வியட்நாம் ஜனாதிபதி மாளிகையில் இன்று திங்கட்கிழமை (05) இரு நாடுகளுக்கும் இடையிலான இருதரப்பு பேச்சுவார்த்தைகளைத் தொடர்ந்து இந்தப் புரிந்துணர்வு ஒப்பந்தங்கள் மற்றும் இணக்கப்பாட்டு ஒப்பந்தம் கைச்சாத்திடப்பட்டன.

இதன்போது, வியட்நாம் சோசலிச குடியரசுக்கும் இலங்கை ஜனநாயக சோசலிசக் குடியரசுக்கும் இடையே சுங்க விவகாரங்களில் ஒத்துழைப்பு மற்றும் பரஸ்பர உதவி தொடர்பாக உடன்பாடு எட்டப்பட்டுள்ளது.

வியட்நாமின் கைத்தொழில் மற்றும் வர்த்தக அமைச்சுக்கும் இலங்கையின் கைத்தொழில் மற்றும் தொழில்முயற்சியாண்மை அபிவிருத்தி அமைச்சுக்கும் இடையிலான இயந்திர உற்பத்தி ஒத்துழைப்பு குறித்த புரிந்துணர்வு ஒப்பந்தம்,வியட்நாம் விவசாய விஞ்ஞான அகாடமிக்கும் இலங்கை விவசாயத் திணைக்களத்திற்கும் இடையிலான விவசாய ஒத்துழைப்பு குறித்த புரிந்துணர்வு ஒப்பந்தம், இலங்கையின் பண்டாரநாயக்க சர்வதேச இராஜதந்திர பயிற்சி நிறுவனத்திற்கும் வியட்நாமின் இராஜதந்திர அகாடமிக்கும் இடையிலான புரிந்துணர்வு ஒப்பந்தம், மற்றும் வியட்நாம் வர்த்தக ஊக்குவிப்பு முகவர் நிறுவனத்திற்கும் இலங்கை ஏற்றுமதி அபிவிருத்தி சபைக்கும் இடையிலான புரிந்துணர்வு ஒப்பந்தம் ஆகிய ஒப்பந்தங்கள் (MoU) கைச்சாத்திடப்பட்டன.

இந்த ஒப்பந்தங்கள் மூலம் நிபுணத்துவத்தைப் பகிர்ந்து கொள்ளல், இராஜதந்திரிகள், நிபுணர்கள்,அதிகாரிகள், வல்லுநர்கள் மற்றும் ஆராய்ச்சியாளர்களின் பரிமாற்றம் அதேபோன்று, கல்வி மற்றும் ஆராய்ச்சி நிகழ்ச்சிகள், பல்வேறு பாடநெறிகள், கருத்தரங்குகள், இராஜதந்திரத் துறையில் ஏனைய கல்வி நடவடிக்கைகள் மற்றும் பயிற்சி தொடர்பான நிபுணத்துவத்தை ஒழுங்கமைக்கவும் பரிமாறிக்கொள்ள வசதிகளை ஏற்படுத்திக்கொள்ளவும் எதிர்பார்க்கப்படுகிறது.

இரு தரப்பினருக்கும் பொருத்தமான வர்த்தகத் தகவல் மற்றும் சந்தை நுண்ணறிவு பரிமாற்றம், இரு நாடுகளிலும் நடைபெறும் வர்த்தக கண்காட்சிகள் மற்றும் ஊக்குவிப்பு வாய்ப்புகளில் கூட்டு பங்கேற்பு மற்றும் வர்த்தக பிரதிநிதிகளுக்கு இடையே சந்திப்புகளை ஏற்பாடு செய்தல் உள்ளிட்ட பரந்த அளவில் வர்த்தக ஊக்குவிப்பு நடவடிக்கைகளுக்கு இந்தப் புரிந்துணர்வு ஒப்பந்தம் பல்வேறு வகையான வாய்ப்புகளை வழங்கும்.

