இலங்கைக்குத் தேவையான எரிபொருள், நிலக்கரி மற்றும் உரம் ஆகியவற்றைப் பெற்றுக்கொள்வது குறித்து மாஸ்கோவில் உயர்மட்டப் பேச்சுவார்த்தைகளை அவர் முன்னெடுக்கவுள்ளார்.

கடந்த வாரம் ரஷ்யாவின் பிரதி வெளியுறவு மற்றும் எரிசக்தி அமைச்சர்கள் கொழும்புக்கு வருகை தந்து ஜனாதிபதியுடன் கலந்துரையாடிய நிலையில் இந்த விஜயம் அமையவுள்ளது.

ரஷ்யாவிலிருந்து எரிபொருள் கொள்வனவு செய்வதற்கு விதிக்கப்பட்டிருந்த தடைகளை அமெரிக்கா அண்மையில் தளர்த்தியுள்ள சூழலில், அமைச்சரின் இந்தப் பயணம் பொருளாதார ரீதியில் முக்கியத்துவம் வாய்ந்ததாகப் பார்க்கப்படுகிறது.

The post எரிசக்தி நெருக்கடிக்கு தீர்வு தேடி ரஷ்யா செல்லும் அமைச்சர் விஜித appeared first on Oruvan.com.

குறித்த தூதரின் அங்கீகாரம் ரத்து செய்யப்பட்டதுடன், இரண்டு வாரங்களுக்குள் நாட்டை விட்டு வெளியேறுமாறும் அவருக்கு அறிவுறுத்தப்பட்டது.

ரஷ்யாவின் பாதுகாப்பு சேவையான FSB, பிரித்தானிய தூதுவர் “தன்னைப் பற்றி தவறான தகவல்களை அளித்தார்” என்று தெரிவித்துள்ளது.

மேலும், முறைசாரா சந்திப்புகளின் போது ரஷ்யப் பொருளாதாரம் குறித்த தகவல்களைச் சேகரிக்க அவர் முயன்றதாகவும் மீது குற்றம் சுமத்தப்பட்டுள்ளது.

ரஷ்ய ஊடக அறிக்கைகளின்படி, அந்தத் தூதர் “ரஷ்யக் கூட்டமைப்பின் பாதுகாப்பிற்கு அச்சுறுத்தல் விளைவிக்கும் உளவு மற்றும் நாசவேலை நடவடிக்கைகளில் ஈடுபட்டதாக தெரிவிக்கப்பட்டுள்ளது.

எவ்வாறாயினும், இந்தக் குற்றச்சாட்டுகளை பிரித்தானியா முற்றிலும் மறுத்துள்ளது.

மேலும், ரஷ்யா ஒரு “ஆக்ரோஷமான மற்றும் ஒருங்கிணைக்கப்பட்ட துன்புறுத்தல் பிரச்சாரத்தை” மேற்கொண்டுள்ளதாகவும் பிரித்தானியா கூறியுள்ளது.

பிரித்தானிய தூதரக ஊழியர்களையும் அவர்களது குடும்பத்தினரையும் அச்சுறுத்துவதை ஐக்கிய இராச்சியம் சகித்துக்கொள்ளாது என வெளியுறவு அலுவலக செய்தித் தொடர்பாளர் ஒருவர் தெரிவித்துள்ளார்.

The post பிரித்தானிய தூதுவரை நாட்டை விட்டு வெளியேறுமாறு ரஷ்யா உத்தரவு appeared first on Oruvan.com.

அமைச்சரவை முடிவுகளை அறிவிக்கும் ஊடகவியலாளர் சந்திப்பில் கலந்துகொண்டு இன்று கருத்து தெரிவித்த அவர் இதனைக் கூறியுள்ளார்.

இங்கு மேலும் கருத்து தெரிவித்த அவர்,

அரசாங்கங்களுக்கு இடையிலான ஒப்பந்தங்கள் மூலம் எரிபொருளைப் பெற்றுக்கொள்வதற்கான சாத்தியக்கூறுகள் தொடர்பில் அரசாங்கம் கவனம் செலுத்தியுள்ளது.

