நேற்று (ஜனவரி 8, 2026) மாலை 6:44 மணியளவில் குவைத் நோக்கிப் புறப்பட்ட இந்த விமானம், சுமார் 2 மணித்தியாலங்கள் 21 நிமிடப் பயணத்தின் பின்னர் மீண்டும் திருப்பிக் கொண்டுவரப்பட்டது.

விமானம் நடுவானில் பறந்துகொண்டிருந்தபோது, அதன் ஹைட்ரோலிக் (Hydraulic) அமைப்பில் கோளாறு ஏற்பட்டுள்ளதை விமானி அவதானித்துள்ளார்.

உடனடியாக இது குறித்துக் கட்டுநாயக்க விமான நிலையக் கட்டுப்பாட்டு அறைக்கு அறிவித்ததையடுத்து, விமானத்தைப் பாதுகாப்பாக மீண்டும் தரையிறக்குமாறு அறிவுறுத்தப்பட்டது.

அதன்படி செயற்பட்ட விமானி, இரவு 9:05 மணியளவில் விமானத்தைக் கட்டுநாயக்கவில் பத்திரமாகத் தரையிறக்கினார்.

இந்த விமானத்தில் 179 பயணிகள் மற்றும் 8 பணியாளர்கள் என மொத்தம் 187 பேர் இருந்ததாகத் தெரிவிக்கப்பட்டுள்ளது.

அதிர்ஷ்டவசமாக இந்தச் சம்பவத்தில் எவருக்கும் பாதிப்பு ஏற்படவில்லை.

தொழில்நுட்பக் கோளாறுக்கு உள்ளான விமானத்தில் இருந்த பயணிகள், மாற்று விமானங்கள் மூலம் குவைத்திற்கு அனுப்பி வைக்கப்பட்டுள்ளதாக ஸ்ரீலங்கன் ஏர்லைன்ஸ் நிறுவனத்தின் ஊடகப் பேச்சாளர் தீபால் பெரேரா உறுதிப்படுத்தியுள்ளார்

The post 187 பேருடன் அவசரமகாத தரையிறக்கப்பட்ட ஸ்ரீலங்கன் ஏர்லைன்ஸ் விமானம் appeared first on Oruvan.com.

அத்துடன், 1979 அல்லது +94 117 77 1979 என்ற துரித இலக்கத்திற்கு அழைத்து தகவல்களைப் பெறுமாறு ஸ்ரீலங்கன் ஏர்லைன்ஸ் அறிவுறுத்துகிறது.

இதற்கிடையில், கட்டுநாயக்க விமான நிலையத்தில் தரையிறங்க வந்த ஆறு விமானங்கள் வேறு விமான நிலையங்களுக்கு திருப்பி விடப்பட்டுள்ளன.

கட்டுநாயக்க விமான நிலையத்திற்கு வந்த ஆறு விமானங்களை இந்தியாவின் திருவனந்தபுரம் மற்றும் கொச்சின் விமான நிலையங்களுக்கு திருப்பி விட நடவடிக்கை எடுக்கப்பட்டுள்ளதாக விமான நிலைய பொறுப்பதிகாரி குறிப்பிட்டுள்ளார்.

The post விமான நிலையம் செலலும் பயணிகளுக்கு விசேட அறிவிப்பு appeared first on Oruvan.com.

சவூதி அரேபிய பயணி ஒருவர் இவ்வாறு கைது செய்யப்பட்டதாக தெரிவிக்கப்பட்டது.

28 வயதான சவுதி அரேபிய நாட்டவர், சவூதி அரேபியாவின் ரியாத்தில் இருந்து கட்டுநாயக்க விமான நிலையம் ஊடாக மலேசியாவுக்குச் செல்வதற்காக ஸ்ரீலங்கன் ஏர்லைன்ஸ் விமானத்தில் UL-266இல் பயணித்துள்ளார்.

விமானம் கட்டுநாயக்க விமான நிலையத்தில் தரையிறங்கத் தயாராகிக் கொண்டிருந்தபோது, ​​விமானத்தில் இருந்த அனைத்து பயணிகளும் தங்கள் இருக்கை பெல்ட்களைக் கட்டிக்கொண்டு இருக்கைகளில் அமர வேண்டியிருந்தது.

எனினும், இந்த பயணி மட்டும் அந்த விதியை மீறி கழிப்பறைக்குச் செல்ல முயன்றார். இதன்போது மோதல் ஏற்பட்டதாக கட்டுநாயக்க விமான நிலைய பொலிஸார் நடத்திய ஆரம்ப விசாரணையில் தெரியவந்துள்ளது.