இந்த இணக்கப்பாடுகள் ஊடாக குறிப்பாக பதப்படுத்தப்பட்ட உணவுகள், கடற்றொழில் நடவடிக்கைகள், ஆடைக் கைத்தொழில் மற்றும் பெறுமதி கூட்டப்பட்ட விவசாயத்திற்கு குறிப்பிடத்தக்க சந்தை வாய்ப்புகளை இரு நாடுகளுக்கும் வழங்கும் என்று எதிர்பார்க்கப்படுகிறது.

The post இலங்கைக்கும் வியட்நாமுக்கும் இடையே நான்கு புரிந்துணர்வு ஒப்பந்தங்கள் கைச்சாத்து appeared first on Oruvan.com.

மோடியின் வருகை மிகவும் சிறப்பானது என தெரிவித்த ட்ரம்ப் இந்தியா, மோடியுடனான தனது நல்லுறவைப் பற்றியும் எடுத்துரைத்தார்.

இவேளையில் அமெரிக்கா மீது இந்தியா அதிக வரி விதிப்பதாக கவலை வெளியிட்ட ட்ரம்ப் இந்தியா விதிக்கும் வரியையே அமெரிக்காவும் விதிப்பதாக தெரிவித்தார்.

இந்த சந்திப்பின்போது இருநாட்டு நல்லுறவு மட்டுமல்லாது இராணுவம், வர்த்தகம், மேம்படுத்தப்பட்ட தொழில்நுட்ப துறை, அணுசக்தித் துறையிலும் அமெரிக்காவுடன் புதிய ஒப்பந்தங்களை மேற்கொள்வது பற்றியும் ஆலோசிக்கப்பட்டுள்ளது.

பிரதமர் நரேந்திர மோடிக்கு ‘Our Journey Together’ என்ற புத்தகத்தை அமெரிக்க ஜனாதிபதி டொனால்ட் டிரம்ப் பரிசாக வழங்கி அதில் ‘பிரதமரே நீங்கள் சிறந்தவர்’ என்றும் எழுதி கையெழுத்திட்டுள்ளார்.

The post மோடி , ட்ரம்ப் சந்திப்பு – முக்கிய ஒப்பந்தங்கள் கைச்சாத்து appeared first on Oruvan.com.

நாடாளுமன்றத் தேர்தலில் புதிய ஜனநாயக முன்னணி இரண்டு தேசிய பட்டியல் ஆசனங்களை வென்றது. இதில் சில கட்சிகள் ஒன்றிணைந்து போட்டியிட்டிருந்தாலும் அவர்களுக்குள் புரிந்துணர்வு ஒப்பந்தம் கைச்சாத்திடப்படாமையே தேசியப் பட்டியல் ஆசனங்களுக்கு யாரை நியமிப்பது என்பதில் சர்ச்சைகள் எழக் காரணமாக அமைந்துள்ளது.

பிரதான சிங்கள ஊடகமொன்றில் இடம்பெற்ற அரசியல் நிகழ்வில் கலந்துக்கொண்டு ஊடகவியலாளர் எழுப்பிய கேள்விகளுக்கு பதிலளிக்கும் சந்தர்ப்பத்திலேயே முன்னாள் நாடாளுமன்ற உறுப்பினர் கஞ்சன விஜேசேகர இவ்வாறு பதிலளித்திருந்தார்.

புதிய ஜனநாயக முன்னணியின் தேசியப் பட்டியல் ஆசனத்திற்கு முன்னாள் நாடாளுமன்ற உறுப்பினர் கஞ்சன விஜேசேகரவை நியமிக்க வேண்டும் என ஐக்கிய தேசியக் கட்சி சார்பில் பரிந்துரைக்கப்பட்டிருந்த நிலையில் அதற்கு கூட்டணியின் எந்த கட்சியும் மறுப்பு தெரிவித்திருக்கவில்லை.