ரஷ்யாவின் எரிசக்தி பிரதி அமைச்சர் விரைவில் இலங்கைக்கு வருகை தரவுள்ளார்.இதன்போது இது குறித்து விரிவாக ஆலோசிக்கப்படும்

இலங்கைக்கான ஈரான் தூதுவர், எரிபொருளை வழங்கத் தயாரென கூறியதை வரவேற்கிறோம். இருப்பினும் கப்பல் வசதிகளைக் கொண்ட நாடுகளே அத்தகைய வாய்ப்புகளைப் பயன்படுத்த முடியும், இலங்கைக்கு தற்போது அந்த வசதி இல்லை.

தற்போது பல எரிபொருள் முன்பதிவுகள் வழங்கப்பட்டுள்ளன. அவற்றில் சில எரிபொருள் கப்பல்கள் எதிர்வரும் ஏப்ரல் மாதத்தில் நாட்டை வந்தடையவுள்ளன” என்றார்.

The post ரஷ்யாவிலிருந்து எரிபொருளைப் பெற இராஜதந்திர பேச்சுவார்த்தை appeared first on Oruvan.com.

மத்திய கிழக்கு மோதல்கள் காரணமாக எரிபொருள் விநியோகக் கட்டமைப்பில் ஏற்பட்டுள்ள பாதிப்புகளுக்கு தீர்வாக, ரஷ்ய எண்ணெயைக் கொள்வனவு செய்ய விதிக்கப்பட்டிருந்த தடைகள் நீக்கப்பட்டதைத் தொடர்ந்து இந்தச் சந்திப்பு இடம்பெற்றுள்ளது. 

 இலங்கையின் எரிபொருள் விநியோகத்தை தடையின்றி முன்னெடுத்துச் செல்வதற்கான ஒரு கட்டமாக, ரஷ்ய எரிபொருளைப் பெற்றுக்கொள்வது தொடர்பில்  வெளிவிவகார அமைச்சர், ரஷ்ய தூதுவருடன் கலந்துரையாடியுள்ளார் .

இலங்கையின் இந்தக் கோரிக்கையை உடனடியாக ரஷ்ய அரசாங்கத்துக்கு  அறிவிக்கத் தூதுவர் இதன்போது சம்மதம் தெரிவித்துள்ளார் .

அத்துடன், சம்பந்தப்பட்ட நிறுவனங்களுடன் ஒருங்கிணைந்து இதற்குத் தேவையான ஏற்பாடுகளைச் செய்து தருவதாகவும் அவர் உறுதியளித்துள்ளார் .

இந்தக் கலந்துரையாடலின் போது, இலங்கைக்குத் தேவைப்படும் எந்தவொரு சந்தர்ப்பத்திலும் ரஷ்யாவின் ஆதரவு கிடைக்கும் என ரஷ்ய தூதுவர் சுட்டிக்காட்டியுள்ளார் .

இச்சந்திப்பில் தொழிலாளர், நிதி மற்றும் திட்டமிடல் பிரதி அமைச்சர் அனில் ஜயந்த, இலங்கை பெற்றோலிய கூட்டுத்தாபனத்தின் தலைவர் டி. ஜே. ராஜகருணா, அமைச்சின் செயலாளர்கள் மற்றும் அதிகாரிகள் உள்ளிட்டோர் கலந்துகொண்டனர்.

The post ரஷ்யாவிடம் எரிபொருள் கொள்வனவு செய்வது தொடர்பில் அரசாங்கம் கலந்துரையாடல் appeared first on Oruvan.com.

மெக்சிகோ, வெனிசுலா போன்ற நாடுகளுடன் சேர்ந்து, கியூபாவிற்கு எண்ணெய் வழங்கும் முன்னணி நாடுகளில் ரஷ்யாவும் ஒன்றாக இருந்து வந்துள்ளது.

எனினும், கடந்த மாதம் வெனிசுலா மீதான அமெரிக்க தாக்குதலைத் தொடர்ந்து கியூபாவின் எரிபொருள் விநியோகம் தடைபட்டது.

கடந்த ஜனவரி மூன்றாம் திகதி வெனிசுலா ஜனாதிபதி அமெரிக்க படைகளால் சிறைபிடிக்கப்பட்டார்.

