அந்நாட்டின் மத்திய போதைப்பொருள் பிரிவு சி.என்.பி இதனை உறுதிப்படுத்தியது. இதன்படி, நேற்று வியாழக்கிழமை அவருக்கு மரண தண்டனை நிறைவேற்றப்பட்டுள்ளதாக தெரிவிக்கப்பட்டுள்ளது.

39 வயதுடைய தட்சிணாமூர்த்தி, சிங்கப்பூருக்கு 44.96 கிராம் diamorphine-னை கடத்தியதாக கடந்த 2011ஆம் ஆண்டில் குற்றம் சாட்டப்பட்டு 2015ஆம் ஆண்டில் மரண தண்டனை விதிக்கப்பட்டது.

அவர் தம்மீதான குற்றச்சாட்டு மற்றும் தண்டனையை மேல்முறையீடு செய்த வேளையில், கடந்த 2016ஆம் ஆண்டு பெப்ரவரி ஐந்தாம் திகதி மேல்முறையீட்டு நீதிமன்றம் அதை தள்ளுபடி செய்தது

அதைத் தொடர்ந்து, கடந்த 2022ஆம் ஆண்டு ஏப்ரல் 29ஆம் திகதியே தட்சிணாமூர்த்தி தூக்கிலிடப்பட்டிருக்க வேண்டும்.

ஆனால், நீதித்துறை சீராய்வு வழக்கு விசாரணையைத் தொடங்க அனுமதிக்கும் வகையில், மரணதண்டனை நிறைவேற்றுவதற்கு முன்னதாக அதற்கு இடைக்காலத் தடை விதிக்கப்பட்டது.

அத்துடன் மேல் முறையீட்டின் போது சட்ட ஆலோசகர் ஒருவரும் அவருக்கு நியமிக்கப்பட்டதாக, அறிக்கை ஒன்றில் சி.என்.பி கூறியிருந்தது.

மேலும், சிங்கப்பூர் ஜனாதிபதியிடம் தட்சிணாமூர்த்தி, கருணை மனு தாக்கல் செய்திருந்தபோதும் அது தோல்வியடைந்ததாக சி.என்.பி தெரிவித்தது.

இதேவேளை, எஸ். சாமிநாதன், ஆர்.லிங்கேஸ்வரன், பன்னீர் செல்வம் பரந்தாமன் ஆகிய மூன்று மலேசியர்களும் சிங்கப்பூர் சிறையில் மரண தண்டனையை எதிர்நோக்கி வருகின்றனர்.

The post போதைப்பொருள் கடத்தல் – சிங்கப்பூரில் தமிழர் ஒருவருக்கு மரண தண்டனை நிறைவேற்றம் appeared first on Oruvan.com.

அவர் இந்த நிறுவனத்தில் முதலீட்டு நிபுணராகப் பணியாற்றி வருவதாகக் கூறப்படுகிறது.

நிறுவனங்கள் மற்றும் தனிநபர்களின் முதலீடுகளைக் கட்டுப்படுத்துதல், நிதி வளங்களை நிர்வகித்தல், பங்குச் சந்தை மற்றும் பத்திர முதலீடுகள் தொடர்பான ஆலோசனை சேவைகளை வழங்குதல் ஆகியவை அவரது முக்கிய பொறுப்புகளில் அடங்கும் என்பதை சமூக ஊடக அறிக்கைகள் உறுதிப்படுத்துகின்றன.

2016இல் நிறுவப்பட்ட விஸ்டம் ஓக், முக்கியமாக சிங்கப்பூர் மற்றும் ஹாங்காங்கில் செயல்படுகிறது. நிறுவனம் தற்போது 7 பில்லியன் அமெரிக்க டொலர்களுக்கு மேல் முதலீடுகளை நிர்வகிப்பதாகக் கூறப்படுகிறது.

இந்த நிறுவனத்துடன் அவர் செய்த பணிக்காக மகேந்திரன் பல சர்வதேச விருதுகளை வென்றுள்ளார் என்றும் மேலும் தெரிவிக்கப்படுகிறது.

