இதற்கு முன்னர் சுனில் கவாஸ்கர் 732 ஓட்டங்கள் குவித்திருந்தது சாதனையாக இருந்தது. எனினும், தற்போது அதனை முறியடித்துள்ள சுப்மன் கில் புதிய சாதனை படைத்துள்ளார்.

இந்த பட்டியலில் 655 ஓட்டங்களுடன் விராட் கோலி மூன்றாவது இடத்தில் உள்ளார்.

இந்தியா மற்றும் இங்கிலாந்து அணிகளுக்கு இடையில் தற்போது நடந்து வரும் ஐந்தாவது இறுதியுமான டெஸ்ட் கிரிக்கெட் போட்டியின் போது சுப்மன் கில் இந்த சாதனையை படைத்துள்ளார்.

இரு அணிகளுக்கும் இடையிலான ஐந்து போட்டிகள் கொண்ட டெஸ்ட் தொடரின் கடைசி போட்டி லண்டன் ஓவல் மைதானத்தில் நேற்று தொடங்கியது. இதில் நாணய சுழற்சியில் வெற்றிபெற்ற இங்கிலாந்து அணி பந்துவீச முடிவெடுத்துள்ளது.

இதன்படி, இந்திய அணி முதலில் துடுப்பெடுத்தாடி வருகின்றது. நேற்றைய முதல் நாள் ஆட்ட நேரமுடிவில் இந்திய அணி ஆறு விக்கெட்டுகளை இழந்து 204 ஓட்டங்களை பெற்றிருந்தது.

இரு அணிகளுக்கும் இடையில் ஏற்கனவே நான்கு போட்டிகள் நடந்து முடிந்துள்ள நிலையில், இரண்டு போட்டிகளில் இங்கிலாந்து அணியும், ஒரு போட்டியில் இந்திய அணியும் வெற்றிபெற்றுள்ளன.

ஒரு போட்டி சமநிலையில் முடிவடைந்த நிலையில், தொடரை கைப்பற்றும் முனைப்பில் இங்கிலாந்து அணியும், தொடரை சமன் செய்ய இந்திய அணியும் தீவிரம் காட்டியுள்ளமை குறிப்பிடத்தக்கது.

The post புதிய சாதனை படைத்தார் சுப்மன் கில் appeared first on Oruvan.com.

இதன் மூலம் ஐபிஎல் குவாலிபயர் 1 போட்டிகளை குஜராத் டைட்டன்ஸ் அணி விளையாடும். இப்படியான ஒரு மிகப்பெரிய வாய்ப்பு குஜராத் டைட்டன்ஸ் அணிக்கு கிடைத்திருக்கிறது.

நேற்று நடைபெற்ற டெல்லி கேப்பிட்டல் அணிக்கு எதிரான போட்டியில் பஞ்சாப் கிங்ஸ் அணி தோல்வியை தழுவியதால் இந்த வாய்ப்பு குஜராத் டைட்டன்ஸ் அணிக்கு கிடைத்திருக்கிறது.

ஒருவேளை பஞ்சாப் கிங்ஸ் அணி நேற்றைய போட்டியில் வெற்றி பெற்று அந்த அணி கடைசியாக விளையாடும் போட்டியிலும் வெற்றி பெற்று இருந்தால் ஐபிஎல் 2025 தொடரின் புள்ளி பட்டியலில் முதல் இடத்திற்கு சென்றிருக்க முடியும்.

அந்த வாய்ப்பை பஞ்சாப் கிங்ஸ் அணி இப்போது இழந்திருக்கிறது. இப்போது இந்த வாய்ப்பு குஜராத் டைட்டன்ஸ் அணிக்கு கிடைத்திருக்கிறது.

இன்று இரவு நடைபெறும் சென்னை சூப்பர் கிங்ஸ் அணிக்கு எதிரான போட்டியில் குஜராத் அணி வெற்றி பெற்றால் 18 புள்ளிகளுடன் இருக்கும் அந்த அணி 20 புள்ளிகளைப் பெற்று ஐபிஎல் 2025 புள்ளி பட்டியலில் முதலிடத்தை பிடிக்கும்.

ஆனால் குஜராத் அணியின் இந்த கனவு அவ்வளவு எளிதாக நிறைவேறி விட வாய்ப்பு இல்லை.

ஏனென்றால் எம் எஸ் தோனி தலைமையிலான சென்னை சூப்பர் கிங்ஸ் அணி இப்போட்டியில் வெற்றி பெற்று ஐபிஎல் 2025 தொடரை வெற்றிகரமாக முடிக்க வேண்டும் என்ற எண்ணத்தில் இருக்கிறது.

அப்படியான சூழலில் குஜராத் டைட்டன்ஸ் அணி இப்போட்டியை அவ்வளவு எளிதாக வென்று விட வாய்ப்பு இல்லை.