இதனையடுத்து, கியூபாவிற்கு, வெனிசுலாவில் இருந்து எரிபொருள் ஏற்றுமதி செய்வதை அமெரிக்க ஜனாதிபதி டொனால்ட் டிரம்ப் உடனடியான தடுத்து நிறுத்தினார்.

தொடந்து கியூபாவிற்கு எண்ணெய் ஏற்றுமதி செய்யும் எந்தவொரு நாட்டிற்கும் எதிராக பொருளாதாரத் தடைகளை விதிக்கும் நிர்வாக உத்தரவையும் பிறப்பித்தார்.

அமெரிக்காவின் நடவடிக்கையால் கியூபாவில் எரிபொருள் நெருக்கடி ஏற்பட்டுள்ள நிலையில், மெக்சிகோ மற்றும் ரஷ்யா போன்ற நாடுகள் எரிபொருள் வழங்குவதற்கு பேச்சுவார்த்தை முன்னெடுத்துள்ளன.

இந்நிலையிலேயே, கியூபாவிற்கு எரிபொருள் வழங்குவதற்கான சாத்தியக்கூறுகள் குறித்து தமது அரசாங்கம் விவாதித்து வருவதாக ரஷ்யா துணைப் பிரதமர் அலெக்சாண்டர் நோவக் தெரிவித்துள்ளார்.

The post கியூபாவிற்கு எரிபொருள் வழங்க தயாராகும் ரஷ்யா! appeared first on Oruvan.com.

சவுதி ஊடகம் ஒன்றுக்கு அளித்துள்ள செவ்வியில் ரஷ்ய வெளிவிவகார அமைச்சர் செர்ஜி லாவ்ரோவ் இந்த எச்சரிக்கையை விடுத்துள்ளார்.

இந்நிலையில், ஈரான் அமைதியான அணுசக்தி திட்டத்தைத் தொடர உதவும் வகையில் ஒரு தீர்வைக் காண நிதானத்தைக் கடைப்பிடிக்க வேண்டும் என்றும் அவர் அழைப்பு விடுத்துள்ளார்.

அணுசக்தி திட்டம் தொடர்பில் ஈரானுக்கும் அமெரிக்காவுக்கும் இடையில் முறுகல் நிலை தீவிரமடைந்துள்ளது.

தீவிரமடைந்து வரும் நெருக்கடியைத் தணிக்க ஜெனீவாவில் அமெரிக்க மற்றும் ஈரானிய அதிகாரிகள் மறைமுகப் பேச்சுவார்த்தைகளை நடத்திய வருகின்றனர்.

இந்நிலையிலேயே, ரஷ்ய வெளிவிவகார அமைச்சர் இவ்வாறு தெரிவித்துள்ளார்.

“அரபு நாடுகள், வளைகுடா முடியாட்சிகள் ஆகியவற்றிலிருந்து இந்தப் பிராந்தியத்தில் ஏற்படும் எதிர்வினைகளை நான் உன்னிப்பாகக் கவனித்து வருகிறேன். பதற்றம் அதிகரிப்பதை யாரும் விரும்பவில்லை.

நெருப்புடன் விளையாடுவதை அனைவரும் புரிந்துகொள்கிறார்கள்.”

பதட்டங்களை அதிகரிப்பது, ஈரானுக்கும் அருகிலுள்ள நாடுகளுக்கும் இடையிலான மேம்பட்ட உறவுகள் உட்பட அண்மைய ஆண்டுகளில் ஏற்பட்ட நேர்மறையான நடவடிக்கைகளைச் செயல்தவிர்க்கக்கூடும் என்று அவர் சுட்டிக்காட்டியுள்ளார்.

ஜெனீவாவில் நடைபெறும் பேச்சுவார்த்தைக்குப் பின்னர், அமெரிக்காவுடனான தனது மோதலை எவ்வாறு தீர்ப்பது என்பது குறித்த எழுத்துப்பூர்வ திட்டத்தை ஈரான் சமர்ப்பிக்கும் என்று அமெரிக்காவின் மூத்த அதிகாரி ஒருவர் புதன்கிழமை ரொய்ட்டர்ஸிடம் தெரிவித்தார்.