விமான ஊழியர்கள் சம்பவம் குறித்து விமானிக்கு தகவல் அளித்ததை அடுத்து, விமானம் தரையிறங்கியதும் விமானத்தின் அருகே வந்த காவல்துறை அதிகாரிகள் சந்தேகநபரை கைது செய்தனர்.

இந்த சம்பவம் இலங்கை வான்வெளியில் நடந்ததால், சந்தேகத்திற்குரிய சவூதி அரேபிய பிரஜை நாளை (27) கொழும்பு எண் 01 நீதவான் நீதிமன்றத்தில் முன்னிலைப்படுத்தப்படவுள்ளார்.

The post ஸ்ரீலங்கன் விமானத்தில் பணிப்பெண்கள் மீது தாக்குதல்! வெளிநாட்டவர் ஒருவர் கைது appeared first on Oruvan.com.

இதன்படி, இன்று காலை 8.45க்கு ஸ்ரீலங்கன் விமான நிறுவனத்தின் UL-181 விமானம் காத்மண்டு நோக்கி பயணித்துள்ளதாக விமான நிறுவனத்தின் பெருநிறுவன தொடர்புத் தலைவர் தீபால் பெரேரா தெரிவித்தார்.

நேபாளத்தில் நிலவும் அமைதியின்மை காரணமாக சர்வதேச விமான நிலையம் நேற்று (10) மூடப்பட்டதைத் தொடர்ந்து, இலங்கைக்கும் நேபாளத்திற்கும் இடையிலான விமான சேவை நிறுத்தப்பட்டிருந்தது.

இதனால், காத்மாண்டுவிற்கு பயணிக்க நேற்று காலை கட்டுநாயக்க விமான நிலையத்திற்கு வந்த பயணிகளுக்கு தங்குமிடம் மற்றும் ஹோட்டல் வசதிகளை ஸ்ரீலங்கன் விமான நிறுவனம் வழங்கியதாக கட்டுநாயக்க விமான நிலையப் பொறுப்பதிகாரி தெரிவித்தார்.

எவ்வாறாயினும், இன்று காலை மீளவும் விமான சேவை ஆரம்பிக்கப்பட்டுள்ளதாக தெரிவிக்கப்பட்டுள்ளது. காலை 8.45க்கு விமானம் காத்மண்டு நோக்கி பயணித்துள்ளது.

இந்த விமானம் இன்று மதியம் 11.41 மணிக்கு நேபாளத்தின் காத்மாண்டு சர்வதேச விமான நிலையத்தில் தரையிறங்க திட்டமிடப்பட்டுள்ளது.

மேலும் குறித்த விமானம் இன்று பிற்பகல் 04.40 மணிக்கு கட்டுநாயக்க விமான நிலையத்திற்குத் திரும்பும் எனவும் தெரிவிக்கப்பட்டுள்ளது.

நேபாளத்தின் காத்மாண்டு சர்வதேச விமான நிலையத்திற்கு விமானங்களை இயக்கும் ஒரே விமான நிறுவனம் ஸ்ரீலங்கன் ஏர்லைன்ஸ் என்றும், வாரத்தில் நான்கு நாட்கள் விமானங்கள் இயக்கப்படுவதாகவும் தீபால் பெரேரா மேலும் தெரிவித்தார்.

The post நேபாளத்திற்கு மீளவும் சேவையை ஆரம்பித்தது ஸ்ரீலங்கன் விமானம் appeared first on Oruvan.com.

நேபாளத்தின் தற்போதைய சூழ்நிலையைக் கருத்தில் கொண்டு இந்த முடிவு எடுக்கப்பட்டுள்ளதாக தெரிவிக்கப்பட்டுள்ளது.

நேபாளத்தில் சட்டம் ஒழுங்கைப் பராமரிக்கும் பொறுப்பை நேற்று (09) இரவு 10 மணி முதல் அந்நாட்டு இராணுவமும் பிற பாதுகாப்புப் படையினரும் ஏற்றுக்கொண்டுள்ளனர்.

அதிகரித்து வரும் வன்முறையைக் கட்டுப்படுத்த இந்த முடிவுகள் எடுக்கப்பட்டுள்ளதாக அந்நாட்டு ராணுவம் தெரிவித்துள்ளது.

சில குழுக்கள் நெருக்கடியைப் பயன்படுத்திக் கொண்டு கொள்ளை, தீ வைப்பு மற்றும் சொத்துக்களை அழிப்பதைச் செய்து வருவதாக நேபாள இராணுவம் வெளியிட்ட அறிக்கையில் மேலும் தெரிவிக்கப்பட்டுள்ளது.

