் ஸ்டார்மர் முயற்சி – மோதலில் ஈடுபட போவதில்லை எனவும் அறிவிப்பு appeared first on Oruvan.com.

இந்திய வெளியுறவு அமைச்சர் எஸ். ஜெய்சங்கர்  இதனை தெரிவித்துள்ளார்.

ஈரானுடனான பேச்சுவார்த்தைகள் ஏற்கனவே சில சாதகமான முடிவுகளைத் தந்துள்ளதாக ஃபைனான்சியல் டைம்ஸூக்கு அளித்த செவ்வியில் அவர் குறிப்பிட்டுள்ளார்.

எவ்வாறாயினும், அனைத்து இந்தியக் கப்பல்களுக்கும் இன்னும் பொதுவான அனுமதி வழங்கப்படவில்லை என்றும் அவர் குறிப்பிட்டுள்ளார்.

ஒவ்வொரு கப்பலையும் தனித்தனியாகப் பரிசீலித்து நடத்தப்படும் கலந்துரையாடல்களின் அடிப்படையில் அனுமதி வழங்கப்படும் என்றும் அவர் மேலும் தெரிவித்துள்ளார்.

பேச்சுவார்த்தைகளின் முன்னேற்றமாக, இந்தியக் கொடியுடன் கூடிய இரண்டு எரிவாயு கப்பல்கள் கடந்த சனிக்கிழமை ஹார்முஸ் நீரிணை வழியாக பயணத்தை மேற்கொண்டிருந்தன.

மேலும் 22 இந்தியக் கப்பல்கள் அனுமதிக்காகக் காத்திருப்பதாகவும் தெரிவிக்கப்பட்டுள்ளன.

இந்தியாவின் கச்சா எண்ணெய் தேவைகளில் சுமார் 40 தொடக்கம் 50 சதவீதம் ஹர்முஸ் நீரிணையை வழியாகவே முன்னெடுக்கப்படுகின்றமை குறிப்பிடத்தக்கது.

The post ஈரானுடன் பேச்சுவார்த்தை வெற்றி – இந்தியா அறிவிப்பு appeared first on Oruvan.com.

இதன்படி, ஹர்முஸ் நீரிணைக்கு கடற்படை போர்க்கப்பல்களை அனுப்பப் போவதில்லை என பிரித்தானிய பிரதமர் கெய்ர் ஸ்டார்மர் மறுப்பு வெளியிட்டுள்ளதாக தி டெய்லி டெலிகிராஃப் தெரிவித்துள்ளது.

ஹர்முஸ் நீரிணை பகுதிக்கு போர்கப்பல்களை அனுப்ப வேண்டும் என்ற அமெரிக்க ஜனாதிபதியின் கோரிக்கையை பிரதமர் கெய்ர் ஸ்டார்மர் நிராகரித்துள்ளார் எனவும் அந்த செய்தியில் தெரிவிக்கப்பட்டுள்ளது.

இந்த நடவடிக்கைக்கு பிரித்தானியா தயாராக இல்லை என்று பிரதமர் கெய்ர் ஸ்டார்மர் டிரம்பிடம் கூறியதாக தி டெய்லி டெலிகிராஃப் கூறியுள்ளது.

ஹார்முஸ் நீரிணையை மீளவும் திறக்க சீனா உட்பட உலகம் முழுவதும் உள்ள நட்பு நாடுகளிடம் அமெரிக்க ஜனாதிபதி ட்ரம்ப் கடந்த சனிக்கிழமை உதவி கோரியிருந்தார்.

சீனா, பிரான்ஸ், ஜப்பான், தென் கொரியா, பிரித்தானியா உள்ளிட்ட நாடுகளும் ஹார்முஸ் நீரிணைக்கு தங்கள் போர்க்கப்பல்களை அனுப்பும் என்றும் ட்ரம்ப் நம்பிக்கை கொண்டிருந்தார்.

எவ்வாயினும், ட்ரம்பின் கோரிக்கைக்கு உலக நாடுகள் அமைதி காத்துள்ளதுடன், ஜப்பான், அவுஸ்திரேலியா உள்ளிட்ட நாடுகள் வெளிப்படையாக மறுப்பு தெரிவித்துள்ளன.

மேலும் சீனாவும் டிரம்பின் கோரிக்கை குறித்து அமைதி காத்து வருகின்றது.