The post ஈரான் மீது அமெரிக்கா தாக்குதல் நடத்தினால் விளைவுகள் விபரீதமாகும் – ரஷ்யா எச்சரிக்கை appeared first on Oruvan.com.

ரஷ்யாவின் கிராஸ்னோடர் பகுதியில் உள்ள இல்ஸ்கி சுத்திகரிப்பு நிலையத்தை குறிவைத்து ட்ரோன் தாக்குதல் மேற்கொள்ளப்பட்டதாக அதிகாரிகள் தெரிவித்துள்ளனர்.

இதில் எரிபொருள் சேமித்து வைக்கப்பட்டிருந்த கொள்கலன் ஒன்று சேதமடைந்துள்ளதாக கூறப்படுகின்றது.

ரஷ்ய கட்டுப்பாட்டில் உள்ள கிரிமியாவின் சில பகுதிகளை உக்ரேனிய ட்ரோன்கள் குறிவைத்து தாக்கியதாக உள்ளூர் அதிகாரிகள் தெரிவித்தனர்.

எவ்வாறாயினும், ஒரே இரவில் 151 ட்ரோன்களை சுட்டு வீழ்த்தியதாக ரஷ்யா தெரிவித்துள்ளமை குறிப்பிடத்தக்கது.

The post ரஷ்ய எரிசக்தி உள்கட்டமைப்பு மீது உக்ரைன் தாக்குதல் appeared first on Oruvan.com.

பொது ஊழியர்களுக்குள் பயிற்சித் துறையின் தலைவரான லெப்டினன்ட் ஜெனரல் ஃபனில் சர்வரோவின் கொலை குறித்து விசாரணையைத் தொடங்கியுள்ளதாக ரஷ்யாவின் புலனாய்வுக் குழு இன்று அறிவித்துள்ளது.

ரஷ்ய தலைநகரின் தெற்கில் ஜெனரல் தனது காருக்கு அடியில் வெடிபொருள் வெடித்ததில் கொல்லப்பட்டார் என்றுபுலனாய்வாளர்கள் தெரிவித்தனர்.

மொஸ்கோ நேரப்படி காலை 7 மணியளவில் யாசெனேவா வீதியில் உள்ள கார் நிறுத்துமிடத்தில், ஓட்டுநர் உள்ளே இருந்தபோது, ​​வாகனம் வெடித்ததாக ரஷ்ய செய்தி நிறுவனங்கள் தெரிவித்தன.

“இந்த கொலை தொடர்பாக புலனாய்வாளர்கள் பல வழிகளில் விசாரணை நடத்தி வருகின்றனர்.

அவற்றில் ஒன்று, இந்த குற்றம் உக்ரேனிய உளவுத்துறை சேவைகளால் திட்டமிடப்பட்டது” என்று புலனாய்வுக் குழுவின் செய்தித் தொடர்பாளர் ஸ்வெட்லானா பெட்ரென்கோ தெரிவித்துள்ளார்.

The post மொஸ்கோவில் கார் குண்டுவெடிப்பில் ரஷ்ய ஜெனரல் பலி! appeared first on Oruvan.com.

ரஷ்ய ஜனாதிபதி விளாடிமிர் புதின் புதன்கிழமை பாதுகாப்பு அமைச்சு கூட்டத்தில் பேசும்போது, போர்முனை முழுவதும் ரஷ்யப் படைகள் தற்போது “மூலோபாய முன்முயற்சியை” (Strategic Initiative) கைப்பற்றியுள்ளதாகத் தெரிவித்தார்.

உக்ரைனின் நேட்டோ (NATO) பயிற்சி பெற்ற படைகளையும், மேற்கத்திய நவீன ஆயுதங்களையும் ரஷ்ய இராணுவம் வெற்றிகரமாக அழித்து வருவதாகவும் (Grinding down), 2025ஆம் ஆண்டில் மட்டும் உக்ரைனின் 300 குடியிருப்புப் பகுதிகளை ரஷ்யா தனது கட்டுப்பாட்டுக்குள் கொண்டு வந்துள்ளதாகவும் அவர் உரிமை கோரியுள்ளார்.