சமூக ஊடகங்கள் மீதான தடையை எதிர்த்து நேபாளத்தில் போராட்டக்காரர்கள் நேற்று அந்நாட்டு நாடாளுமன்றக் கட்டிடம் மற்றும் பிரதமரின் இல்லத்திற்கு தீ வைத்து எரித்தனர், மேலும் பல கட்டிடங்களை அழித்துள்ளனர்.

நேபாளத்தில் நடந்த போராட்டங்களில் பலரின் உயிர்கள் பறிக்கப்பட்டதைத் தொடர்ந்து நேபாள பிரதமர் கே.பி. சர்மா ஒலி தனது பதவியை இராஜினாமா செய்துள்ளார்.

இநேரத்தில், நாட்டின் விமான நிலையமும் தற்காலிகமாக மூடப்பட்டுள்ளது.

26 சமூக ஊடக தளங்களை தடை செய்வதற்கான அரசாங்கத்தின் முடிவுக்கு எதிராக நேபாள தலைநகர் காத்மாண்டுவில் உள்ள நாடாளுமன்றத்தின் முன் நேற்று போராட்டங்கள் தொடங்கின.

இதற்கிடையில், நேபாளத்தில் உள்ள இலங்கையர்கள் வீட்டிலேயே இருந்து பாதுகாப்பாக இருக்குமாறு வெளியுறவு அமைச்சகம் அறிவுறுத்தியுள்ளது.

The post நேபாளத்திற்கான ஸ்ரீலங்கன் ஏர்லைன்ஸ் சேவைகள் தற்காலிகமாக நிறுத்தம் appeared first on Oruvan.com.

சைபர் தொடர்பான குற்றங்கள் உட்பட பல்வேறு குற்றங்களுடன் தொடர்புடைய 85 சீன நாட்டவர்கள் இன்று அதிகாலையில் இலங்கையில் இருந்து நாடு கடத்தப்பட்டதாக பண்டாரநாயக்க சர்வதேச விமான நிலைய அதிகாரிகள் (BIA) உறுதிப்படுத்தினர்.

உள்ளூர் நீதிமன்றங்களால் முன்னர் தண்டனை விதிக்கப்பட்ட இந்தக் குழுவினர், நாடுகடத்தப்படுவதற்கு முன்னதாக வெலிசரவில் உள்ள குடிவரவு மற்றும் குடியகல்வுத் துறையின் தடுப்பு மையத்தில் தடுத்து வைக்கப்பட்டிருந்தனர்.

இது குறித்து கட்டுநாயக்க விமான நிலையத்தின் பொறுப்பதிகாரி கூறுகையில்,

சீன நாட்டவர்கள் ஐந்து பேருந்துகளில் பலத்த பாதுகாப்பின் கீழ் விமான நிலையத்திற்கு அழைத்து வரப்பட்டு, சிறப்பு ஸ்ரீலங்கன் ஏர்லைன்ஸ் விமானத்தின் மூலம் நாடு கடத்தப்பட்டுள்ளனர்.

இந்த நடவடிக்கையின் போது பாதுகாப்பை உறுதி செய்வதற்காக மொத்தம் 85 இலங்கை பொலிஸ் அதிகாரிகள், குடிவரவு மற்றும் குடியகல்வுத் துறை அதிகாரிகள் மற்றும் 172 ஸ்ரீலங்கன் ஏர்லைன்ஸ் பாதுகாப்புப் பணியாளர்கள் நாடுகடத்தப்பட்டவர்களுடன் சென்றனர்.

சிறப்பு விமானமான ஸ்ரீலங்கன் ஏர்லைன்ஸ் UL-880, இன்று அதிகாலை 1:20 மணிக்கு சீனாவின் குவாங்சோ நோக்கி புறப்பட்டதாக அதிகாரி உறுதிப்படுத்தினார்.

நீதித்துறை முடிவுகள் மற்றும் குடியேற்ற நெறிமுறைகளுக்கு இணங்க இந்த நாடுகடத்தல் மேற்கொள்ளப்பட்டதாக அதிகாரிகள் தெரிவித்தனர், இது சமீபத்திய ஆண்டுகளில் இலங்கையில் இருந்து மேற்கொள்ளப்பட்ட மிகப்பெரிய ஒற்றை குழு நாடுகடத்தல்களில் ஒன்றாகும்.