ட்ரம்பின் கோரிக்கையை ஆய்வு செய்து வருவதாக தென் கொரியா கூறியுள்ள நிலையில், பிரான்ஸ் ஏற்கனவே தனது கப்பல்களை அந்தப் பகுதிக்கு அனுப்ப மறுத்துவிட்டது.

இந்நிலையில், ஹர்முஸ் நீரிணைக்கு கடற்படை போர்க்கப்பல்களை அனுப்பப் போவதில்லை என பிரித்தானிய பிரதமர் கெய்ர் ஸ்டார்மர் மறுப்பு வெளியிட்டுள்ளதாக தி டெய்லி டெலிகிராஃப் தெரிவித்துள்ளது.

The post ஹார்முஸ் நீரிணைக்கு போர்க்கப்பல்களை அனுப்ப பிரித்தானியா மறுப்பு appeared first on Oruvan.com.

இந்திய தகவல்களை மேற்கோள் காட்டி ரொயிட்டஸ் செய்தி வெளியிட்டுள்ளது.

எவ்வாறாயினும், வெளியே உள்ள ஈரானிய ஆதாரங்கள்அத்தகைய ஒப்பந்தம் எதுவும் எட்டப்படவில்லை என்று மறுத்துள்ளதாகவும் அந்தச் செய்தியில் தெரிவிக்கப்பட்டுள்ளது.

இந்திய வெளியுறவு அமைச்சகமும், டில்லியில் உள்ள ஈரானிய தூதரகமும் இந்த விடயம் தொடர்பில் உடனடியாக பதிலளிக்கவில்லை.

மேலும், ஊடகங்களுடன் பேசுவதற்கு அங்கீகாரம் இல்லாததைக் காரணம் காட்டி, இந்திய வட்டாரம் பெயர் குறிப்பிட மறுத்துள்ளதாக ரொயிட்டர்ஸ் வெளியிட்டுள்ள செய்தியில் தெரிவிக்கப்பட்டுள்ளது.

மேற்கு இந்தியாவில் உள்ள காண்ட்லா துறைமுகத்திற்குச் சென்ற தாய்லாந்து கப்பல் நேற்று புதன்கிழமை ஹர்முஸ் நீரிணைப் பகுதியில் தாக்கப்பட்டது.

இந்த தாக்குதலுக்கு இந்தியா கடும் கண்டம் தெரிவித்திருந்தது.

இந்த தாக்குதலை தொடர்ந்து வணிகக் கப்பல் போக்குவரத்து இராணுவத் தாக்குதல்களுக்கு இலக்காகக் கொள்ளப்படுவதை இந்தியா கண்டிக்கிறது” என்று இந்திய வெளியுறவு அமைச்சகம் எச்சரிக்கை விடுத்திருந்தது.

“மோதலின் ஆரம்ப கட்டத்தில் இதுபோன்ற பல தாக்குதல்களில் இந்திய குடிமக்கள் உட்பட விலைமதிப்பற்ற உயிர்கள் ஏற்கனவே இழக்கப்பட்டுள்ளன.

மேலும் தாக்குதல்களின் தீவிரமும் உயிரிழப்பும் அதிகரித்து வருவதாக” வெளியுறவு அமைச்சகம் குறிப்பிட்டிருந்தது.

பெப்ரவரி 28ஆம் திகதி முதல் இஸ்ரேலும் அமெரிக்காவும் போரை தொடங்கியதிலிருந்து, ஈரான் ஹர்முஸ் நீரிணை வழியாக பயணித்த 16 கப்பல்களைத் தாக்கியுள்ளது.

ஹர்முஸ் நீரிணை மூடப்பட்டுள்ளதாலும், ஈரானின் தாக்குதல்கள் காரணமாகவும் கச்சா எண்ணெய் விலைகள் பீப்பாய்க்கு 200 டொலராக உயரக்கூடும் என கணிக்கப்பட்டுள்ளது.

இந்த விலை அதிகரிப்பானது தற்போதைய விலையை விட சுமார் இரு மடங்கு அதிகமாகும் என பொருளாதார வல்லுநர்கள் சுட்டிக்காட்டியுள்ளனர்.

The post இந்தியக் கொடியுடன் கூடிய கப்பல்கள் ஹர்முஸ் நீரிணை வழியாக ஈரான் அனுமதி? appeared first on Oruvan.com.