சப்ரகமுவ மாகாணத்தின் ஆர்.எம்.ஆர்.கே. ரத்நாயக்க 24.60 செக்கன்களில் ஓடி முடித்து வெள்ளிப் பதக்கத்தையும், மேல் மாகாணத்தைச் சேர்ந்த ஏ.டபிள்யூ.ஜி.ஜே.எஸ். விஜேதுங்க 24.88 செக்கன்களில் ஓடி முடித்து வெண்கலப் பதக்கத்தையும் பெற்றுக் கொண்டனர்.

தங்கப் பதக்கம் பெற்றுக் கொண்ட முகம் மட் பாத்திமா சாமியா யாமிக் மத்திய மாகாணம் கண்டியைப் பிறப்பிடமாகக் கொண்டவர்.

கண்டி விகாரமாதேவி பெண்கள் பாடசாலையின் பழைய மாணவியான இவர் இலங்கை இராணுவ படைப்பிரிவில் இணைந்து மெய்வல்லுனர் பயிற்சிகளைப் பெற்று வருகின்றார்.

அண்மையில் நடந்து முடிந்த இலங்கை இராணுவத்தின் 60வது மெய்வல்லுனர் போட்டிகளிலும் சாமியா யாமிக்100 மீற்றர் மற்றும் 200 மீற்றர் போட்டிகளில் தங்கப் பதக்கங்களைப் பெற்றிருந்தமையும் குறிப்பிடத்தக்கதாகும்.

The post 49வது தேசிய விளையாட்டு விழா – தங்கப்பதக்கம் வென்று அசத்திய சாமியா யாமிக் appeared first on Oruvan.com.

மைதானத்தில் மக்கள் தங்கள் கையடக்க தொலைபேசிகளை பைகளிலோ அல்லது கைகளில் வைத்துக் கொண்டோ கிரிக்கெட் பார்வையிடுவதை காணமுடியும்.

ஆனால் தொழில்முறை கிரிக்கெட் விளையாடும் வீரர்களால் அவ்வாறு கையடக்க தொலைபேசிகளை வைத்துக்கொண்டு விளையாட முடியாது.

இந்நிலையில், ​​கவுண்டி கிரிக்கெட்டில் ஓட்டம் எடுக்க ஓடும்போது ஒரு துடுப்பாட்ட வீரரின் பாக்கெட்டிலிருந்து ஸ்மார்ட்போன் மைதானத்தில் விழும் காணொளி சமூக ஊடகங்களில் வைரலாகி வருகிறது.

இந்த சம்பவம் ஓல்ட் டிராஃபோர்டில் நடைபெற்ற லங்காஷயர்-குளூசெஸ்டர்ஷயர் போட்டியின் போது நடந்தது. லங்காஷயர் வீரர் டாம் பெய்லி ஓட்டங்கள் எடுக்க முயன்றபோது அவரது பாக்கெட்டிலிருந்து ஸ்மார்ட்போன் மைதானத்தில் விழுந்தது.

இந்த சம்பவம் போட்டியின் 114வது ஓவரில் இந்த சம்பவம் நடந்தது. இதை முதலில் கவனிப்பவர்கள் வர்ணனையாளர்கள்தான். “அவரது பாக்கெட்டிலிருந்து ஏதோ விழுந்துவிட்டது, அது ஒரு மொபைல் போன் போல் தெரிகிறது” என்று ஒரு வர்ணனையாளர் கூறினார்.

மற்றொரு வர்ணனையாளர் அதற்கு வாய்ப்பே இல்லை என்று கூறினார். இந்தப் போட்டியில் பெய்லி 31 பந்துகளில் 22 ஓட்டங்களை எடுத்து ஆட்டமிழக்காமல் களத்தில் இருந்தார் என்பதும் குறிப்பிடத்தக்கது.

The post பாக்கெட்டில் ஸ்மார்ட்போனை வைத்துக்கொண்டு கிரிக்கெட் விளையாடி வீரர் – வைரலாகும் காணொளி appeared first on Oruvan.com.