The post இலங்கையில் இருந்து 85 சீன நாட்டவர்கள் நாடு கடத்தப்பட்டனர் appeared first on Oruvan.com.

குறித்த ஏர்பஸ் ஏ-320 விமானம் கடந்த ஐந்தாம் அதிகாலை 1.45 மணிக்கு கட்டுநாயக்காவிலிருந்து சிங்கப்பூருக்கு 93 பயணிகள் மற்றும் 8 பணியாளர்களுடன் புறப்பட்டது.

எனினும், இந்தப் பயணத்தின் போது, ​​இந்தோனேசிய வான்வெளியில் பறந்துகொண்டிருந்த விமானம் தொழில்நுட்பக் கோளாறை சந்தித்தது, இதனால் மேடன் விமான நிலையத்தில் அவசரமாக தரையிறக்கப்பட்டது.

அந்த விமான நிலையத்தில் விமானத்தை பழுதுபார்க்க எந்த வசதிகளும் இல்லாததால், ஸ்ரீலங்கன் ஏர்லைன்ஸ் பொறியாளர்கள் குழு ஒன்று தேவையான உதிரி பாகங்களுடன் மறுநாள் (06) மதியம் ஒரு சிறப்பு விமானத்தில் மேடான் விமான நிலையத்திற்கு புறப்பட்டது.

விமானத்தை பழுதுபார்த்த பின்னர், குறித்த விமானம் இன்று காலை கட்டுநாயக்க விமான நிலையத்தை வந்தடைந்துள்ளதாக தெரிவிக்கப்பட்டுள்ளது.

The post இந்தோனேசியாவில் அவசரமாக தரையிறங்கிய ஸ்ரீலங்கன் ஏர்லைன்ஸ் விமானம் appeared first on Oruvan.com.

இந்தியா மற்றும் பாகிஸ்தான் இடையே போர் பதற்றம் அதிகரித்துள்ள நிலையில், இன்று (08) காலை பாகிஸ்தானின் லாகூரில் மூன்று குண்டுவெடிப்புகள் நிகழ்ந்ததாக அறிவிக்கப்பட்டது.

பாதுகாப்பு கவலைகளை மேற்கோள் காட்டி, கராச்சிக்கான விமானங்கள் தற்போது வரை பாதிக்கப்படவில்லை என்பதை விமான நிறுவனம் உறுதிப்படுத்தியுள்ளது.

இந்தியாவிற்கும் பாகிஸ்தானுக்கும் இடையில் அதிகரித்து வரும் பதட்டங்கள் மற்றும் பிராந்தியத்தில் ஏற்பட்டுள்ள மோதல் வான்வெளி கட்டுப்பாடுகளுக்கு வழிவகுத்த நிலையில் ஸ்ரீலங்கன் ஏர்லைன்ஸின் இந்த அறிவிப்பு வெளியாகியுள்ளது.

புதுப்பிப்புகள் மற்றும் மாற்று பயண ஏற்பாடுகளுக்கு பயணிகள் விமான நிறுவனத்தைத் தொடர்பு கொள்ள அறிவுறுத்தப்படுகிறார்கள்.

பல சர்வதேச விமான வழித்தடங்களில் இடையூறுகளுக்கு வழிவகுத்த இந்தியாவிற்கும் பாகிஸ்தானுக்கும் இடையிலான அதிகரித்த பதட்டங்களுக்கு மத்தியில் இந்த முடிவு எடுக்கப்பட்டுள்ளது.

லாகூர் விமானங்களில் முன்பதிவு செய்த பயணிகள், மறு அட்டவணை அல்லது பணத்தைத் திரும்பப் பெறுவது தொடர்பான கூடுதல் தகவலுக்கு விமான நிறுவனத்தைத் தொடர்பு கொள்ளுமாறு ஸ்ரீலங்கன் ஏர்லைன்ஸ் வலியுறுத்தியது.

இடைநிறுத்தத்தின் காலம் குறித்து மேலதிக விபரங்கள் எதுவும் வெளியிடப்படவில்லை.

The post இந்தியா-பாகிஸ்தான் போர் பதற்றம்; லாகூருக்கான ஸ்ரீலங்கன் ஏர்லைன்ஸ் விமானம் நிறுத்தம் appeared first on Oruvan.com.

கொழும்பு, அதுருகிரிய பகுதியைச் சேர்ந்த 38 வயதுடைய ஒருவரே கைது செய்யப்பட்டுள்ளார்.

