டாக்காவில் உள்ள புர்பச்சல் நியூ டவுன் அரசு திட்டத்தில் நிலங்களை ஒதுக்குவதில் முறைகேடுகள் நடந்ததாக இந்த வழக்கு தாக்கல் செய்யப்பட்டிருந்தது.

டாக்கா நீதிமன்றத்தின் சிறப்பு நீதிபதி ரபியுல் ஆலம் இந்த தண்டனையை விதித்தார்.

இரண்டு வழக்குகளில் இவ்வாறு தண்டனை விதிக்கப்பட்டுள்ளது. ஒவ்வொரு குற்றச்சாட்டுகளுக்கும் தலா ஐந்து ஆண்டுகள் தண்டனை விதிக்கப்பட்டுள்ளது.

அதே வழக்கில், ஹசீனாவின் மருமகன் ரத்வான் முஜீப் மற்றும் மருமகள் அஸ்மினா சித்திக் ஆகியோருக்கு தலா ஏழு ஆண்டுகள் சிறைத்தண்டனை விதிக்கப்பட்டுள்ளது.

மற்றொரு மருமகள் துலிப் ரிஸ்வானா சித்திக் நான்கு ஆண்டுகள் சிறைத்தண்டனை விதிக்கப்பட்டுள்ளது. ஒவ்வொரு வழக்கிலும் தலா இரண்டு ஆண்டுகள் சிறைத்தண்டனை விதிக்கப்பட்டுள்ளது.

மாணவர் போராட்டங்களை ஒடுக்கியதில் பங்கு வகித்ததற்காக, பதவி நீக்கம் செய்யப்பட்ட பிரதமர் ஷேக் ஹசீனாவுக்கு, பங்களாதேஷூக்கான சர்வதேச குற்றவியல் தீர்ப்பாயம் (ICTB) மரண தண்டனை விதித்துள்ளது.

ஒகஸ்ட் 2024 இல் காவல்துறை நடவடிக்கை தொடர்பான வழக்கில் மரண தண்டனை விதிக்கப்பட்டது. பங்களாதேஷூல் ஜனவரி மாதம் நடைபெற்ற தேர்தல்கள் மோசடியானவை என்று தீர்ப்பாயம் கண்டறிந்தது.

பங்களாதேஷூன் ஸ்தாபகத் தந்தை ஷேக் முஜிபுர் ரஹ்மானின் மகள் ஹசீனா, 1996 முதல் 2001 வரையிலும், 2009 முதல் 2024 வரையிலும் பிரதமராகப் பணியாற்றினார்.

ஜூலை 2024 இல் தொடங்கிய மாணவர் போராட்டங்களைத் தொடர்ந்து ஒகஸ்ட் ஐந்தாம் திகதி அவர் பதவி நீக்கம் செய்யப்பட்டு இந்தியாவுக்குத் தப்பிச் சென்றார்.

இந்தியாவில் தஞ்சம் கோரிய ஹசீனாவிற்கு எதிராக பங்களாதேஷூல் பல வழக்குகள் பதிவுசெய்யப்பட்டுள்ளமை குறிப்பிடத்தக்கது.

The post ஷேக் ஹசீனாவுக்கு 10 ஆண்டுகள் சிறைத்தண்டனை appeared first on Oruvan.com.

முன்னாள் பிரதமர் ஷேக் ஹசீனாவின் அவாமி லீக் கட்சி நாடு தழுவிய போராட்டங்களைத் தொடங்கத் தயாராகி வரும் நிலையில் பாதுகாப்பு பலகப்படுத்தப்பட்டுள்ளது.

2024ஆம் ஆண்டு ஒகஸ்ட் ஐந்தாம் திகதி பிரதமர் மற்றும் அவரது அரசாங்கத்திற்கு எதிரான கடுமையான பொது எதிர்ப்பை எதிர்கொண்டு ஷேக் ஹசீனா பதவியை இராஜினாமா செய்து இந்தியாவுக்குத் தப்பிச் சென்றார்.

பின்னர் நோபல் பரிசு பெற்ற முகமது யூனுஸ் தலைமையிலான இடைக்கால அரசாங்கத்திடம் ஆட்சி ஒப்படைக்கப்பட்டது, மேலும் அவாமி லீக் கட்சி தடை செய்யப்பட்டது.