குஜராத் டைட்டன்ஸ் அணிக்கு இருக்கும் ஒரே ஒரு சாதகமான விஷயம் என்னவென்றால் இந்த போட்டி குஜராத் அணியின் சொந்த மைதானமான அகமதாபாத் மைதானத்தில் நடக்கிறது.

சூழல் சாதகமாக இருப்பதை பயன்படுத்திக் கொண்டு சென்னை சூப்பர் கிங்ஸ் அணி மீது அந்த அணி ஆதிக்கம் செலுத்தலாம். ஆனால் சிஎஸ்கே அணியை பொறுத்தவரை இப்போட்டியை வெற்றி பெற வேண்டும் என்ற எண்ணத்துடன் இருக்கிறது.

13 போட்டியில் விளையாடி இருக்கும் சென்னை சூப்பர் கிங்ஸ் அணி மூன்று போட்டிகளில் மட்டுமே வெற்றி பெற்று இருக்கிறது ஒரு வேளை இன்றைய போட்டியில் வெற்றி பெற்றால் நான்காவது வெற்றியாக அந்த அணிக்கு இருக்கும்.

அத்துடன் இந்த ஐபிஎல் போட்டியில் மிகக் குறைந்த வெற்றிகளை பெற்றிருக்கும் ராஜஸ்தான் அணிக்கு நிகரான வெற்றி பெற்று இருக்கிறோம் என்ற ஆறுதலை சென்னை சூப்பர் கிங்ஸ் அணியால் பெற்றுக் கொள்ள முடியும்.

இதற்காகவாவது சென்னை சூப்பர் கிங்ஸ் அணி இன்றைய போட்டியில் சிறப்பாக விளையாடி வெற்றி பெற கடினமாக முயற்சிக்கும்.

குஜராத் டைட்டன்ஸ் அணி இப் போட்டியில் தோற்றால், ஐபிஎல் புள்ளி பட்டியலில் முதலிடத்தை பிடிப்பதற்காக பஞ்சாப் கிங்ஸ், ஆர்சிபி ஆகிய அணிகளின் கடைசி ஆட்டங்களின் முடிவை எதிர்பார்த்து காத்திருக்க வேண்டும்.

ஏனென்றால் குஜராத் டைட்டன்ஸ் அணி இன்றைய போட்டியில் தோற்று, பஞ்சாப் கிங்ஸ், ஆர்சிபி அணிகள் முறையே தங்களது கடைசி போட்டிகளில் வெற்றி பெற்றால் அந்த இரு அணிகளும் ஐபிஎல் புள்ளி பட்டியலில் முதல் 2 இடத்திற்கு செல்ல வாய்ப்புள்ளது.

குவாலிஃபயர் முதல் சுற்றில் விளையாட வேண்டும் என்றால் குஜராத் டைட்டன்ஸ் அணிக்கு இன்றைய போட்டி வெற்றி மிக மிக முக்கியமானது.

The post குஜராத் டைட்டன்ஸ் அணிக்கு மிகப்பெரிய வாய்ப்பு – ஆனால், தோனி விடுவாரா? appeared first on Oruvan.com.

டெஸ்ட் கிரிக்கெட் போட்டிகளில் இருந்து ஓய்வு பெறுவதாக சர்மா நேற்று அறிவித்துள்ள நிலையில், ஒரு நாள் போட்டிகளில் தொடர்ந்தும் விளையாடவுள்ளதாக அவர் அறிவித்துள்ளார்.

ஏற்கவே, கடந்த ஆண்டு இடம்பெற்ற டி20 உலகக் கிண்ண தொடருடன் சர்மா டி20 போட்டிகளில் இருந்தும் ஓய்வு பெற்றார்.

எனினும், சொந்த நாட்டிலேயே நியூசிலாந்து அணிக்கு எதிரான டெஸ்ட் தொடர் மற்றும் அவுஸ்திரேலியாவுக்கு எதிரான ஐந்து போட்டிகள் கொண்ட போடர்-கவாஸ்கர் டெஸ்ட் தொடரில் சர்மா தலைமையிலான இந்திய அணி மிக மோசமான தோல்வியை சந்தித்தது.

இந்த தொடர்கள் முழுவதும் சர்மாவின் துடுப்பாட்டம் கடும் விமர்சனத்திற்கு உள்ளாகியிருந்தது. எனினும், இந்த ஆண்டு இடம்பெற்ற ஐசிசி சம்பியன் கிண்ணத்தை சர்மா தலைமையிலான இந்திய அணி கைப்பற்றியிருந்தது.

தற்போது நடந்து வரும் ஐபிஎல் தொடரில் மும்பை அணிக்காக விளையாடி வரும் சர்மா ஆரம்பத்தில் தடுமாறியிருந்தாலும், பின்னர் தனது அதிரடி ஆட்டங்களால் அணியை வெற்றிப்பாதைக்கு அழைத்து வந்துள்ளார்.