உக்ரைன் தனது பிராந்தியக் கோரிக்கைகளை ஏற்கும் வரை இந்த இராணுவ நடவடிக்கை தொடரும் என்று புதின் எச்சரித்துள்ளார்.

மறுபுறம், உக்ரைன் ஜனாதிபதி வோலோடிமிர் ஜெலென்ஸ்கி அண்மையில் குபியான்ஸ்க் (Kupiansk) பகுதிக்கு விஜயம் செய்து தனது படையினரை ஊக்கப்படுத்தினார்.

ரஷ்யாவின் பொருளாதாரத் தூணாக விளங்கும் எண்ணெய் உட்கட்டமைப்புகள் மீது உக்ரைன் நடத்தி வரும் தாக்குதல்கள் ரஷ்யாவுக்குப் பெரும் பின்னடைவை ஏற்படுத்தியுள்ளதாக அவர் குறிப்பிட்டுள்ளார்.

அமைதிப் பேச்சுவார்த்தையில் உக்ரைனின் நிலைப்பாட்டை வலுப்படுத்த போர்க்களத்தில் வெற்றிகளைப் பெறுவது அவசியம் என்றும், உக்ரைன் தனது தற்காப்பு அரண்களை வலுவாகப் பேணி வருவதாகவும் அவர் சுட்டிக்காட்டியுள்ளார்

The post போர்க்களத்தில் தங்களின் ஆதிக்கத்தை நிலைநாட்ட ரஷ்யா, உக்ரைன் தீவிர முயற்சி appeared first on Oruvan.com.

இந்தப் பகுதிகளை வலுக்கட்டாயமாக விடுவிப்போம் எனவும் அவ்வாறு இல்லையெனில் உக்ரேனிய துருப்புக்கள் இந்தப் பகுதிகளை விட்டு வெளியேற்றுவோம் எனவும் அவர் வலியுறுத்தியுள்ளார்.

எவ்வாறாயினும், போர் நிறுத்தம் குறித்து அமெரிக்கா முன்வைத்துள்ள சில திட்டங்களுடன்  உடன்படவில்லை எனவும் அவர்  சுட்டிக்காட்டியுள்ளார்.

இந்தியாவுக்கு அரச முறை பயணம் மேற்கொண்டுள்ள விளாடிமிர் புடின்  பயணத்திற்கு முன்னதாக இந்தியா டுடேவுடனான செவ்வியில்  இவ்வாறு தெரிவித்துள்ளார்.

உக்ரைன் மற்றும் ரஷ்யாவுக்கு இடையிலான போர் மூன்று ஆண்டுகளை கடந்துள்ள நிலையில், போரை முடிவுக்கு கொண்டுவரும் முயற்சியில் அமெரிக்கா ஈடுபட்டுள்ளது.

இதற்கான அமைதி ஒப்பந்த திட்டத்தை முன்வைத்துள்ள அமெரிக்கா, பேச்சுவார்த்தையில் ஈடுபடுவதற்காக சிறப்பு தூதுவர் அடங்கிய குழுவொன்றையும் நியமித்துள்ளது.

இந்நிலையில், கடந்த செவ்வாய்க்கிழமை சிறப்பு தூதுவர் இடம்பெற்றுள்ள அமெரிக்க குழு ரஷ்ய தரப்புடன் மொஸ்கோவில் சந்தித்துப் பேசியிருந்தது.

இந்த பேச்சுவார்த்தையின் பின்னர்,  ரஷ்ய ஜனாதிபதி “போரை முடிவுக்குக் கொண்டுவர விரும்புவார்” என்று நம்புவதாக அமெரிக்க ஜனாதிபதி டொனால்ட் டிரம்ப் தெரிவித்திருந்தார்.

இவ்வாறான நிலையிலேயே, கிழக்கு டான்பாஸ் பகுதியில் இருந்து உக்ரைன் துருப்புக்கள் உடனடியாக வெளியேற வேண்டும் என ரஷ்ய ஜனாதிபதி விளாடிமிர் புடின் எச்சரிக்கை விடுத்துள்ளார் என்பதும் குறிப்பிடத்தக்கது.

The post உக்ரைன் துருப்புக்கள் உடனடியாக வெளியேற வேண்டும் – புடின் எச்சரிக்கை appeared first on Oruvan.com.