பல்கலைக்கழக மாணவர்கள் உட்பட பொதுமக்கள் போராட்டக்காரர்களை சுட்டுக் கொன்றதற்காக ஷேக் ஹசீனா மீது தொடரப்பட்ட வழக்கின் தீர்ப்பு வரும் திங்கட்கிழமை வழங்கப்பட உள்ளது.

இத்தகைய பின்னணியில், இந்தியாவில் மறைந்திருக்கும் ஷேக் ஹசீனா, தனது ஆதரவாளர்களை போராட்டம் நடத்துமாறு வலியுறுத்தியுள்ளார்.

அதன்படி, சமீபத்திய நாட்களில் நாடு முழுவதும் பல இடங்களில் போராட்டங்கள் மற்றும் தீ வைப்பு சம்பவங்கள் பதிவாகியுள்ளதாக பங்களாதேஷ் அதிகாரிகள் தெரிவிக்கின்றனர்.

சூழ்நிலை காரணமாக, போக்குவரத்து நடவடிக்கைகள் தடைசெய்யப்பட்டன, மேலும் பாடசாலைகள் மற்றும் பல்கலைக்கழக நடவடிக்கைகளை ஒன்லைனில் நடத்தவும் அதிகாரிகள் நடவடிக்கை எடுத்துள்ளதாக வெளிநாட்டு தகவல்கள் தெரிவிக்கின்றன.

பங்களாதேஷில் புதிய அரசாங்கத்தை நியமிக்கும் பொதுத் தேர்தல் அடுத்த பெப்ரவரியில் நடைபெற உள்ளது.

The post டாக்காவில் பாதுகாப்பு பலப்படுத்தப்பட்டுள்ளது appeared first on Oruvan.com.

கடந்த ஆண்டு இடம்பெற்ற போராட்டத்தை அடுத்து அதிகாரத்தில் இருந்து தூக்கியெறியப்பட்ட ஷேக் ஹசினா, இந்தியாவுக்கு தப்பிச் சென்றதுடன், மனிதகுலத்திற்கு எதிரான குற்றங்களுக்காக விசாரணையில் உள்ளார்.

கசிந்த குரல் பதிவுகளின்படி, போராட்டக்காரர்களுக்கு எதிராக “கொடிய ஆயுதங்களைப் பயன்படுத்த” பாதுகாப்புப் படையினருக்கு ஷேக் ஹசினா உத்தரவிட்டுள்ளதாக கூறப்படுகின்றது.

எவ்வாறாயினும், இந்த குற்றச்சாட்டுகளை ஷேக் ஹசினா மறுத்துள்ளார்.

ஹசீனாவின் 15 ஆண்டுகால ஆட்சியை முடிவுக்குக் கொண்டுவந்த கலவரத்தில் 1,400 பேர் வரை கொல்லப்பட்டனர். 1971 ஆம் ஆண்டு சுதந்திரப் போருக்குப் பிறகு பங்களாதேஷ் கண்ட மிக மோசமான வன்முறை இதுவாகும்.

ஹசீனாவுக்கு 1,400 மரண தண்டனைகள் வழங்கப்பட வேண்டும் என்று கூறினார். ” மனித ரீதியாக இது சாத்தியமில்லாததால், குறைந்தபட்சம் ஒன்றையாவது நாங்கள் கோருகிறோம்,” என்று தலைமை சட்டத்தரணி தாஜுல் இஸ்லாம் வலியுறுத்தியுள்ளார்.

“ஹசீனாவின் குறிக்கோள், தனக்கும் தனது குடும்பத்திற்கும் நிரந்தரமாக அதிகாரத்தில் ஒட்டிக்கொள்வதாகும்,” என்று இஸ்லாம் வியாழக்கிழமை நீதிமன்றத்தில் தெரிவித்தார்.

“அவர் ஒரு கடுமையான குற்றவாளியாக மாறிவிட்டார், அவர் செய்த கொடூரத்திற்கு எந்த வருத்தமும் காட்டவில்லை,” என்று சட்டத்தரணி தாஜுல் இஸ்லாம் தெரிவித்துள்ளார்.

ஹசீனாவின் முன்னாள் உள்துறை அமைச்சர் அசாதுஸ்மான் கான் கமல் மற்றும் முன்னாள் பொலிஸ் தலைவர் சவுத்ரி அப்துல்லா அல்-மாமுன் ஆகியோருக்கும் விசாரணைகள் நடைபெற்று வருகிறன.