2016 இல் இலங்கை மத்திய வங்கியின் ஆளுநர் பதவியை விட்டுவிட்டு, பிணைமுறி மோசடி வழக்கை எதிர்கொள்ள சிங்கப்பூர் சென்ற மகேந்திரனை நாடு கடத்த அரசாங்கம் முயற்சித்தது.

எனினும், சிங்கப்பூர் இதுவரை அவரை ஒப்படைக்க மறுத்துவிட்டது. இதன் விளைவாக, அவர் எந்தத் தடையும் இல்லாமல் சிங்கப்பூரில் தொடர்ந்து பணியாற்றி வருகிறார் என தென்னிலங்கை ஊடகம் ஒன்று செய்தி வெளியிட்டுள்ளது.

The post மத்திய வங்கி பிணைமுறி மோசடியில் குற்றம் சாட்டப்பட்டுள்ள அர்ஜுன மகேந்திரனுக்கு உயர் பதவி appeared first on Oruvan.com.

சந்திரதாஸ் சிங்கப்பூரில் இலங்கைக்கான உயர் ஸ்தானிகராக 10 ஆண்டுகள் பணியாற்றினார்.

பெரும்பான்மையான மக்களாட்சியுடன் ஆட்சிக்கு வந்த தேசிய மக்கள் சக்தி அரசாங்கத்திற்கு சிங்கப்பூர் அரசாங்கத்தின் முழு ஆசீர்வாதமும்
இருப்பதாக சந்திரதாஸ் அமைச்சரிடம் தெரிவித்தார்.

தனது பதவிக் காலத்தில், இலங்கையில் வணிக மேம்பாடு மற்றும் முதலீட்டை ஆதரித்ததாகவும், சிங்கப்பூர் அரசாங்கம் எப்போதும் இலங்கையின் வளர்ச்சி மற்றும் முன்னேற்றத்தில் ஆர்வமாக இருப்பதாகவும் அவர் கூறினார்.

சூரிய சக்தித் துறை மற்றும் துறைமுக மேம்பாட்டு நடவடிக்கைகளில் சிங்கப்பூர் முதலீட்டாளர்கள் மிகுந்த ஆர்வம் காட்டுவதாகவும், எதிர்காலத்தில் அந்தத் துறைகளுக்கு சிறப்பு கவனம் செலுத்தப்படும் என்றும் தெரிவிக்கப்பட்டது.

இலங்கைக்கு வேலை வாய்ப்புகளை வழங்க சிங்கப்பூர் தயாராக இருப்பதாகவும், நாட்டில் 500 க்கும் மேற்பட்ட செவிலியர்களுக்கு ஏற்கனவே வேலை வாய்ப்புகள் வழங்கப்பட்டுள்ளதாகவும் சிங்கப்பூர் உயர் ஸ்தானிகர் தெரிவித்தார்.

இலங்கை எப்போதும் சிங்கப்பூரை அதன் வளர்ச்சிக்கு ஆதரவளிக்கும் ஒரு நண்பராக கருதுவதாகவும், எதிர்காலத்திலும் அந்த வரலாற்று நட்பைப் பேண இலங்கை தயாராக இருப்பதாகவும் அமைச்சர் விஜித ஹேரத் சிங்கப்பூர் உயர் ஸ்தானிகரிடம் தெரிவித்தார்.

தூய்மையான இலங்கை திட்டத்தின் கீழ் ஊழல் இல்லாத நாடு உருவாக்கப்பட்டுள்ளதால், இலங்கைக்கு அதிக முதலீட்டாளர்களை ஈர்க்க நடவடிக்கை எடுக்குமாறும் அமைச்சர் உயர் ஸ்தானிகரிடம் கேட்டுக்கொண்டார்.

சிங்கப்பூரில் பல்வேறு துறைகளில் வேலை வாய்ப்புகளை அதிகரிக்கவும், தேவைப்பட்டால் இரு அரசாங்கங்களுக்கிடையில் ஒப்பந்தங்களில் ஈடுபடவும் அரசாங்கம் தயாராக இருப்பதாகவும் அமைச்சர் மேலும் தெரிவித்தார்.

The post சிங்கப்பூர் உயர் ஸ்தானிகர் மற்றும் வெளிவிவகார அமைச்சர் இடையே சந்திப்பு appeared first on Oruvan.com.