எனினும், அதன் தேசியப் பட்டியல் ஆசனத்திற்கு ரவிகருணாநாயக்க மற்றும் பைசர் முஸ்தப்பா ஆகியோரை நியமித்திருந்தாலும் யாரை நியமிப்பது என்பதில் பல இழுபறிகளும் நியமித்ததன் பின்னர் புதிய ஜனநாயக முன்னணியில் கூட்டணியமைத்துள்ள கட்சிகள் சில அதனை மறுத்திருந்தன.

எதிர்ப்பார்ப்புகளின் படி, கஞ்சன விஜேசேகர நியமிக்கப்படாமை தொடர்பில் குறித்த அரசியல் நிகழ்வில் அவரிடம் கேள்வியெழுப்பப்பட்டது.

“ஜனாதிபதித் தேர்தல் நிறைவடைந்து இரண்டு வாரத்தில் நாங்கள் நாடாளுமன்றத் தேர்தலுக்கான வேட்புமனுக்களை சமர்பித்திருந்தோம். நாங்கள் யாரும் தேசியப் பட்டியலை எதிர்ப்பார்த்து போட்டியிடவில்லை” எனக் கூறியிருந்தார்.

இது தொடர்பில் மேலும் கருத்து தெரிவித்த அவர்,

“ஜனாதிபதித் தேர்தலில் ஒன்றாக இணைந்து போட்டியிட்ட குழு பிரிந்து வெவ்வேறாக தனியாக போட்டியிடுவதா அல்லது ஒரு கூட்டணியாக போட்டியிடுவதா என்பதே எங்களுடைய முதலாவது காரணியாக அமைந்திருந்தது.

ஒரு கூட்டணியாக போட்டியிட தீர்மானிக்கும் போது எங்களுக்கு மூன்று யோசனைகள் முன்மொழியப்பட்டன. அதில், முதலாவது ரணில் விக்கிரமசிங்க சார்பில் யானை சின்னத்தில் போட்டியிடுவது, இரண்டாவது ஸ்ரீலங்கா சுதந்திரக் கட்சி சார்பில் கதிரை சின்னத்தில் போட்டியிடுவது, மூன்றாவதாக பொதுச் சின்னம் ஒன்றில் கூட்டணியாக போட்டியிடுவது அவையாகும்.

யானை சின்னத்தில் போட்டியிட பெரும்பாலானோர் விரும்பவில்லை. கதிரை சின்னத்தில் போட்டியிட ஐக்கிய தேசியக் கட்சியின் சிலர் போட்டியிட விரும்பவில்லை. நாடாளுமன்றத் தேர்தலுக்கு முன்னர் ஜனாதிபதித் தேர்தலில் களமிறங்கிய பொதுச்சின்னம் சிலிண்டர் சின்னம் என்பதால் சிலிண்டர் சின்னத்தில் போட்டியிட தீர்மானித்தோம்.

கட்சியின் பொதுச்செயலாளர் என்ற அடிப்படையில் ஷியாமளி பெரேரா அவர் விரும்பிய இருவரின் பெயரை முன்வைத்துள்ளார்.

கட்சியின் பொதுச்செயலாளருக்கே தேசியப் பட்டியல் ஆசனங்களை நியமிக்க உரிமை உண்டு.

ஸ்ரீலங்கா பொதுஜன பெரமுனவில் இருந்து வந்து ஆதரவு தெரிவித்த உறுப்பினர்களுக்கு முன்னுரிமை வழங்கப்பட வேண்டும் என்பதே எங்களுடைய கருத்தாக இருந்தது.

எனது பெயரை தேசியப் பட்டியல் ஆசனத்திற்கு முன்மொழிந்த அனைவருக்கும் நன்றி தெரிவிக்க விரும்புகிறேன்” என முன்னாள் நாடாளுமன்ற உறுப்பினர் கஞ்சன விஜேசேகர தெரிவித்தார்.

The post சிலிண்டர் சின்னத்தில் புரிந்துணர்வு ஒப்பந்தம் கைச்சாத்திடப்படவில்லை! – தேசியப் பட்டியல் சர்ச்சைக்கு கஞ்சன விளக்கம் appeared first on Oruvan.com.