சந்தேக நபர் நேற்று (15) இரவு 10.00 மணியளவில் சிங்கப்பூரிலிருந்து ஸ்ரீலங்கன் ஏர்லைன்ஸ் விமானத்தில் கட்டுநாயக்க விமான நிலையத்தை வந்தடைந்துள்ளார்.

வருகையின் போது, ​​சந்தேக நபர், அதிக குடிபோதையில் இருந்ததாகவும், ​​விமானத்தில் பணிபுரியும் இரண்டு விமானப் பணிப்பெண்களை பாலியல் வன்கொடுமை செய்ய முயன்றதாகவும் கூறப்படுகின்றது.

அதன்படி, இரண்டு விமானப் பணிப்பெண்களும் விமானத்தின் விமானியிடம் சம்பவத்தைப் புகாரளித்ததைத் தொடர்ந்து, அது குறித்து கட்டுநாயக்க விமான நிலையக் கட்டுப்பாட்டு அறைக்குத் தெரிவிக்க நடவடிக்கை எடுக்கப்பட்டது.

விமானம் கட்டுநாயக்க விமான நிலையத்தில் தரையிறங்கியதும், சந்தேகநபர் ஸ்ரீலங்கன் ஏர்லைன்ஸ் பாதுகாப்பு அதிகாரிகளால் கைது செய்யப்பட்டு கட்டுநாயக்க பொலிஸாரிடம் அழைத்துச் செல்லப்பட்டார்.

இந்த சம்பவம் தொடர்பாக இரண்டு விமான பணிப்பெண்களிடமிருந்து வாக்குமூலங்கள் பதிவு செய்யப்பட்டுள்ளன.

மேலும் சம்பந்தப்பட்ட பயணி நீர்கொழும்பு மருத்துவ பரிசோதகரிடம் ஆஜர்படுத்தப்பட்டுள்ளார், அவர் அதிக அளவில் குடிபோதையில் இருந்ததை உறுதிப்படுத்தினார்.

இந்த சம்பவம் இலங்கை வான்வெளிக்குள் நடந்ததால், சந்தேக நபர் இன்று (16) கொழும்பு எண் 01 நீதவான் நீதிமன்றத்தில் ஆஜர்படுத்தப்பட உள்ளார்.

The post ஸ்ரீலங்கன் ஏர்லைன்ஸ் விமானப் பணிப்பெண்களை பாலியல் ரீதியாக துன்புறுத்திய பயணி கைது appeared first on Oruvan.com.

ஏர்பஸ் ஒப்பந்தம் தொடர்பாக வாக்குமூலம் பெற நாமல் ராஜபக்சவுக்கு அழைப்பு விடுக்கப்பட்டுள்ளதாக பொது பாதுகாப்பு அமைச்சகம் தெரிவித்துள்ளது.

2013 ஆம் ஆண்டில், ஸ்ரீலங்கன் ஏர்லைன்ஸ் 10 ஏர்பஸ்களை வாங்குவதற்கான ஒப்பந்தம் செய்யப்பட்டது.

இந்த பரிவர்த்தனை தொடர்பாக 16.84 மில்லியன் அமெரிக்க டொலர்கள் லஞ்சம் கொடுக்கப்பட்டிருப்பது இங்கிலாந்தின் தீவிர மோசடி அலுவலகம் நடத்திய விசாரணையில் தெரியவந்துள்ளது.

அப்போது நிறுவனத்தின் தலைமை நிர்வாக அதிகாரியாக இருந்த கபில சந்திரசேனவின் மனைவிக்கு சொந்தமான புருனே கணக்கில் 2 மில்லியன் டொலர்கள் வைப்புச் செய்யப்பட்டிருப்பதும் விசாரணைகளில் தெரியவந்துள்ளது.

மேலும், சம்பந்தப்பட்ட கணக்கிலிருந்து வேறு கணக்குகளுக்கு பணம் மாற்றப்பட்டிருப்பது தெரியவந்தது.

இந்தப் பின்னணியில்தான், சம்பந்தப்பட்ட பரிவர்த்தனை தொடர்பாக கடந்த காலங்களில் நீதிமன்ற நடவடிக்கைகள், கைதுகள் மற்றும் பிணை உத்தரவுகள் இருந்ததால், நாமல் ராஜபக்ச இன்று மீண்டும் குற்றப் புலனாய்வுத் துறைக்கு அழைக்கப்பட்டுள்ளார்.

The post இன்று குற்றப் புலனாய்வுத் திணைக்களத்தில் முன்னிலையாகும் நாமல் எம்.பி appeared first on Oruvan.com.