இந்நிலையிலேயே, நேற்று திடீரென டெஸ்ட் போட்டிகளில் இருந்து ஓய்வு பெறுவதாக சர்மா அறிவித்துள்ளார். சர்மா ஓய்வை அறிவித்துள்ள நிலையில், புதிய தலைவராக ஷுப்மன் கில் நியமிக்கப்படலாம் என தகவல்கள் வெளியாகியுள்ளன.

நடப்பு ஐபிஎல் தொடரில் குஜராத் அணிக்கு தலைமை தாங்கும் கில், தனது திறமையான வழிநடத்தல் மூலம் புள்ளிப் பட்டியலில் அணியை முதலிடம் பிடிக்கச் செய்துள்ளார். இதனால் பலரின் கவனமும் கில் பக்கம் திரும்பியுள்ளது.

ஷுப்மன் கில் ஒருநாள் அல்லது டெஸ்ட் போட்டிகளில் இந்திய அணிக்கு ஒருபோதும் தலைமை தாங்கியதில்லை என்றாலும், அவர் ஐந்து டி20 கிரிக்கெட் போட்டிகளில் இந்திய அணியை வழிநடத்தியுள்ளார்.

இந்த ஆண்டு ஜூன் 20 ஆம் திகதி ஹெடிங்லியில் நடைபெறும் இந்தியா-இங்கிலாந்து அணிகளுக்கு இடையிலான டெஸ்ட் தொடரி முழுநேர டெஸ்ட் தலைவராக கில் நியமிக்கப்படுவார் என்று நம்பகமான வட்டாரங்கள் தெரிவித்துள்ளன.

அஜித் அகர்கர் தலைமையிலான தேர்வுக் குழு, இந்த மாத இறுதியில் கூடும் போது அணியைத் தெரிவு செய்யும் என்று எதிர்பார்க்கப்படுகிறது.

இந்தப் போட்டி இந்தியாவிற்கான அடுத்த உலக டெஸ்ட் சம்பியன்ஷிப் (WTC) சுழற்சியைத் தொடங்கியுள்ள நிலையில், நீண்டகால தொலைநோக்குப் பார்வை கொண்ட ஒரு தலைவர் தங்களுக்குத் தேவை என்பதை தேர்வாளர்கள் உணர்ந்துள்ளனர்.

எனவே, 25 வயதான கில் இந்தியாவின் மிகவும் விரும்பத்தக்க மற்றும் பொருத்தமான தேர்வாக இருப்பார் என்று நம்பப்படுகிறது.

The post ஓய்வு பெற்றார் ஹிட் மேன் – புதிய தலைவராகும் ஷுப்மான் கில் appeared first on Oruvan.com.

நியூசிலாந்துக்கு எதிரான அடுத்த போட்டியில் இந்திய அணியின் தலைவர் ரோகித் சர்மா விளையாட மாட்டார் எனவும் இந்த சூழ்நிலையில், துணைத் தலைவரான கில் அணியை வழிநடத்துவார் எனவும் தெரிவிக்கப்பட்டுள்ளது.

அண்மையில் நடந்து முடிந்த பாகிஸ்தானுக்கு எதிரான போட்டியில் ரோகித்தின் காலில் காயம் ஏற்பட்டது. இதைத் தொடர்ந்து கில் சிறிது காலம் அணியை வழிநடத்தினார்.

பின்னர் ரோகித் விளையாட திரும்பினாலும், அவர் முழுமையாக உடல் தகுதி பெறவில்லை என்று கூறப்படுகிறது.

பாகிஸ்தானுக்கு எதிரான வெற்றிக்குப் பிறகு நடைபெற்ற பயிற்சி அமர்வுகளில் ரோகித் பங்கேற்கவில்லை. ரோகித் தனது பெரும்பாலான நேரத்தை பயிற்சியாளர் கம்பீருடன் போட்டி தொடர்பான விடயங்களைப் பற்றி விவாதித்ததாக கூறப்படுகின்றது.

இந்நிலையில், காயம் பெரியதாக இல்லாவிட்டாலும், நியூசிலாந்துக்கு எதிரான போட்டியில் ரோகித்துக்கு ஓய்வு அளிக்கப்படும் என்று தெரிவிக்கப்பட்டுள்ளது.

சம்பியன்ஸ் கிண்ண அரையிறுதிக்கு நியூசிலாந்து மற்றும் இந்தியா ஏற்கனவே தகுதி பெற்றுவிட்டதால், இந்தப் போட்டி இரு அணிகளுக்கும் முக்கியமானதல்ல.

இந்த சூழ்நிலையில், அணி நிர்வாகம் ரோகித்துக்கு ஓய்வு அளித்து கில்லை தலைவராக நியமிக்கும் என்று இந்தியன் எக்ஸ்பிரஸ் செய்தி வெளியிட்டுள்ளது.

The post ஐசிசி சம்பியன்ஸ் கிண்ண தொடர் – சுப்மன் கில் தலைவராக அறிமுகம்? appeared first on Oruvan.com.