யூனைக் கைது செய்ய அவரது வீட்டுக்குச் சென்ற அதிகாரிகளை அவரது பாதுகாப்புப் படையினர் தடுத்து நிறுத்தியதாக சர்வதேச செய்திகள்
தெரிவிக்கின்றன.

குற்றச்சாட்டுகளை எதிர்நோக்கும் தென்கொரிய ஜனாதிபதி யூன் சுக் யோலைக் கைது செய்ய அந்நாட்டின் ஊழல் புலனாய்வுத்துறை அதிகாரிகள் இன்று அவரது வீட்டிற்குச் சென்றனர்.

இதன்போது யூனின் வீட்டுக்கு வெளியே நூற்றுக்கணக்கான ஆதரவாளர்கள் கூடியிருந்தனர்.

“ஜனாதிபதி யூனை உயிர் கொடுத்து காப்போம்,” என ஆதரவாளர்கள் கோஷமிட்டனர்.

மேலும் அதிகாரிகள் யூனின் வீட்டு வளாகத்துக்குள் செல்ல எடுத்த முயற்சிகளும் தோல்வியுற்றன.

இதற்கு முன்பும் யூனின் வீட்டிற்கு அதிகாரிகள் சென்றபோது அவர்களை உள்ளே அனுமதிக்க அவரின் பாதுகாப்புப் படையினர் மறுத்துவிட்டனர்.

கடந்த மாதம் 3 ஆம் திகதி தென்கொரியாவில் இராணுவ ஆட்சியை அமுல்படுத்தியதால் யூன் பாரிய விளைவுகளை எதிர்கொண்டுள்ளார்.

அவர் அந்த சட்டத்தை மீளப்பெற்ற போதிலும் பதவி நீக்கம் செய்யும் தீர்மானம் நிறைவேற்றப்பட்டது.

எவ்வாறாயினும் யூனுக்கு எதிராக எதிர்வரும் ஆறாம் திகதி வரை பிடியாணை பிறப்பிக்கப்பட்டுள்ளது.

அவர் கைது செய்யப்பட்டாலும் 48 மணித்தியாலங்களுக்கு மாத்திரமே அதிகாரிகளால் தடுத்து வைத்திருக்க முடியும்.

இதன்பின்னர், அவரை விளக்கமறியலில் வைப்பதற்கு நீதிமன்ற உத்தரவு தேவைப்படும்.

இந்நிலையில், அதிகாரிகளுடன் யூன் ஒத்துழைக்காதது ஏமாற்றமளிப்பதாக ஊழல் புலனாய்வுத்துறை தெரிவித்துள்ளது.

தமது அதிகாரிகளின் பாதுகாப்புக் கருதி கைது நடவடிக்கை இரத்து செய்யப்பட்டதாக ஊழல் புலனாய்வுறுத்துறை தெரிவித்துள்ளது.

The post முன்னாள் தென்கொரிய ஜனாதிபதி யூனை கைது செய்யவிடாது தடுத்த ஆதரவாளர்கள் appeared first on Oruvan.com.

கைது பட்டியலில் பிரதான எதிர்க்கட்சியான ஜனநாயகக் கட்சியின் தலைவர் லீ ஜே-மியுங் மற்றும் மூன்று எதிர்க்கட்சி சட்டமன்ற உறுப்பினர்களும் உள்ளடங்குவதாக அந்நாட்டு தேசிய புலனாய்வு சேவையின் துணை இயக்குனரை மேற்கோள்காட்டி செய்திகள் வெளியாகியுள்ளன.

யூன் சுக் யோல் இந்த வாய்ப்பைப் பயன்படுத்தி அவர்களைக் கைதுசெய்ய முயன்றதாகவும் அவர் தெரிவித்துள்ளார்.

நாட்டின் அரசியல் கட்சிகள் இன்று வெள்ளிக்கிழமை அவசரக் கூட்டங்களை நடத்தியுள்ளன. யூன் மீதான குற்றச்சாட்டுக்கு நாடாளுமன்றில் வாக்கெடுப்பு நடத்த திட்டமிட்டுள்ள நிலையில் இந்த தகவல் வெளியாகியுள்ளது.

தென் கொரிய ஜனாதிபதி யூன் சுக் யோல் கடந்த செவ்வாய்க்கிழமை (03.12.2024) அந்நாட்டில் அவசரகால இராணுவ ஆட்சியை அமுல்படுத்தியதால் பாரிய விளைவுகளை எதிர்நோக்க வேண்டிய சூழ்நிலைக்கு தள்ளப்பட்டுள்ளார்.

வடகொரியாவின் கம்யூனிஸ்ட் படைகளின் அச்சுறுத்தல்களிலிருந்து தென்கொரியாவை பாதுகாக்கும் நோக்கிலும் உள்நாட்டில் தேச விரோத சக்திகளை
ஒழிக்கும் நோக்கிலும் இராணுவ ஆட்சியை அமுல்படுத்தியாக அவர் விளக்கமளித்திருந்தார்.

இதன்பின்னர் இந்நடவடிக்கை சட்டவிரோதமானது மற்றும் அரசியலமைப்பிற்கு எதிரானது என தென் கொரிய அரசியல்வாதிகள் இராணுவச் சட்டப் பிரகடனத்தை விமர்சித்தனர்.  ஆளும் கட்சி உறுப்பினர்கள் பலருமே இதற்கு எதிர்ப்பு வெளியிட்டிருந்தனர்.

அரசின் இந்த அறிவிப்புக்கு எதிர்க்கட்சிகள் கடும் கண்டனத்தையும் எதிர்ப்பையும் வெளியிட்டுள்ளன. அதுமட்டுமின்றி மக்கள் தொடர்ந்து ஜனாதிபதி யூன் சுக் யோல் பதவி விலக வேண்டும் என கோரி போராட்டத்தில் ஈடுபட்டனர்.

மேலும் மக்கள் பிரதிநிதிகளும் இந்த உத்தரவைத் திரும்பப் பெற வலியுறுத்தி வாக்களித்தனர். சட்டத்தைத் திரும்பப் பெற தேசிய சபையில் தீர்மானம் நிறைவேற்றப்பட்டது.

மொத்தமுள்ள 300 பேரில் 190 பேர் தீர்மானத்திற்கு ஆதரவாக வாக்களித்தனர். இதனை தொடர்ந்து தென்கொரிய ஜனாதிபதி அந்த அவசரநிலை இராணுவ சட்டத்தை மீளப்பெறுவதாக அறிவித்தார்.

ஆனாலும் தென்கொரிய ஜனாதிபதியை பதவிநீக்கம் செய்யும் தீர்மானத்தை அந்நாட்டின் எதிர்க்கட்சிகள் நாடாளுமன்றத்தில் தாக்கல் செய்தன.
தென் கொரிய ஜனாதிபதி பதவிநீக்கம் செய்ய நாடாளுமன்றத்தில் 3 இல் இரண்டு பெரும்பான்மை ஆதரவும், குறைந்தபட்சம் 6 அரசியலமைப்பு நீதிமன்ற நீதிபதிகளின் ஆதரவும் தேவைப்படும்

The post ஆளும் கட்சி தலைவரையே கைது செய்ய முயன்ற தென் கொரிய ஜனாதிபதி appeared first on Oruvan.com.