கமலும் தலைமறைவாக இருப்பதால், அவருக்கு மரண தண்டனை விதிக்க வேண்டும் என்று சட்டத்தரணிகள் கோரிக்கை விடுத்துள்ளனர்.
ஜூலை மாதம் சவுத்ரி குற்றத்தை ஒப்புக்கொண்டுள்ளார். எனினும், அவருக்கு இன்னும் தண்டனை வழங்கப்படவில்லை.

நீதிமன்ற அவமதிப்புக்காக ஹசீனாவுக்கு ஏற்கனவே ஆறு மாத சிறைத்தண்டனை விதிக்கப்பட்டுள்ளது, மேலும் அவர் மீது ஊழல் குற்றச்சாட்டுகளும் தனித்தனியாக சுமத்தப்பட்டுள்ளமை குறிப்பிடத்தக்கது.

The post ஷேக் ஹசீனாவுக்கு மரண தண்டனை விதிக்க வேண்டும்! வலுக்கும் கோரிக்கை appeared first on Oruvan.com.

தலைமை ஆலோசகர் முகமது யூனுஸ் தலைமையிலான பங்களாதேஷின் இடைக்கால அரசாங்கம் அறிக்கை ஒன்றை வெளியிட்டு இந்த கோரிக்கையினை விடுத்துள்ளது.

யூனுஸின் பத்திரிகை செயலாளர் ஷஃபிகுல் ஆலம் வெளியிட்டு சமூக ஊடகங்களில் பகிரப்பட்ட இந்த அறிக்கை, ஹசீனாவின் தலைமையின் கீழ் பொதுமக்கள் இறந்ததற்கான குற்றச்சாட்டுகளை அடிக்கோடிட்டுக் காட்ட, பிபிசி மற்றும் ஐக்கிய நாடுகள் சபை உள்ளிட்ட சர்வதேச அறிக்கைகள் மற்றும் தரவுகளை மேற்கோள் காட்டியது.

“நீண்ட காலமாக, ஷேக் ஹசீனாவை நாடு கடத்த வேண்டும் என்ற பங்களாதேஷூன் சட்டப்பூர்வமான கோரிக்கையை இந்தியா ஏற்க மறுத்து வருகிறது. அந்த நிலைப்பாடு இனி நிலைத்திருக்க முடியாது” என்று அந்த அறிக்கையில் கூறப்பட்டுள்ளது.

“மனிதகுலத்திற்கு எதிரான குற்றங்களில் ஈடுபட்டதாக நம்பகமான முறையில் குற்றம் சாட்டப்பட்ட ஒரு நபரை இந்தியா இனி பாதுகாக்க முடியாது.
எந்தவொரு பிராந்திய நட்புறவோ, எந்த மூலோபாய கணக்கியலோ, எந்த அரசியல் மரபும் பொதுமக்களை வேண்டுமென்றே கொலை செய்வதை மன்னிக்கவோ அல்லது மறைக்கவோ முடியாது.”

பங்களாதேஷ் மற்றும் இங்கிலாந்துடன் இந்தியா கொண்டுள்ள பகிரப்பட்ட ஜனநாயக விழுமியங்களை நிலைநிறுத்துமாறு அழைப்பு விடுத்த அந்த அறிக்கையில், “இந்தியா இந்த தருணத்தின் முக்கியத்துவத்தை உணர்ந்து, நீதி, சட்டத்தின் ஆட்சி மற்றும் ஜனநாயக ஒருமைப்பாடு ஆகியவற்றின் பகிரப்பட்ட மதிப்புகளை மதிக்க வேண்டும் என்று நாங்கள் கேட்டுக்கொள்கிறோம்” என்று மேலும் கூறப்பட்டுள்ளது.

பங்களாதேஷ் மக்கள் “நீதிக்கு தகுதியானவர்கள்” என்றும், பாதிக்கப்பட்டவர்கள் “முடிவுக்கு தகுதியானவர்கள்” என்றும், “எந்தவொரு தலைவரும், எவ்வளவு சக்திவாய்ந்தவராக இருந்தாலும், சட்டத்திற்கு மேலானவர் அல்ல” என்பதை உலகம் காண வேண்டும் என்றும் கூறப்பட்டுள்ளது.

ஹசீனாவின் ஆட்சிக் காலத்தில் நடந்ததாகக் கூறப்படும் அட்டூழியங்களை விரிவாகக் கூறும் சமீபத்திய ஊடக செய்திகள் மற்றும் மனித உரிமை அறிக்கைகளையும் இந்த அறிக்கை சுட்டிக்காட்டியது, இதில் கட்டாயமாக காணாமல் போதல் மற்றும் எதிர்ப்புகளை அடக்குதல் ஆகியவை அடங்கும்.

சர்வதேச ஒற்றுமை மற்றும் பொறுப்புக்கூறலுக்கு அழைப்பு விடுத்தது, இதுபோன்ற குற்றச்சாட்டுகளுக்கு எதிராக மௌனம் காப்பது ஜனநாயக நிறுவனங்கள் மற்றும் உலகளாவிய மனித உரிமை விதிமுறைகளின் நம்பகத்தன்மையை குறைமதிப்பிற்கு உட்படுத்துகிறது என்பதை வலியுறுத்தியது.

The post ஷேக் ஹசீனா விடயத்தில் மனசாட்சியுடன் செயற்படுங்கள் – இந்தியாவிற்கு பங்களாதேஷ் கோரிக்கை appeared first on Oruvan.com.

பதவி நீக்கம் செய்யப்பட்ட ஷேக் ஹசீனாவின் அரசாங்கம் ஒரு மிருகத்தனமான எதிர்வினையை நடத்தியதாக ஐக்கிய நாடுகள் சபையின் மனித உரிமைகள் புலனாய்வாளர்கள் குற்றம் சுமத்துகின்றனர்.

இது மனிதகுலத்திற்கு எதிரான குற்றங்களுக்கு சமமாக இருக்கலாம் என்று அவர்கள் சுட்டிக்காட்டியுள்ளனர்.

அரச எதிர்ப்பு போராட்டக்காரர்கள் மீது தாக்குதல் மேற்கொண்டு வன்முறையில் அடக்குவதற்கான ஒரு அதிகாரப்பூர்வ கொள்கையை அவர்கள் கண்டறிந்ததாகவும் வெகுசன எதிர்ப்பை எதிர்கொண்டு அதிகாரத்தில் இருக்க திட்டமிட்டுள்ளதாகவும் தெரிவித்துள்ளனர்.

The post ஷேக் ஹசீனாவின் அடக்குமுறை மனிதகுலத்திற்கு எதிரானது – ஐ.நா appeared first on Oruvan.com.

ஷேக் ஹசீனாவிற்கு எதிராக வழக்குகள் பதிவுசெய்யப்பட்டுள்ள நிலையில், நீதிதுறை நடவடிக்கைகளுக்காக அவரை திருப்பி அனுப்புமாறு கோரிக்கை விடுக்கப்பட்டுள்ளது.

சட்டவிரோத செயலில் ஈடுபட்டதாக குற்றம் சாட்டப்பட்ட ஒருவரை வேறொரு நாட்டில் விசாரணைக்காக நாடு கடத்த இந்தியா மற்றும் பங்களாதேஷ் இடையே ஒப்பந்தம் செய்யப்பட்டுள்ளது.

இந்த ஒப்பந்தத்தின்படி முன்னாள் பிரதமரை மீண்டும் பங்களாதேஷுக்கு அழைத்து வருவதற்கான வாய்ப்புகள் இருப்பதாக பங்களாதேஷ் உள்துறை அமைச்சகம் தெரிவித்துள்ளது.

77 வயதான ஷேக் ஹசீனா கடந்த ஓகஸ்ட் ஐந்தாம் திகதி தனது பதவியிலிருந்து விலகியதுடன், பொதுமக்களின் எதிர்ப்பால் இந்தியாவுக்கு தப்பிச் சென்றார்.

அதன் பிறகு, டாக்டர் முகமது யூனுஸ் தலைமையிலான இடைக்கால நிர்வாகத்தின் கீழ் பங்களாதேஷ் நிர்வாகம் மாற்றப்பட்டது.

அண்மையில் இந்திய வெளிவிவகார செயலாளரின் பங்களாதேஷிற்கான உத்தியோகபூர்வ விஜயத்தின் போது முன்னாள் பிரதமரை மீண்டும் பங்களாதேஷிற்கு அனுப்புவது தொடர்பில் கவனம் செலுத்தப்பட்டதாக வெளிநாட்டு செய்திகள் தெரிவிக்கின்றன.

The post ஷேக் ஹசீனாவை உடனடியாக திருப்பி அனுப்புங்கள் – இந்தியாவிற்கு பங்களாதேஷ் கடிதம் appeared first on Oruvan.com.